Paainga waaphedo no kufa, Jesu wakabhuisana no vajiji vake varongomuna pa mutivi —Pedhuru, Jakobe, Johani na Andereya. Ngo kuti Jesu wainga akananga civoniso co kuvepo kwake mu mazuva o kupejisira, iyena wakaita mubvunjo unodikana maningi: “Ndiani muranda wakagondeka no wakangwara, wakadihwa ndi tenji pambeji po varanda vese, kuti avape bzokuha ngo nguva kwayo?” (Mateu 24:3, 45; Marco 13:3, 4) Jesu wainga agondesa vajiji vake kuti, inga “tenji” wavo, iyena waizogaja vayani vaizopa mu nguva yese cokuha co kumujimu ku vateveri vake mukati mo nguva yo kupejisira. Ndiani waizoumba muranda uu?

Ivona i vatevereri vokadi-kadi va Jesu vo kuzojwa ngo mujimu. “Muranda” anokovanisa cokuha co ku mujimu mu nguva kwayo ku vanamati doni vavo va Jehovha. Itusu takasota ku muranda wakagondeka anoramba ecitipa “bzokuha nguva yokudikana”.—Luka 12:42.

Ivona vangwariri vo mbhuri ya Mwari. (1 Timoti 3:15) Jesu wakapa muranda mutoro mukuru wo kuvonerera basa ro divi ro pasi pano ro caunga ca Jehovha—kuvonerera upfumi hwake, mukutungamirira basa ro kucumaera zve kutijijisa ngo kushandisa ungano yedu. Ngo kudaro kuti atipe zvatinoda patinonga tecizvida kamare, “muranda wakagondeka no wakangwara” ari kukovanisa cokuha co kumujimu ngo mabhuku atinoshandisa mu basa redu ro kucumaera ingavo urongwa unopekejwa mu musongano jedu pomwe no magungano.

Muranda, wakagondeka mu zvokadi zvo Bhaibheri no basa ro ku cumaera masoko akanaka zve wakangwara ngo macengetere pamusoro pokucengeta no uzivi zvinodika zva Kristu pasi pano. (Maitiro o Vapostori 10:42) Jehovha ari ku komborera basa iri ngo kuengejera zve kupa zvokuha zvokumujimu zvakawandisisa.—Isaia 60:22; 65:13.

• Ndiani wakagajwa ndi Jesu kuti a hise vajiji wake vo kumujimu?

• Mu njira japi muranda uwu wakagondeka zve wakangwara?