Beseranyi vapurutani venyu kuti vajipopore vega. Itanyi mubvunjo jinobesera vapurutani kupopora mazwiro avo vega.

Vaitenyi kuti vaite zvakanaka. Vangisanyi vapurutani venyu kuti vapopore thangwe rinovaitisa kuti vaite zvakanaka. Vabeserenyi kuti vade kuita zviro zvakanakisisa zvakadari inga, kuda Jehovha, kuda vandhu no kuda jijiso jo Bhaibheri. Beseranyi vapurutani kuti vavone zvinonanga Bhaibheri. Mucadovashora. Kunja ko kuvapseruja, gumisiranyi ngo kuvavangisa, kuti vakwanise kuitisa nane.

Itanyi kuti vavone mugariro ja Jehovha. Gogomejeranyi kuti jijiso jo Bhaibheri, zviambi, mutemo, zvinovonesenyi ngo pamusoro po mavara a Mwari no rudo hwake kwatiri. Sakuriranyi mu mwoyo mo vapurutani venyu cido co kujija mazwire a Jehovha pomwe no kumudakajisa.