Verenganyi Genesi 37:​23-28; 39:​17-23 kuti muvone ngozvapi zvamungajija kuvha ku muezaniso wa Josefa wokucungirira kutama kururama.

Batisisanyi zviri kubhuiwaro. Ngozvapi zvakaita kuti Josefa agume pakutajwa mu njira icizivi kururama? (Genesi 37:​3-11; 39:​1, 6-10) Josefa wakapeja mukuvo wakadini ecicungirira kutama kurungama? (Genesi 37:2; 41:46) Pamukuvo wese uwu, Jehovha wakaitirenyi Josefa, ngozvapi Zvaacizivi kumuitira?—Genesi 39:​2, 21.

Nasanyi kurangarijisisa. Bhaibheri arinangi zvakanangwa ndi Josefa kuitira kujivirira manyepo aakapumbhwari ngo mukaji wa Potifari. Kuitisa kudini matahwa anoteverari anotibesera kuti tirangarijisise ngo pamusoro po kuti ngenyi Josefa wakakheta kuramba akanyarara kana ngo pamusoro pokuti ngenyi atidikani kuvetera kuti zviro zvese zvinangwe? (Mazwi Akangwara 20:2; Johani 21:25; Mabasa o Vapostori 21:37) Ngojapi mugariro jakabesera Josefa kuti acungirire kutama kururama?—Mikeya 7:7; Ruka 14:11; Jakobo 1:​2, 3.

Ngozvapi zvijijo?. Jivhunjisenyi kudari:

• ‘Matajihwe api acizivi kururama andingavetera kuhwisana nawo inga mujiji wa Jesu?’ (Ruka 21:​12, 16, 17; Vahebheru 10:​33, 34)

• ‘Ndingajinasiririsa kudini kuti ndibudirire pakuhwisana no kutama kururama?’ (Nduyo 62:​7, 8; 105:​17-19)