Vamweni vanoverenga ciitiko ici ngo kukasikira vanojiita muvhunjo uwu. Asi vhesi iji jinobhuya ngo vandhu vaviri vano mazina ondhowo okuti Mefiboxeti. Perapo itusu tingajija ciri cese kuvha pa zvakaitika pa ciitiko ici.

Mambo Sauri wo Iziraeri, wainga no vana vanomwe vorume no vaviri vokaji. Mwana wake wokutanga waidanijwa Jonatani. Pa kufamba ko nguva mambo wakava no mwana umweni waidanijwa Mefiboxeti, waakabarihwa ngo mukaji wake umweni waidanwa Rizipa. Zvinodakajisa ngo zvokuti, Jonatani wakavavo no mwana waidanwa Mefiboxeti. Ngo kudaro, Mambo Sauri wainga no mwana waidanijwa Mefiboxeti no muzukuru waingavo no zina rondhoro.

Mambo Sauri wakatanga kuzonda maningi Vagibhiyoni, woeja kuvauraya. Zvinovoneka inga kuti vazinji vavo vakauraiwa Izvi zvainga zvakashata maningi. Ngenyi? Ngokuti mu njiku ja Joshuwa, Vaiziraeri vainga vakaitirana citenderano co runyararo no Vagibhiyoni.—Joxwa 9:3-27.

Citenderano ciya cainga cicashanda mbhera mu njiku ja Mambo Sauri. Kusiyapo kuita mukuzwirana no citenderano ici, iyena wakaeja kupeja Vagibhiyoni vese. Inga muviyo, kwakava no ndava yo “ngazi panyezuru pa Sauli no mbhuri yake.” (2 Samueli 21:1) Pakupejisira, Dhavhidhi wakava mambo. Vagibhiyoni vakasara vecipona vakabhuya ngo ushaishi hwakaitwa ndi Sauri, vecivhunja Dhavhidhi. Dhavhidhi wakavavhunjisa kuti ngozvapi zvaidikana kuitwa kuti ushaishi hwakaitwa ndi Sauri uregerehwe no kuita kuti Jehovha akwanise kuvakomborera. Kusiyapo kukumbira mare, Vagibhiyoni vakakumbira kuti vapuwe vana vanomwe vo mundhu ‘waida kuvapeja’ kuti vavauraye. (Bziverengo 35:30, 31) Dhavhidhi wakaita zvavakakumbira.—2 Samueli 21:2-6.

Perapo Sauri na Jonatani vakafa pa hondo, asi mwana wa Jonatani Mefiboxeti wakasara ari penye. Iyena wainga wakaremara mukumbo kuvhira paainga mwana mudoko. Izvi zvinovonesa kuti iyena aazivi kubesera cekuru wake, pavakaenda kuhwisa Vagibhiyoni. Dhavhidhi wainga wakaita citenderano no shamwari yake Jonatani cokuti iyena waizobesera mubarihwana wese, kubatanijavo no mwana wa Jonatani Mefiboxeti. (1 Samueli 18:1; 20:42) Bhaibheri rinoti: “Mambo [Dhavhidhi] wakaponesa Mefiboxeti, mwana wa Jonatani, mwana wa Sauli, ngo ndava yo mbhiko yakaitwa pambeji pa Tenji Mwari.”—2 Samueli 21:7.

Dhavhidhi wakaita zvakakumbihwaya ngo Vagibhiyoni. Iyena wakavapekeja vana vaviri va Sauri, umwe wakona waidanwa Mefiboxeti no vazukuru vashanu va Sauri. (2 Samueli 21:8, 9) Zvakaitari Dhavhidhi zvakapeja ndava yo ngazi.

Ciitiko ici asipi shitoriyavo hayo. Mutemo wa Mwari wainga wakajeka. Iwona waiti: “Majibaba aazourawi ngo ndava yo vana, nokuti vana ngo ndava yo majibaba.” (Deuteronòmio 24:16) Jehovha acaizotendera kuti vana vaviri va Sauri no vazukuru vake vashanu vauraiwe kudari vainga vacina ndava. Mutemo waiengejera weciti: “Umwe nga umwe anozotambujwa ngo ndava yo bzixaixi bzake basi.” Zvinovoneka kuti vandhu vanomwe vo ukuma hwa Sauri vakaurawa ngokuti ngo njira iri yese ivona vakabesera Sauri pa kuuraya Vagibhiyoni. Inga muviyo, vandhu vanomwe vakaurawa ngo ndava yo ushaishi hwavo.

Ciitiko ici, cinovonesa kuti mundhu aadikani kujipa razau paanoita zviro zvakashata ngo kurangarira kana ngo kunanga kuti wainga eciteverera ndhungamiriro. Mazwi akangwara amweni anonanga kudari: “Rangarirai uxoni gwanja ucito ukarifamba, fambai mu gwanja rakanaka basi.”—Mazwi Akangwara 4:24-27; Vaefeso 5:15.