Ceukijanyi nguva yakanaka yomaipeja pamwepo no vandhu va Jehovha—umwe musongano wo ungano unovangisa, rimwe gungano rakamudakajisa, ciitiko cinodakajisa co mu mushando, kana kuti mabhuyo hawo anodakajisa no umwe mutendi doni. Imwimwi amuzivi kukanganwa Jehovha, nee iyena aazivi kumukanganwavo. No rudo hwese iyena anoceukija basa ramaiita no kugondeka. Zve iyena ari kudisisa kumubesera kuti muhwirire kwaari.

Jehovha anoti: ‘Inini kamare ndinozokorondha muxambi wangu ndozoupsaka. Inga muhavisi anokorondha muxambi wake, ecigara pakati po mabvuta ake akaparajika, ngokudarovo inini ndinozokorondha mabvuta angu, ndozomakwengweneja mu ndau jese jaakaparajika.’—Ezekieli 34:11, 12.