Verenganyi Vatongi 11:​30-40 jijanyi ngo ciitiko ca Jefita no mwana wake ngo pamusoro po kukwanirisa mbhiko.

Sotesesanyi masoko anobatanijwa. Vaiziraeri vaivona kudini mbhiko jaiitihwa Jehovha? (Zviverengo 30:2) Kuitisa kudini Jefita no mwana wake vaithemba Jehovha?—Vatongi 11:​9-11, 19-24, 36.

Psakisisanyi. Jefita paakaita mbhiko kuna Jehovha wairangarirenyi? (Murindiri wa 04/16 pheji 7 ndima 12) I zviro zvapi zvakaizwa ndi Jefita no mwana wake kuti vakwanirise mbhiko javo? (Murindiri wa 04/16 pheji 7-8 ndima 14-16) I mbhiko japi jingaithwa ngo Makristu nyamasi uno?—Murindiri wa 04/17 pheji 4-8 ndima 10-19.

Rangarijisisanyi ngo manera amungashandisa zviro zvamajija. Perapo jivhunjisenyi kudari:

• ‘Ndingaitisa kudini kuti ndirambe ndecikwanirisa mbhiko yangu yo kujipira?’ (Murindiri wa 03/20/ pheji 13 ndima 20)

• ‘I zviro zvapi zvandingaita kuti ndishandire Jehovha zvakakwana?’

• ‘Ndingavangisa kudini kujipira kwangu ku mbhiko yandakaita yo mucadho?’ (Mateu 19:​5, 6; Vaefeso 5:​28-33)