IMWIMWI munovangisira kuti muite jijo yenyu yo mundhu ega mukuvo wese nokuita kuti ive inomudakajisa? Kangaije itusu tese kazinji tinoita. Asi rangariranyi ngo zviro zvatinoita nguva jese, zvakadari inga kugeza. Kupaja kunoda nguva no kuvangisira, asi patinopeja kupaja tinojizwa takasujunuka. Bhaibheri ringaitazve inga ciro cakatondhora “kumwa yo soko ra Mwari.” (Vaefeso 5:26) Ngatende tivone mazano amweni angatibesera:

• Itanyi urongwa. Tinozviziva kuti jijo yedu yo Bhaibheri i cimwe co zviro “zvinosisira maningi” zvatinodikana kuita. (Vafiripi 1:10) Kuitira kuti mukwanise kuteverera urongwa wamunongaro maita, munodikana kuudira pa ndau inovoneka. Kana mungaseta ararmi pecicota mukuvo mushoma kuti mutange jijo yenyu.

• Sananyi mukuvo no njiku yakamunakira kuti muite jijo yenyu. Ngozvapi zvakareruka kwamuri? Inga muezaniso, kureva kuti zvakareruka kwamuri kujija ko nguva imwe? Kana kuti munoda kujija pa mukuvo mushomani asi ngokukasika? Imwimwi munoziva kuti ngozvapi zvakanaka kwamuri. Ngo kudaro, itanyi urongwa wo jijo yenyu mukuzwirana na zvondhozvo. Kudari imwimwi amuna cido cokujija pamukuvo wamakatema, imwimwi maizojija ko museswa jinokwana gumi? Pikija mukajija ko museswa jinokwana gumi, imwimwi munozojija zvizinji. Kangaije pamunopera kujija ko museswa jinokwana kuita gumi mungatoda kwenderera mberi mecijijazve.—Vafiripi 2:13.

• Sananyi musoro jamunoda kuzojija pacino nguva. Kudari mukagara perapo mozorangarira kuti ngozvapi zvamunoda kujija, kangaije amucaizovepi “mecinasa kushandisa nguva yenyu.” (Vaefeso 5:16) Ngenyi imwimwi amuiti rista yo musoro kana shwiro jamunodakarira kujija? Kudari mukava no muvhunjo uri wese, utarirenyi. Pamunopejisa kujija imwimwi mungatarira zviro zvimweni zvamungazodakarira kujija.

• Ivanyi mundhu anokasika. Mungaeja kutarira pa urongwa hwenyu nguva yamunoda kupeja mecijija no kusana shwiro jamunozojija. Zvinosisira asipi njiku, nguva kana zvamunojija, asi kujija kwenyu nguva jese.

Kunasa kunanga, itusu tinobesereka maningi kudari tikava no cirovejeso co kujija mukuvo wese. Tikaita kudaro tinokhwedera phedo na Jehovha, tova no uzivi no kuva takasujunuka.—Joshuwa 1:8.