KUTANGISA MABHUYO
CIJIJO 5
Kubhuya mu Njira Yakanaka
Ndhungamiriro: “Magama enyu ngaave no unyasha mukuvo wese.”—Vak. 4:6.
Pauro Wakaitenyi?
1. Vonanyi VHIDHIYO, kana verenganyi Mabasa o Vapostori 17:22, 23. Perapo daviranyi muvhunjo jinotevera:
-
Pauro wakajizwa kudini ngo manamatiro o kunyepa aakavona eciithwa ku Atena?—Vonanyi Mabasa o Vapostori 17:16.
-
Kusiyapo kutonga vagari vo Atena, Pauro wakaitisa kudini kuti abhuye ngo njira yakanaka ecishandisa zviro zvavaitenda kuti avavhunje masoko akanaka?
Tinojijenyi ngo muezaniso wa Pauro?
2. Vandhu vanozoda kutipurukira kudari tikanasa kusana zvatinoda kuvereketa, manera okuzvivereketa ndiwona no mukuvo wo kuzvivereketa.
Tevejeranyi Pauro
3. Sananyi ushoni magama enyu. Inga muezaniso, kudari muri kubhuya no mundhu acikaripi Mukristu, kangaije mungadikana kucinja manera okuendesa mabhuyowo mu Bhaibheri kana zvamungabhuya ngo pamusoro pa Jesu.
4. Mucakasika kunanga kuti zvanangaro mundhuwo andizvopi. Siyanyi kuti iyena anange zvaari kurangarira naakasujunuka. Kudari iyena akananga zviro zvicikazwirani no Bhaibheri mucakasika kudavira. (Jak. 1:19) Ngo kumupurukira imwimwi munozokwanisa kuziva zvaanotenda no kuzivazve kuti ngenyi anozvitenda.—Mazwi 20:5.
5. Zvecikwanisika weya tenderanyi zvaanonangaro no kumusimba. Iyena angatonanga no cokwadi cese kuti zvaanonangaro ngo zvokadi. Ejanyi kubhuya ngo zviro zvokuti mese movaviri munotenderana nazvo, perapo momubesera padoko ngo padoko kuti azwisise zvinojijiswa ngo Bhaibheri.
