Tinobonga ngo kutora kwenyu nguva kuti mupopore bhurushura iri kuitira kuti munase kuziva Zvapupu zva Jehovha inga vandhu, kuti mujije ngo pamusoro po mabasa edu zve muvone ngo phedo mashandire o caunga cedu. Tinovetera kuti irona ramubesera kutiziva inga vayani vari kuita kuda ka Jehovha nyamasi. Tinomuvangisanyi kuti murambe meciwana zivo ya Mwari, kuti musumurirevo vamweni vo pa mbhuri penyu pomwe no shamwari ngo pamusoro po zvamuri kujija zve kuti musonganirane nesu nguva jese mu musongano jedu jo ciKristu. —Vaheberi 10:23-25.

Imwimwi munozofumbhura kuti Jehovha ano rudo hwo kadi-kadi na imwimwi, pamunojija zvizinji ngo pamusoro pake. Imwimwi munozondundhwa kuti muite zvese zvamungakwanisa kuitira kutatija rudo hwenyu kwaari. (1 Johani 4:8-10, 19) Asi mungaitisa kudini kuti mutatije cido ici mu upenyu hwenyu hwo njiku no njiku? Kuzwira mupango jake, ngenyi kunobeserazve imwimwi? Zvicinyi zvinozomubesera kuti muzode kuita kuda ka Mwari pamwepo na itusu? Mujijisi wenyu wo Bhaibheri anozova no mudakaro kuti apopore nemwi mupinguro, ngo kudaro imwimwi no mbhuri yenyu mungazoramba makavanga mu “rudo hwa Mwari, . . . hunozomupa upenyu hucingaperi.” —Juda 21.

Ngo mudakaro wese tiri kumukokanyi kuti murambe mecienderera mberi mu gwanja ro cokwadi ngo kujija bhuku rinotevera . . .