Muezaniso jo mu Bhaibheri jingamubesera:

• Gn. 37:​18, 19, 23, 24, 31-35—Josefa wakatambujwa no kutengeswa ngo hama jake inga muranda, perapo vakaenda konyepera baba wavo kuti mwana wavo wainga afa

• Gn. 49:​5-7—Simiyoni na Revhi vakava no muviyo jakashatisisa ngo kutendera kuti ushungu uvaitise zviro zvicikaripi zvaushoni

• 1 Sam. 20:​30-34—Ngo ndava yo ushungu, Mambo Sauri wakatuka mwana wake Jonatani no kueja kumuuraya

• 1 Sam. 25:​14-17—Nabhari wakatuka masoca a Dhavhidhi, wodira pa ngozi vandhu vese vo pa muzi pake

Muezaniso jo mu Bhaibheri jingamubesera:

• Gn. 42:​21-24—Hama ja Josefa jakazvidemba ngo manera o vakashaisha kutaja hama yavo

• Mar. 3:​1-6—Jesu wakasuruvara maningi ngo kuvona zviro zvakashata zvaiizwa ngo Vafarisi

Muezaniso jo mu Bhaibheri jingamubesera:

• 2 Sam. 15:​1-6—Abhusaromi wakaita zviro zvakawanda maningi kuti vandhu vamudakarire no kumuthemba, kusiyapo kuthemba babake Mambo Dhavhidhi

• Dan. 4:​29-32—Mambo Nabhukodhonozori waijikuja, ngo iyo ndava wakapangihwa ndi Jehovha

Muezaniso jo mu Bhaibheri jingamubesera:

• Gn. 26:​12-15—Jehovha wakakomborera Izaki ngo kushanda kwake ngo simba, Vafiristi vakatanga kumuitira thima

• 1 Maj. 21:​1-19—Mambo wakashata Akabhi waida kuita zvese zvaikwanisa kuti awane munda wo vhinyu wa Nabhoti, ngo ndava yo kuemura kwake Nabhoti wakagumira pa kunangihwa zvo kunyepa no kuuraiwa

Muezaniso jo mu Bhaibheri jingamubesera:

• Bziv. 13:​25-33—Gumi ro vafei vo Iziraeri vakathya zvoita kuti vandhu vese vathyevo

• Mat. 26:​69-75—Ngo ndava yo kuthya mundhu, mupostori Pedhru wakaramba Jesu ko vhaza ndhatu

Muezaniso jo mu Bhaibheri jingamubesera:

• Job. 31:​24-28—Pikija Jobe wainga wakakhupuka, aazivi kudisisa maningi zviro zvo kuunyama

• Mar. 10:​17-27—Mujaha umweni wainga wakakhupuka waida maningi zviro zvaainga nazvo, aazivi kukwanisa kuzvisiya wova muteveri wa Jesu

Muezaniso wo mu Bhaibheri ungamubesera:

• Abd. 10-14—Mwari wakapanica Vaedhomi avo vainga vecivigira bundu Vaiziraeri, hama javo

Muezaniso jo mu Bhaibheri jingamubesera:

• Gn. 13:​5-9—Vahavisi va Abhirahama no Varoti povakatanga kuvereketesana, Abhirahama wakapsaka kuita runyararo

•  Vat. 8:​1-3—Vanarume vo Efraimi vakatanga kuvereketera Mutongi Gidhiyoni, asi kujidodokesa kwake kwabesera kuti pave no runyararo

Muezaniso jo mu Bhaibheri jingamubesera:

• Mat. 12:​1-7—Jesu wakashora Vafarisi vaijivona kuti vainga vakarurama maningi

• Ruk. 18:​9-14—Jesu wakaita muezaniso kuitira kuvonesa kuti vaya vanojivona kuti vakarurama maningi kupinda vamweni, avatendehwi pamberi pa Mwari

Muezaniso jo mu Bhaibheri jingamubesera:

• 2 Kron. 36:​11-17—Zedhekiya wakava mambo wakashata maningi no acikazwiri, zvoita kuti vandhu vagume pa kupanicwa ndi Mwari

• Mab. 19:​8, 9—Mupostori Pauro wakaima kucumaera vaya vairamba kutendera masoko o Umambo

Muezaniso jo mu Bhaibheri jingamubesera:

• 1 Sam. 8:​10-20—Muporofita Samuweri wakavhunja Vaiziraeri kuti kutongwa ngo vandhu akubesi ciro, pikija zvakadaro zvakanangwa ngo Vaiziraeri zvakavonesa kuti avacainasa kuzwisisa

• 1 Sam. 25:​2-13, 34—Nabhari wakaramba kuita zvaakakumbihwa, inga muviyo wakadira pa ngozi upenyu wo vandhu vese vo pa muzi pake

Muezaniso wo mu Bhaibheri ungamubesera:

• 1 Sam. 18:​6-9; 20:​30-34—Mambo Sauri aacaitenda kuti Dhavhidhi wainga akagondeka, wotoeja kuita kuti Jonatani atame kubesera Dhavhidhi