HWIRIRIRO
CIJIJO 7
Kucungirira
Ndhungamiriro: “Vaienderera mberi vecijijisa no kutokotesa masoko akanaka.”—Mab. 5:42.
Pauro Wakaitenyi?
1. Vonanyi VHIDHIYO, kana verenganyi Mabasa o Vapostori 19:8-10. Perapo daviranyi muvhunjo jinotevera:
Tinojijenyi ngo Muezaniso wa Pauro?
2. Tinodikana kushandisa simba no nguva yedu kuti tikwanise kuita hwiririro jinobudirira no kutangisa jijo jo Bhaibheri.
Tevejeranyi Pauro
3. Cinjanyi urongwa hwenyu kuti uzwirane no mundhu wamuri kucumaeraro. Jivhunjisenyi kudari: ‘Ngoyapi njiku yandaizokwanisa kuviyazve kuzobhuya naye? Ngokwapi i ndirini paanozowana mukuvo kuti tibhuisane ?’ Ivanyi no cido co kwenda kovonana naye pikija kuti nguveyo aizivi kumunakira.
4. Vhunjanyi mundhuwo njiku yamunoda kuzobhuya naye. Pamunopeja kubhuisana, pangananyi nguva yamunozoda kubhuyazve no mundhuwo. Mucakanganwa kuzokwanirisa zvamapanganaro.
5. Endereranyi mberi mecivetera. Mucakasika kurangarira kuti mundhu acikawaniki maningi pa muzi kana anongaya wakabatikana aadakariri kuzwa masoko atinocumaera. (1 Vak. 13:4, 7) Ivanyi mundhu anocungirira, pa mukuvo wondhowo monasa kushandisa ushoni nguva yenyu.—1 Vak. 9:26.
