Tese hedu atina nguva yakawanda kuti tiite jijo yo mundhu ega. Waro tingashandisa kudini nguva yatinayo kuti tinase kubesereka? Pokutanga, nasanyi kushandisa nguva yenyu pa mukuvo wamunongaro meciverenga. Munozonasa kubesereka, kudari mukajija zviro zvishomani kusiyapo kujija zviro zvakawanda.

Perapo, sananyi zvamunoda kujija. (Vaefeso 5:15, 16) Vonanyi mazano manganani angabesera:

• Verenganyi Bhaibheri njiku jese. (Nduyo 1:2) Zvaizova zvaushoni kutanga ngo kuverenga zvipauko zvatinoshandisaya pa musongano wo pakati po sumana.

• Nasiriranyi jijo yo Murindiri no musongano wo pakati po sumana. Nasanyi kunasirira kuti muzokwanise ku komentari.—Nduyo 22:23.

• Tapota ejanyivo kuverenga no kuvona masoko amweni, akadari inga marevhista atinoshandisaya mu basa ro kucumaera, mavhidhiyo no musoro jimweni jinobudiswa mu jw.org.

• Itanyi urongwa wo kupsakisisa. Mungatopsakisisa kuti mukwanise kunyisa cineso ciri cese camunaco, kuti muwane mupinguro wo muvhunjo wamunawo kana shwiro iri yese inonangwa mu Bhaibheri yamunoda kunasa kuzwisisa. Kuti muvone manera okuzviita ndiwona, endanyi mu jw.org pa divi rinoti: “Nyaya dzomuBhaibheri Dzokudzidza.”