KUTANGISA MABHUYO
CIJIJO 4
Kujidodokesa
Ndhungamiriro: “No kujidodokesa, vonanyi vamweni inga vakuru komuri.”—Vaf. 2:3.
Pauro Wakaitenyi?
1. Vonanyi VHIDHIYO, kana verenganyi Mabasa o Vapostori 26:2, 3. Perapo daviranyi muvhunjo jinotevera:
-
Pauro wakakhombijisa kudini kujidodokesa paaibhuya na Mambo Agripa?
-
Pauro wakakhombijisa kudini kuti waireremeja maningi Jehovha no Matahwa kuciripi iyena pacake?—Vonanyi Mabasa o Vapostori 26:22.
Tinojijenyi ngo Muezaniso wa Pauro?
2. Masoko edu anova anodakajisa maningi kudari tikamabhuya ngo njira yo kujidodokesa no yo nderemejo.
Tevejeranyi Pauro
3. Bhuyanyi ngo nderemejo. Ngwariranyi kubhuya ngo njira inovonesa kuti imwimwi munoziva maningi kupinda mundhuwo. Bhuyanyi naye ngo nderemejo.
4. Nasanyi kujekesa kuti Bhaibheri ndirona cinyuke co cokwadi camuri kucumaeraro. Soko ra Mwari rino murangariro jingabaya mwoyo jo vandhu. Patinorishandisa tinonga tecibesera pa kuvangisa rutendo hwavo ngo njira kwayo.
5. Rambanyi makapfava. Mucadoeja kuvonesa kuti zvamuri kunangaro ndizvona zvakanaka. Atidikani kuvereketesana. Khombijanyi kujidodokesa ngo kwenderera mberi makagajana, meciziva nguva yo kubuda. (Mazwi 17:14; Tit. 3:2) Kubhuya ngo njira yakapfava, kungaita kuti mundhuwo ade kuzwa masoko edu pa vhaza imweni.
