Ndanasiririka?
Ndanasiririka Kuti Ndiende Kocumaera Pamwepo no Ungano?
Imwimwi mungava mucumaeri acizivi kubhabhatijwa . . .
Kudari mecijija Bhaibheri, kuita mukumbiro no kwenda kumusongano nguva jese.
Kudari mecida cokwadi no kucitenda ngo mwoyo wese no kuda kuvhunja vamweni ngo pamusoro po Bhaibheri.
Kudari mecida Jehovha no kusana shamwari jinodavo kushandira Mwari.
Kudari mucikaiti divi ro zviara zvomanyepo kana mubatanijwa wo zvomatongehwe o nyika.
Kudari mecipona mukuzwirana no zvinonanga Jehovha kuti zvakanaka no kuda kuva umwe wo Zvapupu zva Jehovha.
Kudari mukavona kuti manasiririka kuti mucumaere pamwepo no ungano, mujijisi wenyu wo Bhaibheri anozoita nasiriro kuti muvonane no vakuru kuti vavone dangani mungava mucumaeri.
Ndanasiririka Kuti ndi Bhabhatijwe?
Imwimwi mungabhabhatijwa . . .
Kudari mukava mucumaeri acizivi kubhabhatijwa.
Kudari mecienda kocumaera mukuvo wese, mukuzwirana no mugariro wenyu.
Kudari mecibesera no kuteveja ndhungamiriro jo “muranda wakagondeka no wakangwara.”—Mateu 24:45-47.
Kudari makazvipira kuna Jehovha ngo kuita mukumbiro no kuda kumushandira kwenda no kwenda.
Kudari mukavona kuti manasiririka kuti mubhabhatijwe, mujijisi wenyu wo Bhaibheri anozoita nasiriro kuti muvonane no vakuru kuti vavone dangani manasiririka kuti muve umwe wo Zvapupu zva Jehovha.
