Vandhu vazinji vanoramba Mwari ngokuti vanonanga kuti ndiyena ari kuitisa matambujiko.

Mu njira inovoneka no icikavoneki, vatungamiriri vaziji vo zviyara vanojijisa kuti Mwari ndiyena anoitisa matambujiko edu. Inga muezaniso, vamweni vanonanga kuti:

• Mwari anopanica vandhu ngo ngozi jinoitika jega.

• Paanofa mwana, Mwari anoenda koengejera ngirozi jake kumatenga.

• Mwari anoitisa hondo jinobarari matambujiko makuru.

Asi zvinoitadi kamare kuti vatungamiriri vo zviyara vandhandhanise manyepo ngo pamusoro pa Mwari? Kudari Mwari wakavaramba keni?

Mwari asipi iyena anoitisa matambujiko edu.

Izvi zvaizova zvinosiyana no mugariro jake jinonangwa mu Bhaibheri. Inga muezanisio:

Mabasa ese a Mwari “akarungama.  . . Ndiyena mururami no murungami.”​—DEUTERONÒMIO 32:4.

“Mwari aaiti bzakaxata kamare Nyakukwanisa bzese aaxaixi”​—JOBE 34:10.

“Nyakukwanisa bzese aaiti bzicikazivi kururama”​—JOBE 34:12.

Mwari anoramba zviyara zvinomunyagajisa.

Izvi zvinobatanija zviyara zvinojijisa kuti Mwari ndiyena ari kuitisa matambujiko edu, zvinobatanijazve zviyara zvese zvinoghwinira mu hondo no ugevenga.

“Bzovakaporofeta vafemberi ngo zina rangu [Mwari], mbzakuyepa Inini andizivi kuvatumira, andizivi kuvabvunja ciro andizivi kuvereketa na ivona. Bzo vanoporofeta . . . bzivoniso bzokunyepa,kufembera kwabiresi, murangariro ucina hwiru yo mwoyo yavo.”​—JEREMIA 14:14.

Jesu wakashora zviyara zvinozviitisa.

“Avanghwini mu Umambo hwo mugore vese vanoti: ’Tenji , Tenji’; kaveta vaya vanoita kuda ka Baba wangu vo mugore. Mu njikuyo vazinji vanozoti: ’Tenji, Tenji, atizivi kutokotesa mazwi mu zina renyu, tombhirimbija mabjoka mu zina renyu, toita muxamaiso muzinji mu zina renyu? Pondhopo inini ndinozovadavira kuti: ’Andizivi kumbomuziva. Ibvanyi kondiri vaiti vo bzakaxata!’” ​—MATEU 7:21-23.