Nasiriranyi Ushoni. Munodikana kupsaka kuziva kuti cindimeco cakatarihwenyi. Jijiranyi kuverenga zvikwata zvo magama, kuciripi rimwe nga rimwe. Ngwariranyi kunghwinisira, kuphuka, kana kucinja magama amweni. Zve nasanyi kusotesesa ponto jese.

Nasanyi kubudisa gama rimwe nga rimwe. Kudari mucikanasi kuziva kuti gamero ringanangiswa kudini, ripsakenyi mu dhisionario, purutananyi mabhuku akagaravhahwi zve psakanyi mundhu anoverenga ushoni kuti amubesere.

Vereketanyi zvakajeka. Ngwariranyi kuti magamewo abude akajeka. Mucadosikimara, asi musanyi musoro wenyu monasa kufunungura muromo wenyu kamare. Vangisiranyi kuti muverenge zvinozika.