Jesu Wakaitenyi?

Tinojijenyi ngo Muezaniso wa Jesu?

2. Tinodikana kubhuya ngo njira yo rudo no yakavanga no vajiji vedu kuti tikwanise kuvabesera kuti vaenderere mberi ku divi ro umwari.

 Tevejeranyi Jesu

3. Beseranyi mujiji wenyu kuti agaje zvido zvo umwari no kuzvikwanirisa.

1.    Shandisanyi divi rokuti “Ejanyi kuita izvi” pamunonga mecijija cijijo cimwe nga cimwe co bhuku Dakaranyi Kwenda no Kwenda!

2.   Beseranyi mujiji wenyu kuti asotesese zviro zvidoko zvaanoda kukwanirisa ko nguva shomani pomwe no kumbejiyo.

3.   Simbanyi mujiji wenyu mukuvo wese ngo kuvangisira kwaari kuita.

4. Munodikana kuziva kuti ngozvapi zviri kuphinga mujiji wenyu kuti atame kuenderera mberi no kumubesera kuti avangisire.

1.    Jivhunjisenyi kudari:

   • ‘Kudari mujiji wangu aaripi kuvangisira kuti agumire pakubhabhatijwa, zvicinyi zviri kumuphingaija?’

   • ‘Ngozvapi zvandingaita kuti ndimubesere?’

2.   Itanyi mukumbiro mecikumbira cicunge kuti Jehovha amubesere kubhuya ngo njira yakavanga no yo rudo kuno mujiji wenyu kuti azive kuti ngozvapi zvaangaita.

5. Imanyi kuitisa jijo kudari mujiji wenyu aadi kuvangisira.

1.    Kuti muvone kuti mujiji wenyu ari kuvangisira kana kuti haiwa, jivhunjisenyi kudari:

   • ‘Kureva kuti mujiji wangu ari kushandisa zvaari kujija?’

   • ‘Iyena ari kuviya kumusongano no kuvhunjavo vamweni cokwadi caari kujija?’

   • ‘Kudari iyena ari kujija ko mukuvo wakareba, kunanga kuti anoda kuva Capupu ca Jehovha?’

2.   Kudari mujiji wo Bhaibheri aazivi kunasiririka kuti aenderere mberi:

   • Mukumbirenyi kuti amborangarijisise ngo pamusoro po zviri kumuphingaijaro.

   • Musanangurirenyi ngo njira yaushoni kuti ngenyi muri kuimisa jijoyo.

   • Nasanyi kumujekesera kuti ngozvapi zvaanodikana kuita kudari akazoda kujijazve.