Patinoverenga Bhaibheri tingawana zvingatibesera ngokupsakisisa. Tingaitisa kudini kuti tibesereke ngokupsakisisa uku?

Psakisisanyi maningi zviro zvinobatanijwa pa zviitiko zvo mu Bhaibheri. Inga muezaniso, ndiani mutari, wakatarira ani, zvakatahwa rini, ngozvapi zvineso zvakavepo, ngozvapi zvakaitika zvicito zvatahwa cimwenizve ngozvapi zvakazotika pazvakapera kutahwa.

Rangarijisisanyi ngo zviro zvamawana zvamungada kujija mecijiita muvhunjo jakadari inga ndi iji: ‘Vandhu vari kunangwa paciitiko ici vakajizwa kudini? Mugariro japi javakakhombija? Ngenyi ndinodikana kutevejera mugariro iji? Ngowapi mufambiro wandinodikana kungwarira?’

Shandisanyi zvijijo zvamawana pamainga mu basa ro kucumaera no manera amunotaja vamweni njiku ngo njiku. Kudari mukaita izvi munozonga mecikhombija uzivi inga manera arinonanga Bhaibheri kuti: “Ndiani muzivi? Ngaavone ibzi.”—Nduyo 107:43.

• Mazano: Vonanyi kuti zvatinowana pa divi rinoti Upfumi Hunovha mu Soko ra Mwari pa musongano wo pakati po sumana zvingatibesera kuti tibatikane pakushandisa zvatinojija mu Bhaibheri. Divi iri rinoanja kuva no muvhunjo jatingajiita pacedu no mafundo atingarangarijisisa no mafoto angatijijisa zviri zvese.