MAZANO O KUJIJA
Itanyi Zvakanaka no Cicunge Cese, Pikija Vandhu Vacikadi Kuti Muzviite
Verenganyi Jeremiya 38:1-13 kuti mujije ngo pamusoro po cicunge kuvha kuna Jeremiya na Ebhedhi-Mereki.
Psakisisanyi fundo. Jeremiya wakakhombijisa kudini cicunge pa kucumaera masoko a Jehovha? (Jeremiya 27:12-14; 28:15-17; 37:6-10) Vandhu vakaitenyi pavakazwa zvavakavhunjwa ndi Jeremiya?—Jeremiya 37:15, 16.
Psakisisanyi. Vandhu vaivetera kuti Jeremiya aitenyi? (Shoko raMwari Kwatiri Achishandisa Jeremiya pheji 26-27 ndima 20-22) Vonanyi kuti marindi aishandirenyi mu nguva jo Bhaibheri. (Perspicaz vhorume 1 pheji 471) Munorangarira kuti Jeremiya wakajizwa kudini paainga murindi riya? Ebhedhi-Mereki waithyenyi?—Murindiri wo 1/5/12 pheji 31 ndima 2-3.
Majijenyi pa ciitiko ici? Jivhunjisenyi kudari:
-
‘Ciitiko ici candijijisenyi ngo manera Jehovha anojivirira vashandiri vake vakagondeka?’ (Nduyo 97:10; Jeremiya 39:15-18)
-
‘Pa mugariro japi pandinodikana kukhombija cicunge?’
-
‘Ndingavangisa kudini cicunge cangu pakuita zviro zvakanaka vamweni vacikadi kuti ndizviite?’ (Murindiri wo 1/3/11 pheji 30) a
a Ngo pamusoro po mazano o kujija, vonanyi musoro unoti: “Mazano Amungashandisa Pamunonga Mecida Kujija” mu Murindiri wa Julho wo 2023.
