CIPAUKO 16
Hwisananyi na Dhiyabho
“Vanganyi kurhwa na Sathana, yena anozomutiza.”—JAKOBO 4:7.
1, 2. Tinodikana kuzwisisenyi ngo pamusoro pa Sathana no madhimoni ake?
UPENYU mu nyika imbza unozova unodakajisa. Tinozopona mukuzwirana no zvaida Jehovha. Nyamasi uno, tiri kupona mu nyika iri kuvonerehwa ndi Sathana no madhimoni ake. (2 VaKorinto 4:4) Pikija hazvo atikwanisi kuvavona, ivona variyo zve vano simba.
2 Mu cipauko ici, ticazovona kuti kuitisa kudini tingava no ushamwari wakavanga na Jehovha pomwe no kujijivirira ku murau ja Sathana. Jehovha anogondesa kuti anozotibesa. Asi tinodikana kuzwisisa njira jinoshandiswa ndi Sathana no madhimoni ake kuti aticengeje pomwe no kutihwisa.
SATHANA WAKADARI “INGA MBHONDORO INOFAMBA-FAMBA YECIBHOONGA”
3. Sathana anoda kutiitirenyi?
3 Sathana anonanga kuti vandhu vanonamata Jehovha ngo cido co kuda kuwana zviro zvizinji. Anonangazve kuti kudari vakasongana no matambujiko vanozoima kushandira Mwari. (Verenganyi Jobe 2:4, 5.) Sathana no madhimoni vanokwanisa kuvona mundhu paanotanga kujijira ngo pamusoro pa Jehovha. Ivona vanoita zvese kuti vamurembese. Ivona vanonyangajwa maningi pavanovona mundhu ecizvipira kuna Jehovha zve wobhabhatijwa. Bhaibheri rinoezanisa Dhiyabho “inga mbhondoro inofamba-famba yecibhoonga, yecipsanga mundhu kuti imuhe.” (1 Pedru 5:8) Sathana anoda kuphwanya ushamwari wedu na Jehovha.—Nduyo 7:2, 3; 2 Timoti 3:12.
Sathana anonyangajwa maningi patinozvipira kuna Jehovha
4, 5. (a) Ngo zvapi zvicikakwaniswi kuithwa ndi Sathana? (b) Zvinoda kurevenyi “kurhwa na Sathana”?
4 Itusu atidikani kuthya sathana no madhimoni ake. Jehovha wakadira mugano pakuhwiswa kwatinoitwa ndi Sathana no madhimoni. Jehovha anogondesa kuti “uzinji hukuru” hwo Makristu okadi unozopona pa “dambujiko .” ( guruApokalipsi 7:9, 14) Sathana apana caangaita kuti izvi zvitame kuitika, ngokuti Jehovha ari kungwarira vandhu Vake.
5 Kudari itusu tikava no ushamwari wakavanga na Jehovha, Sathana aazokwanisi kutiparajanisa. Bhaibheri rinoti: “Tenji Mwari anemwi kudari munaye.” (2 Kronike 15:2; Verenganyi 1 VaKorinto 10:13.) Vashandiri vazinji vakagondeka, vakadari inga Enoki, Nowa, Sara na Mosi, vakahwisana na Sathana, vova shamwari ja Jehovha. (Vaheberi 11:4-40) Itusu tingaitavo zvondhozvo. Soko ra Mwari rinogondesa kuti “Vanganyi kurhwa na Sathana, yena anozomutiza.”—Jakobo 4:7.
TIRI MU HONDO
6. Sathana anotihwisisa kudini?
6 Pikija Sathana ecizviziva kuti Jehovha wakadira mugano ku zviro zvaangada kutiitira, iyena anoita zvese zvaanokwanisa kuti arembese ushamwari hwedu na Mwari. Nyamasi uno, Sathana anotihwisa ngo njira jakasiana-siana. Anoshandisa murau jondhojo jaari kushandisa ko zviuru zvo makore. Ngo japi jakona?
7. Ngenyi Sathana anohwisa vandhu va Jehovha?
7 Mupostori Johani wakatara kudari: “Nyika yese yo pasi iri mu nyara ya Sathana.” (1 Johani 5:19) Sathana ari kuvonenera nyika iyi yakashata zve anoda kutovonereravo vandhu va Jehovha. (MIKEYA 4:1; Johani 15:19; Apokalipsi 12:12, 17) Sathana anozviziva kuti nguva yake yasara padoko. Ngo kudaro, iyena anovangirira kucengeja umwe na umwe wedu kuti atame kuva akagondeka kuna Mwari. Nguva jimweni iyena anoshandisa murau jinozivika, asi nguva jimweni anoshandisa murau jakafisika.
8. Mukristu umwe na umwe anodikana kuzwisisenyi?
VaEfeso 6:12 tinoverenga kudari: “Ngokuti itisu atirhwisani no vandhu . . . tinojipana no mabjoka, ari vatongi.” Mukristu umwe na umwe, ari pa hondo yo kuhwisana na Sathana pomwe no madhimoni. Tinodikana kuzwisisa kuti vese vaya vanoda kushandira Jehovha vanongwina mu hondo iyi. Pa karata yake ku VaEfeso, mupostori Pauro wakavavhunja Makristu vhaza ndhatu kuti vaidikana “kuvangirira.”—VaEfeso 6:11, 13, 14.
8 Pana9. Sathana no madhimoni vanotiejesa kudini?
9 Sathana no madhimoni, vanoeja kuticengeja ngo njira jakasiyana-siyana. Kudari tikakwanisa kunyisa murau umwe wa Sathana, azvirevi kuti atizonyiswi ngo murau jake jimweni. Sathana anopsaka patakarembera kuti avone murau jaangashandisa kuti atihwise. Asi itusu atidikani kucengejwa ngokuti Bhaibheri rinonanga mazano anoshandiswa ndi Sathana. (2 VaKorinto 2:11; Vonanyi Masoko o Kupejisira n.° 31.) Umwe murau unoshandiswa ndi Sathana i masaramuso.
MUCABATANA NO ZVO MADHIMONI
10. (a) Masaramuso i cinyi? (b) Jehovha anovona kudini zvomadhimoni?
10 Masaramuso i kuita zviro zviciripi zvocibarihwe kuri kubesehwa ngo madhimoni. Izvi zvinobatanija uroi, kufembera, no kueja kubhuya no vakafa. Bhaibheri rinotivhunja kuti madhimoni “anonyangajisa” Mwari. Ngo kudaro atidikani kubatanija zvo madhimoni pamwepo no kunamata Jehovha. (Deuteronòmio 18:10-12; Apokalipsi 21:8) Makristu anodikana kunyenya zvo madhimoni.—VaRoma 12:9.
11. Ngoyapi ngozi ingavepo kudari tikadakarira zviro zvo masaramuso?
11 Sathana anozviziva kuti kudari tikadakarira zvo masaramuso,
zvinozova zvakareruka kwaari kuti aticengeje. Mushovo wese wo masaramuso unonyangajisa Jehovha.SATHANA ANOEJA KUTICENGEJA
12. Ngo zvapi zvinoizwa ndi Sathana kuti acengeje vandhu?
12 Sathana anoeja vandhu kuti vakane-kane. Iyena anoeja kuti tikane-kane zvoita kuti tigume pa kurangarira kuti “bzakaxata kuti bzakanaka no bzakanaka kuti bzakaxata.” (Isaia 5:20) Sathana anoda kuti tidavire kuti zvatinovhunjwa ngo Bhaibheri azvishandi zve kuti tinozova vakadakara kudari tikatama kuzwira zvinonanga Mwari kuti zvakashata kana kuti zvakanaka.
13. Ipanyi muezaniso jinokhombja kuti Sathana anoeja kuti tikane- kane.
13 Kukanakanisa vandhu ndi umwe wo murau unoshandiswa ndi sathana. Iyena ari kushandisa murau uwu kuvhira kare. Mu munda wo Edheni, iyena wakaeja kuti Evha akane-kane ngo kumuvhunjisa kuti: “Bzokadi Mwari wakananga kuti amutendehwi kuha ku miti yese yo mu munda?” (Genesi 3:1) Perapo, mu nguva ja Jobe, Sathana wakavhunjisa Jehovha pambeji po ngirozi kuti: “Jobe anothya Mwari biresi here?” (Jobe 1:9) Jesu naapera kubhabhatijwa, Sathana wakamueja eciti: “Kudari iwewe uri Mwana wa Mwari, nangai ku mapuwe aya aphinduke kuita mukate.”—Mateu 4:3.
14. Mu njira yapi Sathana anoita kuti vandhu varangarire kuti masaramuso aazivi kushata?
14 Mbhera nyamasi, Sathana anotieja kuti tikane- kane. Iyena anoda kuti vandhu vajivhunjise kudari: Kureva kuti masaramuso akashatadi kamare here? Makristu amweni akatanga kuceukija izvi vecirangarira kuti azvizivi kushata. (2 VaKorinto 11:3) Waro zvicinyi zvatingaita kuti tijijivirire? Tingazvizivisa kudini kuti atiripi kucengejwa ndi Sathana? Ngatende tivone njira mbiri jaangashandisa Sathana kuti aticengeje jakadari inga: mabungaijo no kuraphwa.
SATHANA ANOSHANDISA MABUNGAIJO NO KURAPHWA KUTI ATICENGEJE
15. Mu njira yapi mabhungaijo angatiita kuti tibatane no zvo madhimoni?
15 Nyamasi uno, mavhidhiyo mazinji, mafirimi, zvinobudiswa mu TV, magemi, zvakazara ngo zviro zvomadhimoni no masaramuso. Vandhu vazinji vanorangarira kuti zvondhozvo azvizivi kushata zve avavoni ngozi iripo ngo kutendera kuti madhimoni ashande mu upenyu hwavo. Mundhu angagumazve pakubatana no madhimoni ngo zviro zvakadari inga kudurujira ndhondo, shoro, kufembera no kutemwa nyora. Sathana anoviga ngozi yo zviro izvi, ozviita kuti zvive inga zviro zvinoshamaisa, zvinodakajisa no kuzvivona inga mabungaijo. Vamweni vangatorangarira kudari: ‘Azvizivi kushata kuvona mavhidhio anovonesa zvo masaramuso, ngokuti ndinonga ndicikaiti zvomadhimoni.’ Ngenyi i ngozi kurangarira kudari?—1 VaKorinto 10:12.
16. Ngenyi atidikani kubhungaija no zviro zvomadhimoni?
16 Sathana no madhimoni, avakwanisi kuvona zvatinorangarira. Asi ivona vanoziva zvatinodakarira no manera atinorangarira ngo kuvona zviya zvatinokheta kuita pacedu no mburi yedu. Patinokheta zviro zvakadari inga mafirimi, mumbo, masaramuso, mabhuku anovonesa zvo mujimu, vandhu vanosvisvina ngazi no zwimweni, Sathana no madhimoni vanovona kuti tinodakarira zvondhozvo. Ngo kudaro, ivona vanozoita zvese VaGalàsia 6:7.
kuti vatieje kuti tibatane no zvomadhimoni.—Verenganyi17. Mu njira yapi Sathana angashandisa cido cedu co kuda kuva no uhomi waushoni kuti aticengeje?
17 Sathana anoshandisazve cido cedu co kuda kuva no uhomi waushoni kuti aticengeje. Nyamasi uno, vandhu vazinji avana uhomi waushoni. Mundhu angacamwa kudari akatama kuva no uhomi waushoni pikija ecirapwa mu njira jakasiana-siana. (Marco 5:25, 26) Kangaije izvi zvingaita kuti mundhu akaye-kaye, wopsaka njira imweni kuti avange. Makristu anodikana kugwarira kuti atame kutendera marapihwe anobatanija “simba ro masaramuso.”—Isaia 1:13, Shanduro yeNyika Itsva.
Thembanyi Jehovha pamunonga mecihwaja
18. Ndi mushovo wapi wo marapihwe unodikana kunyenwya ngo Makristu?
Isaia 1:15) Amborangariranyi basi, Jehovha aacaizwepi mukumbiro javo. Atidi kuita cire cese cingakhuvaza ushamwari wedu na Jehovha zvotiita kuti titame kubeswa ndiyena, maningi-ningi patinonga tecihwaja. (Nduyo 41:3) Kudari tecida kurapwa, tinodikana kuziva kuti marapihwe ondhoo anobatanija zvomadhimoni kana kuti haiwa. (Mateu 6:13) Kudari marapihwe atinozoitwa ecibatanija zvo madhimoni, munodikana kuramba parapihwewo.—Vonanyi Masoko o Kupejisira n.° 32.
18 Kare ku Iziraeri, vamweni vaishandisa “simba ro masaramuso.” Jehovha wakavavhunja kuti: “Mukatambanuja nyara jenyu, ndinofundurusa komuri majiso angu. Nokunyati mukaengejera munamato, andizomuzwi.” (ZVIITIKO NGO PAMUSORO PO MADHIMONI
19. Ngenyi vandhu vanothya madhimoni?
19 Vandhu vamweni vanorangarira kuti Sathana no madhimoni avako. Kuveni vamweni vano cokwadi cokuti variyo, ngokuti vano muezaniso wo zvakavaitikira. Vandhu vazinji vanothya mujimu jakashata voguma pakuva varanda vo maninji. Vamweni vanoita kuti vandhu vathye madhimoni ngo kuvavhunja zviitiko zvinothyisa ngo pamusoro po madhimoni. Kazinji vandhu vanokahamara pavanozwa izvi, vova no cido co kuda kuvhunjavo vamweni. Zviitiko izvi zvinoita kuti vandhu vathye madhimoni.
20. Tingagumisa kudini pa kundandanisa manyepo a Sathana?
20 Amborangariranyi basi. Sathana anoda kuti vandhu vamuthye. (2 VaTesalònika 2:9, 10) Iyena ndi munyepi zve anoziva njira jaangashandisa kuti acengeje vandhu vaya vanodakarira zvo madhimoni pomwe no kuita kuti vakhohwe ngo zviro zviciripi zvokadi. Vandhu ava, kangaije vangabhuya zviitiko zvavanorangarira kuti vakambozvivona kana kuzwa. Vandhu pavanoenderera mberi vecibhuya ngo pamusoro po zviitiko izvi, izvona zvinonyanya kuwanda. Itusu atidi kubesera Sathana kuti aenderere mberi ecithisijira vandhu ngo pamusoro po zviitiko izvi. —Johani 8:44; 2 Timoti 2:16.
21. Kunja ko kubhuya ngo pamusoro po zviitiko zvo madhimoni, tinodikana kubatikana pa kuitenyi?
21 Pikija hazvo umwe wo vashandiri va Jehovha wainga akabatana no zviitiko zvomadhimoni kareko, iyena aavhiri kugara ecindozvibhuya-bhuya, ngokuti waizothisijira vamweni. Vandhu va Jehovha avadikadi kuthya zviri zvese hazvo zvinoizwa ndi Sathana no madhimoni. Kunja kwa izvi, vandhu va Jehovha vanodikana kubatikana pa kusotesesa Jesu no simba raakapuwa ndi Jehovha kuciripi Sathana. (Vaheberi 12:2) Iyena aacaigarepi ecivhunja vajiji vake zviitiko zvomadhimoni. Iyena waibatikana ngo masoko akanaka o Umambo pomwe no “muxamaiso ya Mwari.”— Maitiro o Vapostori 2:11; Luka 8:1; VaRoma 1:11, 12.
22. Masunga kuitenyi?
22 Atidikani kukanganwa kuti cinangwa ca Sathana ngo cokuphwanya ushamwari wedu na Jehovha. Iyena anozoita zvese zvaanokwanisa kuti atiparajanise. Asi itusu tinoziva murau jinoshandiswa ndi Sathana. Ngo kudaro, tinodikana kuita cisungo co kutama kubatana no zviri zvese hazvo zvakabatana no madhimoni. Itusu atizopi “ndau Sathana” kuti arembese zvivaringo zvedu. (Verenganyi VaEfeso 4:27.) Kudari tikahwisana na Sathana, tinozova takangwaririka ku murau jake zve Jehovha anozotingwarira.—VaEfeso 6:11.