Majibaba ano mutoro wo kujijisa vana vavo ngo pamusoro pa Jehovha. (Vaefeso 6:4) Kuitira kubesera vabari, sangano ra Jehovha rakabudisa musoro jakawanda, mavhidhiyo no mumbo. Waro imwimwi majibaba, mungashandisa kudini mathurusi aya kuti mujijise vana venyu?

• Nghwinanyi mu saite JW.ORG. Kondhoyo, munowana mavhidhiyo no zvese zvakaitihwa vana. a Kuti muzviwane endanyi pa divi ro kupsakisisa, motara kuti “Vana” kana kuti “Vari Kuaruka.”

• Khetanyi zvinodakajisa mwana wenyu. Pa divi rinoti “Vana” imwimwi mungakheta vhidhiyo, mumbo no zvimweni zvingabesera mwana wenyu. Kuti muzviwane, psakanyi musoro unoti, “Zvokuita Pakunamata Kwemhuri.”

• Psakanyi mukuwo wo kujijisa mwana wenyu. Amuvhiri kushandisa mavhidhiyo aya kana zviro zvimweni kuti mwana wenyu agare akabatikana basi. Kunja kwa izvi, bhuyanyi naye ngo pamusoro po shwiroyo no kumubesera kuti avangise ushamwari hwake na Jehovha.