Itusu atinamati basi Jehovha patinonga takaungana pamwepo no vamweni no mu magungano o mutundhu no o ndharaundha asi tinomunamata patinoita jijo yo mundhu ega no patinoita kunamata ko mbhuri. Apa pano mazano amungashandisa pa jijo yenyu mega no yo mbhuri:

• Nasiriranyi kuitira musongano jo ungano. Imwimwi mungajijira kuimba no kubesera mbhuri kuti inasirire mupinguro.

• Verenganyi ciitiko co mu Bhaibheri. Perapo, sotesesanyi foto jiri ponapo no kutarira zvamajija.

• Poporanyi mukumbiro uri wese wamunowana mu Bhaibheri no kuvona kuti ungamubeseresa kudini kuti muitise nane mukumbiro jenyu.

• Vonanyi vhidhiyo yo sangano no kurangarira ngo pamusoro payo no vandhu vamweni no kutarira zvamajija.

• Nasiriranyi kuitira kuenda mu basa rokucumaera, kangaije mungaitoita muezaniso mecishandisa umwe wo pa mbhuri yenyu, iyena angaita inga mundhu wamasongana naye mubasa rokucumaera monasirira naye zvamunoda kuzobhuya.

• Sotesesanyi zvakasikwa no kurangarijisisa ngo pamusoro po zvamunojija ngo pamusoro pa Jehovha. a