Shandiranyi Jehovha, Mwari wo Rusujunuko
‘Pano mujimu wa Jehovha, pano rusujunuko.’ —2 VAKORINTO 3:17, Shanduro yeNyika Itsva.
1, 2. (a) Ngenyi uranda no rusujunuko jainga shwiro jinosisira maningi mu nguva jo mupostori Pauro? (b) Pauro wakananga kuti Cinyuke co rusujunuko wokadi-kadi ndiani?
MAKRISTU o kutanga, aipona kwaitongwa ngo Umambo hwo Roma, kwainga no vandhu vaidada ngo kuva no mutemo, vatongi vo ndava, no rusujunuko. Pikija zvakadaro, umambo uhwo hwainga no simba zve hwaithemba varanda vaiitaya basa rakavanga. Wakazoguma mukuvo wo kuti, mu Umambo wondhowo, varanda vakazowanda zvo kuti pa vandhu vatatu umwe wainga muranda. Zvokadi, kuva muranda no kuva wakasujunuka jainga shwiro jinosisira maningi ku uzinji hwo vandhu, kubatanijavo maKristu.
2 Mupostori Pauro wakatara maningi ngo pamusoro po rusujunuko. Asi iyena aacaieja kutonga ndhango iyi inowanikari mu nyika, yo kuti mu nguva yondhoyo uzinji hwo vandhu vaida kuipeja. Kusiyapo izvo, Pauro no maKristu doni vaishanda ngo simba kuti vajijise vandhu ngo pamusoro po masoko akanaka o Umambo hwa Mwari no kuvabesera kuzwisisa kusisira 2 VaKorinto 3:17, Shanduro yeNyika Itsva.
ko muripo wa Jesu Kristu. Pauro wakabvunja maKristu doni njira yokuwana rusujunuko wokadi-kadi. Iyena wakatara kudari: ‘Jehovha mujimu; pano mujimu wa Jehovha, pano rusujunuko.’—3, 4. (a) Pauro wakanangenyi pa vhesi jaakatanga kutara acito atara zviri pana 2 VaKorinto 3:17, Shanduro yeNyika Itsva? (b) Zvicinyi zvatinodikana kuita kuti tive no rusujunuko unobva kuna Jehovha?
3 Pa karata yake yo cipiri ku vaKorinto, Pauro wakananga zvainga zvakaitika na Mosi paakaderuka kubva pa Dundhu ro Sinai pakupera kuva pamberi po ngirozi ya Jehovha. Mumeso mwake mwaimunikira! VaIziraeri pavakamuvona, vakatanga kuthya, ngokudaro wakafukija meso ake ngo cifukijiro. (Exodo 34:29, 30, 33; 2 VaKorinto 3:7, 13) Pauro wakasanangura kuti: ‘Asi pavanohwirira kuna Jehovha, cifukijiro cavo cinobviswa.’ (2 VaKorinto 3:16, Shanduro yeNyika Itsva) Pauro waida kunangenyi?
4 Pa musoro wakaperari takajija kuti Jehovha, Musiki wo zviro zvese, ndiena ega basi ano rusujunuko wakaperera, ucikana mugano. Ngokudaro, zvinozika kunanga kuti pamberi pa Jehovha pano rusujunuko zve ‘pano mujimu wa Jehovha.’ Asi Pauro wakananga kuti kudari tinoda kuva no rusujunuko, tinodikana kuhwirira kuna Jehovha. Izvi zvinoda kureva kuti tinodikana kuva no ushamwari wakavanga na iyena. VaIziraeri pavainga muzvipare vaivona zviro mu mavonero o vandhu haiwa ngo mavonero a Jehovha. Zvaidari inga kuti vainga no cifukijiro mu meso no mu mwoyo mavo. Ivona vaida kushandisa rusujunuko wovainga nawo kuti vagutise zvido zvavo.—Vaheberi 3:8-11.
Pikija mundhu ari mu njere angava no rusujunuko
5. (a) Mujimu wa Jehovha unotipa rusujunuko womushovonyi? (b) Tinozvizivisa kudini kuti mundhu angava mu jere zve woramba ano rusujunuko unobva kuna Jehovha? (c) Ngojapi mubvunjo jatinoda kudavira?
5 Rusujunuko wotinopuwa ngo mujimu wa Jehovha unopinda rusujunuko wo kubva ku uranda. Mujimu wondhowo unopa rusujunuko wakakura wokuti vandhu avatozokwanisi kuuwana. Ungatisujunura pa uranda wo cishaishi zve rufu no uranda wo manamatiro okunyepa no zvirovejeso zvao. (VaRoma 6:23; 8:2) Rusujunuko unoshamaisa zvakadini! Pikija mundhu ari mu jere angakwanisa kuva no rusujunuko wondhowo. (Genesi 39:20-23) Hambzaji Nancy Yuen na Hama Harold King vakanghwiniswa mu jere ku makore akawanda ngo ndava yo rutendo hwavo, asi vakaramba vano mushovo uu wo rusujunuko. Mungavavona vaciverenga zvakavaitikira mu JW Broadcasting. (Nghwinanyi ngo panoti ENTREVISTAS E CASOS REAIS > SUPORTANDO DIFICULDADES.) Wari ngatidavirenyi mubvunjo muviri. Tingatatijisa kudini kuti rusujunuko hwedu unosisira maningi kwatiri? Zve tingashandisa kudini rusujunuko hwedu ngo ungwaru?
RUSUJUNUKO WOTAKAPUWA NDI MWARI UNOSISIRA MANINGI
6. VaIziraeri vakatatijisa kudini kuti avacaibongesera ngo rusujunuko hwovainga vakapuwa ndi Jehovha?
6 Patinopuwa cipo, tinobonga mundhu anongaro watipa. Asi, vaIziraeri avazivi Bziverengo 11:5, 6, 10; 14:3, 4) Izvi zvinotipa cijijo cinosisira maningi.
kubongesera ngo rusujunuko hwavakapuwa ndi Jehovha. Nopapera mweji munganani basi Jehovha naavasujunura kubva Ejipita, ivona vakatanga kusuwa zvokuha no zvokumwa zvavaingaya varoveja. Vakatanga kun’gun’guta ngo ndava yo zvokuha zvaizwi manaa zvavaipuwa ndi Jehovha. Vaitoda kuhwirira ku Ejipita! Kwavari, ‘hove, makaka, maxamba, murivo, masabola, hadwo’ zvaisisira maningi kupinda rusujunuko hwaainga avapa Jehovha kuti vamunamate. Ngo iyo ndava azvitikahamaji kuzwa kuti Jehovha wakanyangajwa maningi naivona. (7. Pauro wakashandisa kudini mbhangiro yake inowanika pana 2 VaKorinto 6:1, zve itusu tingazviitisavo kudini?
7 Pauro wakangwaja maKristu ese kuti atame kuva vandhu vacikabongi ngo rusujunuko watakapuwa ndi Jehovha paakapa Mwana wake Jesu Kristu. (Verenganyi 2 VaKorinto 6:1.) Pauro wainga acizivi kukwana, muranda wo cishaishi no rufu zve izvi zvaimuita kuti atame kujizwa ushoni. Pikija zvakadaro, wakananga kuti: “Ngaakujwe Mwari, ndi Jesu Kristu Tenji wedu!”. Ngenyi wakananga izvi? Pauro wakadurujira maKristu doni kudari: ‘Ngokuti mupango wo mujimu wa Kristu Jesu, unotipa uhomi, wakakusunungura ku mupango wo uxaixi no rufu.’ (VaRoma 7:24, 25; 8:2) Inga Pauro, atidikani kukanganwa kuti Jehovha wakatisujunura mu uranda no rufu. Ngo ndava yazvo tinokwanisa kushandira Jehovha no hana yakacena zve izvo zvinotipekeja mudakaro wakakura maningi.—Nduyo 40:9.
Muri kushandisa rusujunuko hwenyu hwo kujikhetera kuti muite zvinoda Jehovha kana muri kuita zvamunoda? (Vonanyi ndima 8-10)
8, 9. (a) Mupostori Pedru wakapa ngwajo yapi ngo pamusoro po mashandisire atinodikana kuita rusujunuko hwedu? (b) Mundhu angashandisa kudini rusujunuko hwake mu njira yakashata?
8 Itusu atidikani basi kunanga kuti tiri kubonga maningi Jehovha, asi tinodikana kubhasopa kuti titame kushandisa rusujunuko wedu ngo maitiro akashata. Inga muezaniso, mupostori Pedro wakatingwaja kuti 1 Pedru 2:16.) Ngwajo iyo inoticeukija zvakaitika no vaIziraeri mu zvipare. Nyamasi uno, tinodavo ngwajo yondhoyo, kangaije tinotoida maningi kupinda vokare. Sathana no nyika yake kazinji vanopa zviro zvizinji zvinodakajisa, zvokusimira, zvokuha, zvokumwa no kubungaija nazvo. Vatokotesi vo zviro izvi vanoshandisa vandhu vakaseja kuitira kuti tirangarire kuti tinodikana kutenga zviro izvo pikija atitozvidi. Zvingareruka maningi kucengejwa ngo nyika ino kuti tishandise rusujunuko hwedu mu njira yakashata.
atidikani kushandisa rusujunuko kuitira kujiinikira pa kuita zvakashata. (Verenganyi9 Ngwajo ya Pedru inoshandavo maningi mu shwiro huru jo mu upenyu, jakadari inga jijo, mushando kana basa ratinoda kuita pa upenyu hwese. Inga muezaniso, majaha no vasikane nyamasi uno, vanojizwa kuvangirijwa kuti vashande ngo simba kuitira kuti vazotendehwe mu maunivhersidhadhi akanakisisa. Vazinji vanovabvunja kuti, kudari vakava no jijo yo pamusoro-soro, vanozowana mabasa aushoni, vowana mare yakawanda zve vanoreremejwa. Vandhu vondhovo vanovatatija masoko anovakhowesa kuti vaya vakapeja kujija univhersidhadhe vari kuwana mare yakawanda kupinda vaya vakapeja cikora co pamusoro-soro. Jijo yo pamusoro-soro inovoneka inga zano raushoni ku majaha no vasikane pavanosana ciro cinopsasa upenyu hwavo hwese. Asi ivona no vabari vavo vanodikana kuceukijenyi?
10. Zvicinyi zvatinodikana kuceukija patinotema civaringo patinosongana no shwiro jo mundhu ega?
10 Vamweni pavanoda kutema civaringo pa shwiro jo mundhu ega, vanorangarira kuti vano rusujunuko wo kukheta zvavanoda, kudari zvicikakhuvazi hana javo. Kangaije vanorangarira magama a Pauro, okuti: “Ngenyi kusujunuka kwangu kungazosungwa ngo [“hana yo” Shanduro yeNyika Itsva] mundhu umweni?” (1 VaKorinto 10:29) Pikija tino rusujunuko wo kukheta zvatinoda kuita ngo pamusoro po jijo yatinoda kuva nayo zve basa ratinoda kuita, tinodikana kuceukija kuti rusujunuko hwedu uno paunogumira zve zvisungo zvedu zvinova no muviyo. Izvo ndizvona zvakaita kuti Pauro anange kudari: “Bzese bzinotendehwa. Kaveta asipi bzese bzinodikana. Bzese bzinotendehwa. Kaveta asi bzese bzinovaka.” (1 VaKorinto 10:23) Ngokudaro, pikija tino rusujunuko hwo kutema zvivaringo pa shwiro jo mundhu ega, zviro zvatinoda andizvopi zvinosisira maningi.
TINOSHANDISA RUSUJUNUKO HWEDU NGO UNGWARU PATINOSHANDIRA JEHOVHA
11. Ngorapi thangwe rakaita kuti Jehovha atisujunure?
11 Pedru paakatingwaja kuti titame kushandisa rusujunuko hwedu mu njira yakashata, iyena wakananga kuti njira yakanakisisa yo kuushandisa ngo yo kuva “varanda va Mwari.” Thangwe rakaitisa kuti Jehovha ashandise Jesu kuti atisujunure pa uranda wo ushaishi no rufu, ngo rinotiita kuti tishandise upenyu hwedu hwese pa kumubatira.
Njira yakanakisisa yo kushandisa rusujunuko wedu i kushandisa nguva no simba redu kuti tishandire Jehovha zvakakwana
12. Ngo wapi muezaniso wakatigajira Nowa no mbhuri yake?
12 Njira yakanakisisa yo kushandisa rusujunuko hwedu i kushandisa nguva yedu no simba kuti tinase kushandira Jehovha. Kuita izvi kunozotijivirira pa kuita kuti zvido zvo nyika ino no zvido zvo mundhu ega zvigume pa kuva zvinosisira maningi mu VaGalàsia 5:16) Rangariranyi zvakaita Nowa no mbhuri yake. Ivona vairarama mu nyika yainga no uphanga zve no uhure. Asi avacaibatikana mu zvido no mabasa aiithwa ngo vandhu vaivatendeneja. Vakaramba vakabatikana vaciita basa ro vakabvunjwa ndi Jehovha kuti vaite. Vakavaka arka, vakaunganija zvokuha kuitira ivona no zvinyama zve vakangwanja vandhu ngo pamusoro po Ndambi. “Noa wakaita kudaro; wakaita bzese bzaakabvunjwa ndi Mwari.” (Genesi 6:22) Inga muviyo, Nowa no mbhuri yake vakapona pakupera ko nyika iya.—Vaheberi 11:7.
upenyu hwedu. (13. Jehovha wakatibvunja kuti tiitenyi?
13 Jehovha wakatibvunja kuti tiitenyi nyamasi uno? Inga vajiji va Jesu, tinozviziva kuti Mwari wakatibvunja kuti ticumaere. (Verenganyi Luka 4:18, 19.) Nyamasi uno, Sathana ari kupofomaja vandhu vazinji, ngo iyo ndava, ivona avazwisisi kuti i varanda vo zviara zvo kunyepa, zviro zvo kunyama no zvomatongehwe o nyika. (2 VaKorinto 4:4) Inga ndi Jesu, tino cidakajiso co kubesera vamweni kuti vagume pa kuziva no kunamata Jehovha, Mwari wo rusujunuko. (Mateu 28:19, 20) Kucumaera vamweni azvizivi kureruka. Ku ndau jimweni, vandhu avadakariri kuziva Mwari zve vamweni vanonyangajwa patinovacumaerera. Asi, kubvira potakabvunjwa ndi Jehvoha kuti ticumaere, tinodikana kuzvibvunjisa kudari: ‘Ndingashandisa rusujunuko hwangu kuti ndiite zvizinji mu basa ra Jehovha here?’
14, 15. Zvicinyi zvakasunga kuita vashandiri vazinji va Jehovha? (Vonanyi pikica yo kutanga.)
14 Zvinovangisa ngo zvokuti vashandiri vazinji va Jehovha, vari kuzviziva kuti kupera ko mugariro uno wo zviro kuri phedo kamare zve vakasunga kurerusa upenyu hwavo votanga basa ro upiyona. (1 VaKorinto 9:19, 23) Mapiyona amweni anoshanda kwaanogararo kamare, amweni anocinja kwenda ku ungano jinoda besero. Mu makore mashanu apera, hama jinokwana kuita 250.000 jakatanga basa ro upiyona zve wari kuno mapiyona o nguva jese anodarika 1.100.000. Kudakajisa kwazvo kuvona kuti vandhu vazinji vari kushandisa rusujunuko hwavo kuitira kushandira Jehovha mu njira iyi!—Nduyo 110:3, Shanduro yeNyika Itsva.
15 Zvicinyi zviri kuvabesera kuti vashandise rusujunuko hwavo ngo ungwaru? Vonanyi muesaniso wa John na Judith, avo vakashanda mu nyika jakasiana-siana mu 30 o makore akapera. Ivona vakasanangura kuti Cikora co Basa ro Upiyona pocakatanga mu gore ro 1977, vajiji vakavangiswa kuti vacinje zve vashandire kunodiwa maningi vashandi. Kuti vave no zvido, John na Judith vaidikana kurerusa upenyu hwavo. Ngo kudaro, John wakacinja basa rake. Pakupejisira, vakazoenda kucumaera ku nyika imweni. Zvicinyi zvakavabesera kuti vanyise zvineso zvakadari inga kujijira ndumi imbza, mugariro mupsa no kujiroveja kuitira mugariro wo munyikemo? Vakaita mukumbiro kuna Jehovha zve vakamuthemba
kuti waizovabesera. Vakazwa kudini ngo kushandira Jehovha mu njira iyi pa makore ese aya? John wakati: “Ndakajizwa inga kuti nditorimukati mo basa rinosisira maningi randinoziva kana rondakaita. Jehovha wakaguma pa kuva wokadi kamare kwandiri, inga zvaizova baba vano rudo. Wari ndonasa kuzwisisa revo yo masoko anowanika pana Jakabo 4:8 okuti: ‘Khwederanyi kuna Mwari, Yena anozomukhwedereravo.’ Ndaizviziva kuti ndainga ndawana zvondaipsaka, cidisiso cinodakajisa upenyu.”16. Hama no hambzaji zinji jiri kushandisa kudini rusujunuko hwajo ngo ungwaru?
16 Vamweni vakadari inga John na Judith, vangashanda inga piyona ko nguva yakareba. Ngo ndava yo mugariro wavo, vamweni vangaita upiyona ko nguva shomani. Kuveni vazinji vari kushanda inga vazvipiri mu mabasa o kuvaka kutenderera pasi pese. Inga muezaniso, hama no hambzaji jinokwana 27.000 vakaviya kuzobesera kuvakwa ko cine ro pasi pese ku Warwick, Novha Yorki. Vamweni vaiviya kooshanda sumana mbiri, vamweni mu mweji mushomani, vamweni gore kana kutopindirija. Uzinji hwo hama no hambzaji iji vakasiya zvizinji kuti vashande ku Warwick. Ivona i muezaniso unoshamaisa wo vandhu vanoshandisa rusujunuko hwavo kuitira kusimba no kukuja Jehovha, Mwari wo rusujunuko!
17. Kudari tikashandisa rusujunuko ngo ungwaru tinozowanenyi?
17 Tinobonga maningi ngo kuguma pa kuziva Jehovha no kuva no rusujunuko unoviiswa ngo kumunamata. Ngativonese ngo zvivaringo zvedu kuti rusujunuko uhu hunosisira maningi. Kusiyapo kuushandisa ngo njira yakashata, ngatiushandise pa kubatira Jehovha mbhera panoperera simba redu. Pasure pazvo tinozobusa makomborero akagondesaya Jehovha kuitira nguva yo kuti ciporofita ici cinozova cokadi: “Bzinozosununguhwa ku uxoko no ku uvori, kuti bzinghwine mu rusujunuko no mu goja ro vana va Mwari.”—VaRoma 8:21.