Siyanisanyi izwi. Khwijiranyi izwi renyu kuti mugogomejere mafundo makuru no kumusijira cido co vapurutani venyu. Itanyi zvondhozvo pamunoverenga vhesi inonanga ngo rutongeso. Engejeranyi izwi renyu kuti muvonese zvinotevera kana kuvonesa kuthya no kukaya-kaya.

Cinjanyi kukhwirira ko izwi. Kudari zvecitendehwa mu ndumi yenyu, musanyi padoko mazikire o izwi kuitira kuvonesa cido kana kuvonesa kukura ko ciro no mumango. Terejanyi mazikire aro kuitira kuvonesa kucamwa kana kuthimwa-thimwa.

Siyanisanyi kukasika kana kunonoka. Vereketanyi meciti kasikire pa zviro zvinodakajisa maningi. Vereketanyi padoko-padoko pamunonga mecivereketa fundo guru maningi.