Patinonga teciverenga Bhaibheri, tingashandisa mathurusi akasiyana-siyana kuti tinase kuzwisisa zvatinonga teciverenga. Asi itusu atidi basi kujija kuti tiengejere zivo yedu ngo pamusoro po Bhaibheri. Tinoda kupsaka kuziva zvizinji ngo pamusoro po mugariro ja Jehovha jinoita kuti timude maningi. Kuti tiite izvi, tinodikana kujivhunjisa kudari: ‘Zvandiri kuverengari zvinondijijisenyi ngo pamusoro pa Jehovha?’

Inga muezaniso, mungaeja kuzwisisa kuti Jehovha anokhombijisa kudini rudo hwake, uzivi, ururami pomwe no simba. Asi iji andijopi jega basi mugariro ja Jehovha. Jiripovo mugariro jimweni jakawanda. Waro mungawanira kwapi mugariro jimweni?

Endanyi kovona mugariro jimweni jinokwana kuita 50 mu bhuku Índice das Publicações da Torre de Vigia pasi po cimusoro cinoti “Jehovha” perapo moenda pa divi rinoti “Rista yo Mugariro.” Psakikisanyi mugariro umwe unozwirana no shwiro yamuri kuverengaro. (Kudari muno Bhuku ro Kupsakisisa ro Zvapupu zva Jehovha basi, endanyi pa cimusoro cinoti “Jehovha Mwari” perapo moenda pakatahwa kudari “Mavara a Jehovha.”)