Njiku imweni, hambzaji yo Novha Zirandiya yakavona vhidhiyo mu jw.org ino musoro unoti: “Cuidem Uns dos Outros (1 Cor. 12:25).” (Isaia 63:​7-9) Waro hambzaji iyi yakasunga kushandisa zvoyakajijari no kupsaka mukana wokubeseravo vamweni. Pa njiku yondhoyo kamare, hambzaji iyi poyaienda kotenga zviro, yakasongana no mwanakaji waigara mugwanja. Iyona yakazvipira kuti iyende kotenga zvokuha kuitira mwanakaji wiya. Mwanakajiwo wakatendera. Hambzaji iyi poyakaviya no zvokuha, yakamucumaera yecishandisa foriyeto inoti: “Kutambujika Kucazombopera Hako Here?”

Mwanakaji wiya wakatanga kurira. Iyena wakavhunja hambzaji iya kuti wakabarihwa mu cokwadi, asi wainga waano makore akawanda naasiya cokwadi. Hambzaji iyi icito yaguma, iyena waiita mukumbiro kuna Jehovha kuti ahwirire kwaari. Hambzaji iyi yakamupekeja Bhaibheri, vopangana kurijija. a

Inga ndi Jehovha, itusu tingaitira vandhu unyasha, kubatanija ukama hwedu no hama no hambzaji jedu jiri mu ungano. Tingavonesazve kuti tino unyasha ngo kuvhunja vandhu ngo pamusoro pa Jehovha.