Kangaije, inga vazinji vedu, mungavona zvecinesa kuceukija zviya zvamunojija. Asi zvakareruka kuceukija zvizinji zvakajijiswa ndi Jesu ngokuti iyena waishandisa muezaniso. Imwimwi mungarangarijira zviro zvakanangwa ndi Jesu inga muri kuzvivona. Kuita kudaro kunozomubesera kuti muceukije zvaakajijisa. Mu njira yakaezana, imwimwi mungaceukija zvizinji zvamunojija ngo ngokuita inga muri kuzvivona. Mungazviitisa kudini izvi? Ngo kudhezenyari mafoto pamunonga mecijija.

Vandhu vanodhezenyari madhezenyo o zviro zvipsa zvavanonga vajija kazinji vanonasa kuceukija ngo pamusoro pazvo. Kudhezenyari mafoto kunovabesera kunasa kuzwisisa haiwa basi magama asi mafundo anosisira o zviro zvavari kujija. Madhezenyo avanoitari asipi o basa riri rese asi akareruka no o kukasika. Zviri kuvoneka inga kuti vasharuka vari kubesereka maningi ngo njira iyi.

Pamunozojija pa hwendo unotevera, imwimwi mungaeja kuita madhezenyo manganani o zviro zvamunonga mecijija. Imwimwi munozoshamaisika maningi ngo manera amunozokwanisa kuceukija zvamunonga majija.