Muezaniso jo mu Bhaibheri jingamubesera:

• Gn. 24:​1-4, 7—Kusiyapo kusiya kuti mwana wake Izaki aende kocadha no musikane wo Kanani wainamata zvimwari zvimweni, Abhirahama wakabesera mwana wake kuti awane mukaji wainamata Jehovha

• Gn. 28:​1-4—Izaki wakajijisa mwana wake Jakobe kuti aacaidikana kucadha no musikane wo Kanani, asi musikane waishandira Jehovha

 Muezaniso jo mu Bhaibheri jingamubesera:

• 1 Maj. 11:​1-6, 9-11—Jehovha wakanyangajwira maningi Soromona ngo kutama kuzwira mutemo, worovora vanakaji vonyikanja avo vakamuita kuti asiye kushandira Jehovha

• Nee. 13:​23-27—Kudari inga ndi Jehovha, Govhernadhori Neemiya wakanyangajwa maningi Vaiziraeri povakaenda kurovora vanakaji vonyikanja vainga vacikashandiri Jehovha, ngo iyo ndava wakavapangira no kuvonesa kuti vainga vaita zvakashata

Muezaniso jo mu Bhaibheri jingamubesera:

• 1 Sam. 25:​2, 3, 14-17—Pikija wainga wakakhupuka, Nabhari wainga mundhu wakashatisisa maningi no wainesa, izvi zvaiita kuti atame kuva mwamuna waushoni kuna Abhigairi

• Mazwi 21:9—Kudari tikatama kusana ushoni mundhu wo kucadha naye zvinoita kuti titame kuva no runyararo no mudakaro

• Var. 7:2—Mupostori Pauro wakananga kuti mwanakaji paanocadha, anotanga kutungamirihwa ngo mwamunake acizivi kukwana; ngo iyo ndava anodikana kuva no ungwaru paanosana wo kurovohwa ndiyena

Muezaniso wo mu Bhaibheri ungamubesera:

• Mazwi 24:27—Mwanarume acito acadha no kuva no vana, anodikana kushanda maningi kuti akorondhe mbhuri yake

Muezaniso jo mu Bhaibheri jingamubesera:

• Rt. 2:​4-7, 10-12—Bhoazi wakanasa kuziva Rute ngo kusotesesa manera aaishanda, ngo kubatisisa zvainangwa ngo vamweni ngo pamusoro pake, kuvona manera waitaja mbhuri yake no manera waida Jehovha

• Rt. 2:​8, 9, 20—Rute wakavonesa kuti waiziva Bhoazi ngo kusotesesa kunaka mwoyo kwake, kukova kwake no kuda kwaaita Jehovha

 Muezaniso jo mu Bhaibheri jingamubesera:

• Mazwi 5:​18, 19—Manera amweni okukhombijirana rudo anodikana kuithwa basi ngo vaya vakacadha

• Ndum. 1:2; 2:6—Musikane Musaramita no namoradho yake vaivhunjana magama o rudo ngo njira yaushoni, iwona aacaita kuti varangarire kuita zvo uhure

• Ndum. 4:12; 8:​8-10—Musikane Musaramita wainga mundhu anojibata; waidari inga cija cakasoswa

Muezaniso jo mu Bhaibheri jingamubesera:

• Gn. 21:​8-12—Pikija Abhirahama aazivi kudakarira zano raakapuwa ngo mukaji wake, Jehovha wakamuvhunja kuti waidikana kupurukira zvaakanangaro

• Mazwi 31:​10, 11, 16, 28—Inga zvanangwa mu mavhesi aya, mwamuna ano ungwaru ano mukaji anomubesera, aagari ecisotesesa zvese zvaanoita, kusiyapo izvo anomuthemba no kumusimba

• Vae. 5:33—Magama akananga Pauro anovonesa kuti, mukaji anodakara maningi paanoziva kuti mwamunake anomuda

Muezaniso jo mu Bhaibheri jingamubesera:

• Mazwi 1:8; 1 Vak. 7:4—Jehovha wakapa majimai no vakaji mutoro wakati kuti pa mbhuri

• 1 Vak. 11:3—Mupostori Pauro wakananga kuti itusu tese tino vandhu vanotitungamirira, kusiyapo Mwari Womasimba Ese

• Vah. 13:​7, 17—Mu ungano, azvinenyi dangani i mwanarume, vanakaji, vese vanodikana kuzwira vaya vanotungamirira

Muezaniso wo mu Bhaibheri ungamubesera:

• Gn. 18:12; 1 Ped. 3:​5, 6—Sara waitaja mwamunake ngo nderemejo, ecitomudanija kuti “mambo” pikija ngo mu murangariro

Muezaniso jo mu Bhaibheri jingamubesera:

• Gn. 24:​62-67—Rabheka wakabesera mwamunake Izaki ngo kumuvangisa paainga afihwa na mai wake

• 1 Sam. 25:​14-24, 32-38—Abhigairi wakajivirira mwamunake pikija wainga benji no vese vo pa muzi pake, ngo kujidodokesa wokumbira Dhavhidhi kuti akhombijire pena

• Est. 4:​6-17; 5:​1-8; 7:​1-6; 8:​3-6—Vahosi Esteri vakadira upenyu hwavo pa ngozi ngo kwenda ko vhaza mbiri pamberi pa mambo, avo vainga mwamunavo, vacizivi kukokwa, kuti vadeketerere mambo kuti vajivirire vandhu va Mwari