Ngo kuti mupinguro wo muvhunjo uu unopsasa upenyu hwedu.

Kureva kuti zvino shwiro here Mwari kusika nyika yakaseja kudari, perepo wosika vandhu kuti vatambujike?

Vandhu pavanovona matambujiko ese aya, vanokana-kanaka ngo pamusoro pa Mwari. Ivona vanotanga kurangarira kuti (1) Mwari aana simba ro kupeja matambujiko, (2) Mwari aaneseki ngo matambujiko edu kana kuti (3) akuna Mwari.

Kureva kuti murangariro iji ngo jokadi here?

Mwari aazivi kusika vandhu kuti vatambujike.

Mwari anoda kuti tidakare.

“Akuna kupfara ku mundhu, kuciripi kudakara no kuita bzakanaka mu kurarama kwake. Bze, kuti mundhu ahe no kumwira, ecidakara ngo kunaka ko muxando wake, ndicona cipuo ca Mwari.”—MUCUMAERI 3:12, 13.

Mwari wakapa varovorani vokutanga zvese zvavaida kuti vave no mudakaro mu upenyu hwavo.

Mwari aacaida kuti Adhamu na Evha no vana vavo vatambujike

“Mwari wakavakomborera eciti: ‘Barananyi muwande. Muzaje nyika, muitonge”—GENESI 1:28.

Varovorani vokutanga vakakheta kuda kujitonga vega kuciripi kutongwa ndi Mwari.

Ngo ndava yazvo, ivona vakajiivisira matambujiko pacavo pomwe no mubarihwana wavo.

“Hwakangwina uxaixi mu nyika yo pasi ngo ndava yo mundhu umwe, ngo uxaixi hwongwinavo rufu; ndibzonavo bzondhobzo rufu hwakagumira vandhu vese, ngokuti vese vakaxaixa.”—VAROMA 5:12.*

Atizivi kusikwa kuti tirarame ticina ndhungamiriro ja Mwari.

Mundhu aazivi kusikwa kuti ajitonge ega, kudari inga aazivi kusikwa kuti ararame pasi po kumwa.

“Mundhu asipi nune wo gwanja rake, kuti ecifamba aakwanisi kusana gwanja raanoda.” —JEREMIA 10:23.

Mwari aadi kuti vandhu vatambujike.

Ngo kudaro, iyena anotipa ndhungamiriro jinotibesa kuti tive no upenyu wakanaka ucina matambujiko mazinji.

“Iwewe, nokwainga kuti wakapurutana mupango yangu”—ISAIA 48:18.