Nasanyi kujija zvamunodaro kubhuya. Imwimwi munodikana kuzwisisa shwiro yamunodaro kubhuya kuti muidurujire vamweni mecishandisa magama enyu zve akareruka.

Shandisanyi zvimuseswa zvakafupika zvo magama. Pikija zvecitendehwa kushandisa museswa wo magama akareba, nanganyi fundo guru ngo kushandisa cimuseswa co magama cakafupika zve cinozika.

Durujiranyi masoko acikanasi kuzivika. Kudari zvecikwanisika, mucadoshandisa magama acikaziviki ngo vapurutani venyu. Kudari mecida kunanga gama ricikaziviki, mundhu anonangwa mu Bhaibheri acikanasi kuzivika kana mazina o mupimo jaishandiswa kare, madurujirenyi.