BASA RO KU BHETERI Vacumaeri vakabhabhatijwa vano makore 35 kana pasi pao, vanodakarira kushanda pa Bheteri vangaronga koovona musongano wo vanodakarira kushanda pa Bheteri ngo Mucishanu pa nguva yo kuzorora. Ndau no nguva yakona kamare yo musongano uwu zvinozoziviswa nguva iciripo.

CIKORA KUITIRA VAVHANGERI VO UMAMBO Mapiyona ano ndanga iri pakati po makore 23 no 65 vanodakarira kuengejera basa ravo ro kucumaera, vanokokwa koozwa musongano wo Cikora kuitira Vavhangeri vo Umambo ngo Mudimingu comasikati. Nguva kamare no ndau yo musongano uu zvinozoziviswa nguva iciripo.

VANGWARIRI Vangwariri vakagajwa kuti vamubesere. Tapota vazwirenyi kamare ngo kuteveja ndhungamiro, kudari vakamutatija po kudira zvifambiso, po kungwina no po kubuda ndipona, po kugara zve no zvimwenivo.

RUBHABHATIJO Zvigariro zvo vadongeri vo rubhabhatijo zvinozonga zviri ngo kumbeji ko civanje kunja ko nasiriro imweni. Vadongeri vo rubhabhatijo vanodikana kugara pa ndau yovakasanihwa hurukuro yo rubhabhatijo icito yatanga ngo Musabudu comangwanani. Umwe nga umwe anodikana kuviisa thaura no nguvo jokubira najo jicikapseruji.

MUPIRO Kuti pa musongano pano pave no pokugara pakanaka, mucini wo kuengejera izwi, mucini unotatija vhidhiyo, no mabasa amweni akaithwa kuitira kuti musongano uno uve unodakajisa zve unotikhwedeja phedo na Jehovha, pakamoshwa mare zinji. Mupiro jenyu jo kuzvipira jinobesera kusapota zviri kumosheka, no basa ro pasi pese. Pandau pano, pano zvibhokiso zvo kudira mupiro mu ndau jakasiana-siana zvakanasa kumakwa. Mupiro jese jinobongwa maningi. Mukhumbi Unotonga unobonga maningi ngo kukova kwenyu ko mwoyo wese ko kubesera basa ro Umambo.

KURAPHWA KO KUTANGA Tapota zivanyi kuti uku kuraphwa ko ZVAITIKA NGO CIBVUMBU BASI.

ZVOKUSVEJEKA ZVOBOJWA ZVE POKUVIGA MUJIYO Zviro zvese zvakabojwa zvinodikana koosiya pa Bauhwa ro Zvokusvejeka Zvobojwa. Mukasveja ciri cese, endanyi ku bauhwa iri moocisota. Vana vanosia vabari vavo vosvejeka vanodikana kuendeswa ku bauhwa iri. Asi, ricadovoniwa inga ndau yo kukorondha vana vadoko. Tapota ngwariranyi vana venyu zve garanyi navo.

POKUGARA Tapota reremejanyi vamweni. Mucakanganwa kuti zvigaro zvingabatihwa kuitira vandhu vo pa mbhuri yenyu kamare, vamunobva navo, vamunogara navo pamuzi kana kuti vamunojija navo Bhaibheri basi. Tabata murenje, mucandhandhanisa zviro muzvigariro zvamucizivi kubatira ari wese.

BASA ROKUZVIPIRA Kudari mukada kujipira kuti mubesere pa mabasa o pa musongano, tapota zivisanyi Bahwa ro Basa ro Kujipira.