CIJIJO 38
Reremejanyi Cipo co Upenyu
Upenyu hwakazara ngo zviro zvizinji zvinodakajisa. Pikija patinonga tecisongana no matambujiko, zvinokwanisika kuva takadakara. Waro, tingakhombijisa kudini kuti tinoreremeja cipo ici co upenyu? Ngo yapi njira inosisira maningi inotiita kuti tireremeje upenyu?
1. Ngenyi tinodikana kureremeja upenyu?
Tinodikana kureremeja upenyu ngokuti ihwona icipo cinovha kuna Baba wedu vano rudo, Jehovha. Iyena “cinyuke co uhomi” kana kuti, ndiyena wakasika upenyu. (Nduyo 36:10) Jehovha “ndiyena anopa vandhu vese upenyu, mwiha wo kufema no zviro zvese.” (Mabasa o Vapostori 17:25, 28) Vhesi iji jinokhombija kuti Jehovha anotipekeja zvese zvatinoda kuti tienderere mberi tecipona. Asi iyena anoita zvizinji kupinda izvi. Iyena anotipekejazve zvese zvatinoda kuti tidakare ngo upenyu.—Verenganyi Mabasa o Vapostori 14:17.
2. Tingakhombijisa kudini kuti tinoreremeja cipo catakapuwa co upenyu?
Umwe mushandiri wa Mwari wokare waidanijwa kuti Dhavhidhi, wakakumbira kudari: ‘Majiso enyu akavona maambiro o kuruhwa kwangu.’ (Nduyo 139:16) Izvi zvinokhombija kuti Jehovha anotitaja pikija ticiri mundani mamai wedu. Upenyu hwenyu hunosisira maningi kuna Jehovha. (Verenganyi Mateu 10:29-31.) Jehovha anoreremeja maningi upenyu, zvokuti anonyangajwa maningi kudari ari wese akauraya mundhu umweni kana kujiuraya ega. a (Exodo 20:13) Jehovha anonyangajwazve maningi kudari tikatama kujingwarira ushoni kana kudira upenyu hwedu pangozi no upenyu hwo vamweni. Kudari tikangwarira upenyu hwedu no kureremeja upenyu hwo vamweni, tinokhombija kuti tinoreremeja maningi cipo ici co upenyu cinoshamaisa.
NASANYI KUPSAKISISA
Vonanyi njira jimweni jamungakhombija ndijona kuti munoreremeja cipo co upenyu.
3. Ngwariranyi uhomi hwenyu
Inga Makristu akazvipira kuna Jehovha, itusu tinoda kushandisa upenyu hwedu hwese kuti timushandire. Tinoita inga tinopa muviri yedu inga mupiro kuna Mwari. Verenganyi Varoma 12:1, 2, perapo bhuisananyi ngo muvhunjo jinotevera:
-
Mukuzwirana no vhesi iji, ngozvapi zvinodikana kumuita kuti mungwarire uhomi hwenyu?
-
Ngozvapi zviro zvimweni zvamungaita kuti mungwarire uhomi hwenyu?
4. Ngwariranyi zviro zvingamuitisa ngozi kana kuuraisa vamweni
Bhaibheri rinotivangisa kuti tizvingwarire ku zviro zvingativiisira ngozi. Rijanyi VHIDHIYO kuti muvone zviro zvamungaita kuti mujijivirire kungozi jingaitika.
Verenganyi Mazwi Akangwara 22:3, perapo bhuisananyi ngo zvamungaita no zvinodikana kuita vamweni kuti muve makangwaririka . . .
-
pamunonga muri pamuzi.
-
pamunonga muri pabasa.
-
pamunonga mecitamba mutambo.
-
pamunonga mecifambisa karu kana zvifambiso zvimwenivo.
5. Reremejanyi upenyu hwo mwana aciri mundani
Dhavhidhi wakasanangura kuti Jehovha anoneseka maningi ngo zvese zvinoitika no mwana aciri mundani. Verenganyi Nduyo 139:13-17, perapo bhuisananyi ngo muvhunjo unotevera:
-
Kuna Jehovha, upenyu unotanga mai pavanonga vano mimba kana mwana paanobahwa?
Mutemo ja Jehovha jakapuwa Vaiziraeri kareko, jaijivirira mwanakaji pamwepo no mwana wainga aciri mundani. Verenganyi Exodo 21:22, 23, perapo bhuisananyi ngo muvhunjo jinotevera:
-
Ngoapi mavonero a Jehovha ngo pamusoro po mundhu anovha mimba ngo ndava yo ngozi?
-
Jehovha anozwa kudini kudari mundhu akavhisa mimba ngo cabomo? b
-
Imwimwi munovonavo kudini ngo mavonero aya a Mwari?
Pikija mwanakaji anotozviziva kuti upenyu unosisira, angatogumihwavo ngo murangariro wokuti kuvhisa mimba ndiyona njira ingatoshanda. Verenganyi Isaia 41:10, perapo bhuisananyi ngo muvhunjo jinotevera:
-
Kudari mwanakaji ecivangirijwa kuti avhise mimba, anodikana kupsaka besero kuna ani? Ngenyi muri kunanga kudaro?
VANDHU VAMWENI VANOTI: “Mwanakaji wese anocitendehwa cokuvhisa mimba, ngokuti mundhu wese anoita zvaanoda no muviri wake.”
-
Ngo zvapi zvinomukhohwesa kuti Jehovha anoreremeja upenyu hwo mwanakaji pamwepo no hwo mwana aciri mundani?
ZVOTAJIJA
Bhaibheri rinotijijisa kuti tide, tireremeje no kungwarira upenyu, ngokuti ihwona icipo catakapuwa ndi Jehovha. Izvi zvinobatanija upenyu hwedu pamwepo no hwo vamweni.
Kuhwirijira
-
Ngenyi upenyu hwo vandhu hunosisira maningi kuna Jehovha?
-
Jehovha anozwa kudini kudari mundhu akajiuraya kana kuuraya mundhu umweni?
-
Ngenyi imwimwi munoreremeja cipo co upenyu?
ZIVANYI ZVIMWENI
Tingakhombijisa kudini kuti tinobonga Jehovha ngo cipo caakatipa co upenyu?
Wananyi mupinguro wo muvhunjo wokuti, Mwari anoregerera mwanakaji wakambovhisa mimba here?
Verenganyi kuti muzwe mavonero a Mwari ngo pamusoro po upenyu kuti angapsasa kudini mabungaijo atinosana.
“‘Mitambo Yokunyanyisa’—Unofanira Kuzviisa Pangozi Here?” (Mukai!, Outubro 8 wo 2000, Cishona)
Kudari mundhu ano murangariro jo kuda kujiuraya? Vonanyi kuti Bhaibheri ringamubeseresa kudini.
a Jehovha ano unyasha no vandhu vese vano mwoyo jakakhuvazika. (Nduyo 34:19) Jehovha anonasa kuzwisisa kuhwajihwa kunonga kuno mundhu anoda kujiuraya. Iyenazve anoda kubesera vandhu vakadaro. Kuitira kuvona kuti Jehovha anobeseresa kudini vandhu vano murangariro jo kuda kujiuraya, verenganyi pa divi rinoti Zivanyi Zvimweni, pamusoro unoti “Ndinoda Kujiuraya—Bhaibheri Ringandibesera Kudari Ndikava no Murangariro wo Kuda Kujiuraya?”
b Mwanakaji wakambovhisa mimba aadikani kugara akanyangajwa ngo cishaishi caakaita, ngokuti Jehovha angamuregerera. Kuti muzive masoko mazinji, verenganyi padivi rinoti Zivanyi Zvimweni, pamusoro unoti “Bhaibheri Rinotii Nezvekubvisa Pamuviri?”
