CIJIJO 19
Kureva Kuti Zvapupu zva Jehovha i Makristu o Cokwadi?
Itusu Zvapupu zva Jehovha, tinotenda kuti tiri Makristu o cokwadi. Ngenyi? Mu cijijo ici, tinozovona kwakacijikira zvatinotenda, ngenyi tinodanijwa Zvapupu zva Jehovha, tinokhombijisa kudini kuti tinoda hama jedu.
1. Zvinotendhwa ngo Zvapupu zva Jehovha zvakacijikira kwapi?
Jesu wakati: “Soko [ra Mwari] icokwadi.” (Johani 17:17) Kudari inga ndi Jesu, itusu tinocijikira zvatinotenda mu Soko ra Mwari. Vonanyi kuti cikwata co vajiji vo Bhaibheri cakaitisa kudini izvi kuti citange kujija Soko ra Mwari kuvhira mugore ro 1870, kuti cinase kuzwisisa. Ivona vainga vecida kuziva kamare kuti Bhaibheri rinojijisenyi. Pavaizwisisa zvaijijiswa ngo Bhaibheri ivona vaizvitenda, pikija zvaisiyana no zvaijijiswa ngo magerejha. Kuvhira pondhopo, vakatanga kujijisa vamweni cokwadi ici. a
2. Ngenyi tinodanijwa kuti Zvapupu zva Jehovha?
Jehovha anodanija vandhu vanomunamata kuti zvapupu zvake ngokuti ivona vanojijisa cokwadi ngo pamusoro pake. (Vahebheru 11:4–12:1) Inga muezaniso, kareko Mwari wakavhunja vandhu vake kudari: ‘Imwimwi muri zvapupu zvangu.’ (Verenganyi Isaia 43:10, Sandujo yo Nyika Imbza.) Jesu anodanijwa kuti “Capupu Cakagondeka.” (Apokaripsi 1:5) Ngo kudaro, mu gore ro 1931 takatanga kudanijwa ngo zina rokuti Zvapupu zva Jehovha. Tinodada maningi ngo kudanijwa ngo zina iri.
3. Zvapupu zva Jehovha zvinotevejeresa kudini rudo hwakakhombijwa ndi Jesu?
Jesu waida maningi vajiji vake zvokuti ivona vaidari inga ukama hwake. (Verenganyi Marko 3:35.) Mu njira yakaezana, Zvapupu zva Jehovha zvakabatana mu nyika yese inga ukama humwehwo. Izvi ndizvona zvinovaitisa kuti vadanijane hama no hambzaji. (Firimoni 1, 2) Itusu tinozwira mupango wokuti: “Disanyi hama jo munyika yese.” (1 Pedhru 2:17) Itusu tinokhombija rudo uhu ngo njira jakasiyana-siyana, maningi-ningi hama jedu pajinonga jecida besero.
NASANYI KUPSAKISISA
Zivanyi zvizinji ngo pamusoro po zviitiko zvo Zvapupu zva Jehovha. Vonanyizve zviro zvimweni zvinokhombija kuti ivona i Makristu ocokwadi.
Makristu o cokwadi zvaanotenda zvakacijikira mu Bhaibheri perapo vanojijisavo vamweni zvavanojijaro
4. Zvatinotenda zvakacijikira mu Bhaibheri
Jehovha wakananga kuti kuzwisisa kwedu Bhaibheri kwaizoenderera mberi kwecijeka. Verenganyi Danieli 12:4, perapo bhuisananyi ngo muvhunjo uwu:
-
Vandhu va Mwari pavaizoenderera mberi vecijija Bhaibheri zvicinyi zvaizoengejeka?
Vonanyi cikwata cimwe co vandhu caijija Soko ra Mwari, pakati pavo painga no mwanarume waidanijwa kuti Charles Russell. Rijanyi VHIDHIYO, perapo bhuisananyi ngo muvhunjo unotevera.
-
Mu vhidhiyo, Charles Russell no vamweni vaijijisa kudini Soko ra Mwari?
Imwimwi maizviziva?
Nguva jimweni, itusu tinocinja manera ataimbozwisisa Bhaibheri. Ngenyi? Ngokuti Mwari anojekesa padoko ngo padoko zviri mu Soko rake. Mukuezana no zuva, padoko ngo padoko tinokwanisa kuvona zvimweni zviro. (Verenganyi Mazwi Akangwara 4:18.) Ngo zvokadi kuti Bhaibheri aricinji, asi tikazwisisa ushoni zvarinonanga tinocinja zvatinonga tecitenda.
5. Zvapupu zva Jehovha zvinopona mukuzwirana no zina razvo
Ngenyi takakheta kushandisa zina rokuti Zvapupu zva Jehovha? Rijanyi VHIDHIYO, perapo bhuisananyi ngo muvhunjo unotevera.
-
Ngenyi zina rokuti Zvapupu zva Jehovha rakanaka kwatiri?
Ngenyi Jehovha wakakheta vandhu kuti vave zvapupu zvake? Ngokuti zvapupu izvi zvaizojivirira zina ra Mwari ku manyepo aizonangwa ngo vandhu ngo pamusoro pake. Ngativone njira mbiri jo amwe o manyepo aya.
Zviara zvimweni zvinojijisa kuti Mwari anoda kuti vandhu vashandise zvithombe pakumunamata. Asi kureva kuti izvo ngo zvokadi? Verenganyi VaLevi 26:1, perapo bhuisananyi ngo muvhunjo iji:
-
Ngo zvokadi kuti Mwari anoda kuti tishandise zvimufananijo pakumunamata? Jehovha anovona kudini ngo kushandisa mufananijo?
Zviara zvimweni zvinojijisa kuti Jesu ndi Mwari. Asi kureva kuti izvi ndizvonadi kamare? Verenganyi Johani 20:17, perapo bhuisananyi ngo muvhunjo iji:
-
Ngo zvokadi kuti Jesu ndiyena Mwari? Jesu na Mwari imundhu umwe?
-
Mwari wakasana vandhu kuti vavhunje vamweni ngo pamusoro pake no Mwana wake. Imwimwi munojizwa kudini ngo kuziva izvi?
6. Itusu tinodisana
Bhaibheri rinoezanisa Makristu no mativi akasiyana-siyana o muviri wo mundhu. Verenganyi 1 Vakorinte 12:25, 26, perapo bhuisananyi ngo muvhunjo iji:
-
Ngo zvapi zvinodikanwa kuitwa ngo Mukristu wokadi paanovona Makristu amweni ecitambujika?
-
Ngo zvapi zvamavona ngo pamusoro po rudo huri pakati po Zvapupu zva Jehovha?
Zvapupu zva Jehovha zvo nyika jimweni pazvinonga zvecida besero, hama jo nyika jese jinoda kubesera ngo kukasika. Kuti muvone muezaniso, rijanyi VHIDHIYO. Perapo bhuisananyi ngo muvhunjo unotevera.
-
Tavona kuti kudari pakaitika ngozi Zvapupu zva Jehovha zvinopa besero rinodiwa. Izvi zvinokhombijisa kudini rudo hwavanahwo?
Makristu okadi anokhombija rudo kuno vanoda besero
VANDHU VAMWENI VANOTI: “Zvapupu zva Jehovha ndi vamweni vo zviara zvipsa zvabudari wari.”
-
Jehovha wakatanga rini kudanija vashandiri vake kuti zvapupu zvake?
ZVOTAJIJA
Zvapupu zva Jehovha ivona i Makristu o cokwadi. Itusu tiri ukama humwehwo hwo vashandiri va Jehovha kutenderera nyika yese. Zvatinotenda zvakacijikira mu Bhaibheri cimweni tinojijisa vamweni cokwadi ngo pamusoro pa Jehovha.
Kuhwirijira
-
Ngenyi itusu takasana kushandisa zina rokuti Zvapupu zva Jehovha?
-
Itusu tinotatijisa kudini kuti tinodisana?
-
Imwimwi munorangarira kuti Zvapupu zva Jehovha i Makristu o cokwadi?
ZIVANYI ZVIMWENI
Jijanyi zvizinji ngo pamusoro po shitoriya yo Zvapupu zva Jehovha.
Zvapupu zva Jehovha —Ivona Vakakhombija Rutendo, Divi 1: Kuvha Mucidima Kwenda Kuruvheneko (1:00:53)
Vonanyi muezaniso unovonesa kuti Zvapupu zva Jehovha zvakabudisa kudini pambhene jijiso jo kunyepa.
Vonanyi muvhunjo jimweni jinoithwa ngo pamusoro po Zvapupu zva Jehovha.
“Mubvunjo Jinonyanya Kuitwa ngo Pamusoro po Zvapupu zva Jehovha” (Mu interneti)
Stephen waizonda vandhu vainga vacikaripi vo jinja rake zvokuti waitoendavo kovahwisa. Vonanyi kuti ngenyi iyena wakacinja pasure po kuziva Zvapupu zva Jehovha.
“Upenyu Hwangu Hwaibva Pakuipa Huchienda Pakuipisisa” (Murindiri, No. 1 wa Julho wo 2015, Cishona)
a Kuvhira mu gore ro 1879, Zvapupu zva Jehovha zviri kubudisa revhista Murindiri inosanangura zvokadi zvo Bhaibheri.
