CIJIJO 57
Mungaitenyi Kudari Mukaita Cishaishi Cikuru?
Pikija mecida Jehovha ngo mwoyo wese, mecivangisira kuita kuda kwake, nguva jimweni mungatoposa. Zvishaishi zvimweni zvakakura kupinda zvimweni. (1 Vakorinte 6:9, 10) Kudari mukaita cishaishi cikuru ceukijanyi kuti Jehovha aciri kumuda, iyena anoda kumuregerera no kumubesera.
1. Ngozvapi zvatinodikana kuita kuti Jehovha atiregerere?
Mundhu anoda Jehovha anonyangajwa maningi paanoita cishaishi cikuru. Asi vanotondhojwa ngo magama a Jehovha okuti: “Nokunyati bzixaixi bzenyu bzikapsuka inga udothwe hwo mukurambira, bzinozocena inga thonje.” (Isaia 1:18) Kudari tikakhauya ngo mwoyo wese Jehovha anozotiregerera. Asi tingakhombijisa kudini kuti takhauya? Kudari tikakhauya zvokadi kamare, itusu tinosiya kuita zvakashata no kudeketerera Jehovha kuti atiregerere. Kuvha pondhopo, taizoima kuita zvakashata no kucinja murangariro wedu, topona mukuzwirana no ndhungamiriro ja Mwari.—Verenganyi Isaia 55:6, 7.
2. Jehovha anoshandisisa kudini vakuru kuti vatibesere patinoita cishaishi?
Kudari tikaita cishaishi cikuru, Jehovha anotivhunja kuti ‘danijanyi vakuru vo ungano.’ (Verenganyi Jakobo 5:14, 15.) Vakuru vanoda Jehovha no mavhuta ake. Ivona vanoshandisazve zivo yavanayo yo Bhaibheri, kuti vatibesere kuvazve no ushamwari na Jehovha.—Vagaratiya 6:1.
Vakuru vanotibeseresa kudini kudari tikaita cishaishi cakakura? Vakuru vaviri kana vatatu vanoshandisa Bhaibheri kuti vatikhombije kuti zvotaitaya zvakashata. Ivona vanotipekeja mazano, no mbhangiro jinotibesera kuti ticaitazve cishaishi condhoco. Ivona kangaije vangativhunja kuti titamezve kuitazve mabasa amweni mu ungano ko nguva yakati kuti, mbhera tivezve no ushamwari wakavanga na Jehovha. Asi kudari ariwese akaita cishaishi cakakura wotama kukhauya, vakuru vanojinga mundhuwo kuti atame kucengeja vamweni mu ungano.
NASANYI KUPSAKISISA
Vonanyi kuti Jehovha anotibeseresa kudini patinonga taita cishaishi cakakura.
3. Kudekeca kunotibesera kuti tivezve no ushamwari na Jehovha
Patinoita cishaishi tinocamwisa Jehovha, tinodikana kudekeca ngo kukasika kwaari. Verenganyi Nduyo 32:1-5, perapo bhuisananyi ngo muvhunjo unotevera:
-
Ngenyi tinodikana kudekeca zvishaishi zvedu kuna Jehovha kunja ko kuzviviga?
Kusiyapo kudekeca zvishaishi zvedu kuna Jehovha basi, tinowana besero patinovhunja vakuru. Rijanyi VHIDHIYO, perapo bhuisananyi ngo muvhunjo unotevera.
-
Muvhidhiyo, vakuru vakabeseresa kudini Kanoni kuti ahwirire kuna Jehovha?
Tinodikana kuva takagondeka kuno vakuru ngokuti ivona varipo kuti vatibesere. Verenganyi Jakobo 5:16, perapo bhuisananyi ngo muvhunjo unotevera:
-
Ngenyi zvinozova zvakareruka kuti vakuru vatibesere kudari tikananga cokwadi kwavari?
Dekecanyi zvishaishi zvenyu, bhuyanyi cokwadi kuno vakuru no kutendera besero ro rudo ra Jehovha
4. Kujingwa ko mundhu mu ungano kunobesera
Kudari mundhu akaita cishaishi cikuru, woramba kuita zvinonanga Jehovha kuti zvakanaka, anovhiswa mu ungano. Kudari akajingwa, itusu aticabhuyizve naye nee kubatana naye pa kuita zvimweni. Verenganyi 1 Vakorinte 5:6, 11, na 2 Johani 9-11, perapo bhuisananyi ngo muvhunjo unotevera:
-
Kushamwarijana no mundhu acikadi kukhauya zvishaishi zvake kungapsasisa kudini ungano yese?
Vazinji vakambojingwa, ngo kufamba ko nguva vakahwirira mu ungano, izvi zvakaitika ngokuti kupangihwa kwavakaitwa, pikija kwaihwaja kwakavaita kuti vakhauye. (Nduyo 141:5) Rijanyi VHIDHIYO, perapo bhuisananyi ngo muvhunjo unotevera.
-
Pa vhidhiyo, Soniya wakabesereka kudini ngo kujingwa?
Nasiriro yo kujinga . . .
-
inokujisa kudini zina ra Jehovha?
-
inokhombijisa kudini kuti Jehovha wakaezanana zve ano rudo?
5. Jehovha anotiregerera kudari tikakhauya
Jesu wakashandisa muezaniso unotibesera kuzwisisa manera anojizwa Jehovha kudari mundhu akakhauya. Verenganyi Ruka 15:1-7, perapo bhuisananyi ngo muvhunjo unotevera:
-
Vhesi iji jinomujijisenyi ngo pamusoro pa Jehovha?
Verenganyi Ezekieli 33:11, perapo bhuisananyi ngo muvhunjo unotevera:
-
Kukhauya pa zvishaishi zvedu kunobatanijenyi?
Mukufanana no muhavisi, Jehovha anotaja mavhuta ake
VANDHU VAMWENI VANOTI: “Kudari ndikavhunja vakuru zviro zvondakaita, ivona vanozondijinga.”
-
Mundhu ano mazwiro akadaro maizomuvhunja kudini?
ZVOTAJIJA
Kudari tikaita cishaishi cikuru, Jehovha angatiregerera, asi kuti atiregerere tinodikana kusiya kuita zvakashata, tozvidemba ngo mwoyo wese.
Kuhwirijira
-
Ngenyi zvakanaka kudekeca zvishaishi zvedu kuna Jehovha?
-
Ngo zvapi zvatinodikana kuita kuti tiregerehwe zvishaishi zvedu?
-
Kudari tikaita cishaishi cikuru, ngenyi tinodikana kupsaka besero ro vakuru?
ZIVANYI ZVIMWENI
Vonanyi kuti Jehovha anokhombijisa kudini unyasha inga zvinonangwa pa bhuku ra Isaia 1:18.
Kujingwa kunobeseresa kudini vese vanobatanijwepo?
“Ngenyi Kujingwa Inasiriro yo Rudo?” (Murindiri, 15 wa Abril wo 2015)
Vonanyi kuti mungasanangurisa kudini mundhu aciripi Capupu ca Jehovha ngo pamusoro po kujingwa.
“Zvapupu zva Jehovha Zvinonyenya Vandhu Vavacikanamati Navo?” (Mu interneti)
Vonanyi kuti Jehovha wakaitisa kudini kuti mwanarume umweni wainga wakasiya cokwadi ahwirire kwaari, verenganyi zvakaitika pa divi rinoti “Ndaida Kudzoka Kuna Jehovha.”
“Bhaibheri Rinochinja Upenyu” (Murindiri, No. 1 Abril wo 2012, Cishona)
