Majaha no Vasikane Muri Kudadamira Zvido zvo Kumujimu Here?
“Dirai mu nyara ja Tenji Mwari mabasa ako ese: bzounorangarira bzinozobuda uxoni.”—MAZWI AKANGWARA 16:3.
1-3. (a) Majaha no vasikane vari kusotana no mugariro wapi zve tingauezanisa nenyi? (Vonanyi pikica yo kutanga.) (b) Zvicinyi zvinozobesera majaha no vasikane vo ciKristu pa mugariro uu?
RANGARIRANYI kuti maronga kuenda kovona ciitiko cinosisira maningi ku nyika yo ndhambo. Kuti muite hwendo uu, munodikana kwenda kopakira mashibhomba. Pamunoguma pa parajhi, pakutanga munobararika hwiru ngo kuti munowanepo vandhu vakawanda maningi no mashibhomba jakawanda maningi. Asi zvinodakajisa ngo zvokuti munokuziva kwamuri kwenda no mashibhomba wamuri kuda kupakira. Amucaizopakira mashibhomba uri wese hao, ngo kuti munozviziva kuti waizomuendesa kwamucikadi.
2 Upenyu unoezaniswa no hwendo, zve imwimwi majaha no vasikane makadari inga vandhu vari pa parajhi. Nguva jimweni zvakawanda zvamunodikana kukheta no makwanja amunodikana kuteverera aizomuita kuti mubararike hwiru. Asi kudari mukakuziva kwamunoda kwenda, zvinova zvakareruka kwamuri kusana zvakanaka. Waro, ngo kwapi kwamaizoenda?
3 Musoro uu unozodavira mubvunjo uu zve unozomuvangisa Mazwi Akangwara 16:3.
kuti mushandise upenyu hwenyu kuitira kudakajisa Jehovha. Izvi zvinoreva kutevera ngwajo ya Jehovha pa kutema zvivaringo zvedu, zvakadari inga mukhaindinyi wo jijo kana basa ramunozoda kana munozocadha mobara vana here kana kuti haiwa. Izvi zvinoreva kushanda ngo simba kuti mukwanirise zvido zvo kumujimu, zvido izvi zvinozomubesera kuti muve phedo na Jehovha. Kudari mukabatikana pa kushandira Jehovha, mungava no cokwadi cokuti iyena anozomukomborera no kumubesera kuti mubudirire.—VerenganyiNGENYI MUNODIKANA KUGAJA ZVIDO ZVO KUMUJIMU?
4. Zvicinyi zvatiri kuda kupopora pa musoro uno?
4 Zvakanaka kugaja zvido zvo kumujimu. Ngenyi? Ngatipoporenyi mathangwe matatu. Thangwe rokutanga no rocipiri rinozomubesera kuvona kuti kudadamira zvido zvo kumujimu, kunozomuita kuti muve shamwari yo phedo ya Jehovha. Thangwe ro citatu rinozotatija kuti ngenyi zvaushoni kudadamira zvido izvi muciri vadoko.
5. Ngorapi thangwe rinosisira maningi rinotiita kuti tigaje zvido zvo kumujimu?
5 Thangwe rinosisira maningi rinotiita kuti tigaje zvido zvo kumujimu ngo ro kubonga Jehovha ngo rudo hwake zve ngo zvese zvaanotiitira. Mutari umwe wo Nduyo wakati: “Kwakanaka kubonga Tenji Mwari . . . Ngokuti makandidakajisa ngo bziito bzenyu, Tenji Mwari, ndinotamba ngo mabasa o nyara jenyu.” (Nduyo 92:1, 4) Rangariranyi ngo zvese zvamunopuwa ndi Jehovha, zvakadari inga: upenyu hwenyu, gonda renyu, Bhaibheri, ungano, no vetero yo kuzopona no kucingaperi mu paradhiso. Pamunogaja zvido zvo kumujimu, munonga mecibongesera Jehovha ngo zviro zvese izvi zve zvinozomuita kuti mukhwedere phedo naye.
6. (a) Zvido zvenyu zvo kumujimu zvingapsasisa kudini ushamwari hwenyu na Jehovha? (b) Ngo zvapi zvido zvimweni zvamungagaja pamunonga muciri vadoko?
6 Thangwe rocipiri kuti mugaje zvido zvo kumujimu, ngo zvo kuti pamunoshanda kuti muzvikwanirise, munonga meciita basa raushoni kuna Jehovha. Izvi zvinozomukhwedeja phedo naye. Mupostori Pauro wakagondisa kuti: “Mwari asipi acina ururami, kuti akanganwe mabasa enyu no unyaxa hwo makatatija ngo zina rake.” (Vaheberi 6:10) Imwimwi amuripi vadoko maningi kuti mugaje zvido. Inga muezaniso, Christine wainga no 10 ro makore, paakagaja cido co kuverenga nguva jese ndhorovondho jo upenyu jo Zvapupu zvakagondeka. Toby wainga no 12 ro makore, paakagaja cido co kuverenga Bhaibheri rese acito abhabhatijwa. Maxim wainga no 11 ro makore zve hambzaji yake Noemi wainga no 10 povakabhabhatijwa. Vovaviri vakagaja cido co kushandira ku Bheteri. Kuti varambe vecirangarira zvido izvi, vakanama petisau yo Bheteri pa biravira ro nyumba yavo. Imwimwi keni? Mungarangarira ngo zvido zviri zvese zvo mungagaja zve motanga kushanda kuti muzvikwanirise here?—Verenganyi VaFilipi 1:10, 11.
Kudari mukazviziva zvido zvenyu zvinozomurerukira kuita zvisungo ngo ungwaru
7, 8. (a) Kugaja zvido zvinozomubesera kudini kuti mutame kunesehwa kutema civaringo? (b) Ngenyi muaruki umweni wakasana kutama kuenda ku univhersidhadhi?
7 Ngorapi thangwe ro citatu rinovonesa kusisira ko kugaja zvido pamunonga muciri mudoko? Pamunonga muciri mujaha kana musikane, muno zvisungo zvizinji zvamunodikana kuita. Munodikana kusana jijo kana basa ramunoda kuita, pomwe no zvimweni zvakawanda. Zvivaringo izvi zvakadari inga mbhararano jamunowana pamunonga meciita Mazwi Akangwara 21:5 inoti: “Murangariro yo mundhu ano hwiru, inozisa upfumi.” Mukatanga kuita urongwa uri wese ngo kugaja zvido zvaushoni, ngo kukasika munozobudirira. Izvi ndizvona zvakaitika na Damaris paaida kuita cisungo cinosisira inga muaruki.
hwendo. Kudari mecikuziva kwamuri kwenda, amuzonesehwi kubata gwanja ramuri kuda. Ndizvona zvondhozvo no upenyu hwenyu. Kudari mukazviziva zvido zvenyu, zvinozomurerukira kuita zvisungo ngo ungwaru.8 Damaris waibudirira ushoni paaijija ku cikora co pamusoro-soro zve waizotoenda ku univhersidhadhi koojija ngo zvo mutemo acikapagari ciri cese. Kusiapo izvo, iyena wakasana kooshanda ku bhanko. Ngenyi? Ngokuti paainga ari musikane, wakaita cisungo co kuzova piyona. Iyena wakati: “Izvi zvinoreva kushanda nguva shomani. Kudari ndakaenda koojija ku univhersidhadhi, ndaizowana mare yakawanda, asi azvicaizokwanisika kuwana basa ro kushanda nguva shomani.” Damaris waapiyona ko 20 makore. Kureva kuti iyena anojizwa ushoni ngo kugaja kwake zvido zvaushoni paainga muaruki here? Hina. Ku bhanko kwaanoshandari, anosongana no vapangiri vo mutemo vazinji vanoita basa raaizoita kudari naakaenda ku univhersidhadhi. Iyena wakananga kuti vazinji vavo avaripi kudakara ngo basa ravo. Damaris wakanangazve kuti, makore ese aya aarikushandari inga piyona ari kumupa mudakaro mukuru zve ari kumubesera kuti atame kuperehwa ngo mudakaro inga ndivona.
9. Ngenyi tinodada ngo majaha no vasikane vedu?
9 Kutenderera nyika yese zviuru zvo majaha no vasikane vedu vari kuita ushoni zve munofanera kusimbhwa. Ushamwari hwavo na Jehovha pomwe no zvido zvavo zvo kumujimu zviri pakutanga mu upenyu hwavo. Zvokadi kamare, majaha no vasikane ava, vari kubusa upenyu zve pa nguva imweyo vari kujija kuteveja ndhungamiro ja Jehovha pa zviro zvese, inga pa jijo, basa pomwe no upenyu wo mbhuri. Soromona wakati: “Gondai Tenji Mwari ngo mwoyo wako wese.” Woengejera eciti: “Rangarirai Tenji Mwari mu makwanja ako ese; yena anozorungamisa njira jako jese.” (Mazwi Akangwara 3:5, 6) Majaha no vasikane, Jehovha anomuda maningi! Imwimwi munosisira maningi kuna Jehovha zve iyena anozomungwarira, kutungamirira no kumukomborera.
NASIRIRANYI USHONI KUTI MUBVUNJE VAMWENI NGO PAMUSORO PA JEHOVHA
10. (a) Ngenyi basa ro kucumaera rinodikana kuva ciro cinosisira maningi kwatiri? (b) Mungava kudini waushoni pakudurujira zvitendwa zvenyu?
10 Kudari mukabatikana pa kudakajisa Jehovha, munozobvunja vamweni ngo pamusoro pake. Jesu Kristu wakananga kuti: “Pakutungamira bzinodika kuti vangeri ritokoteswe.” (Marco 13:10) Ngo kudaro, basa rokucumaera ngo ro kukasika zve rinodikana kuva ciro cinosisira maningi kwatiri. Muri kugaja cido co kuengejera kucumaera kwenyu here? Mungava piyona here? Zvakadini kudari mucikadakariri maningi kucumaera? Zve mungava kudini waushoni pa kudurujira zvitendwa zvenyu? Pana zviro zviviri zvinozomubesera: Kunasirira ushoni no kutama kuremba kubvunja vamweni zvamunoziva ngo pamusoro pa Jehovha. Muzokahamara ngo muviyo jomunozowana zve no mudakaro wo kucumaera.
Munonasiririsa kudini kuti mubvunje vamweni ngo pamusoro pa Jehovha? (Vonanyi ndima 11, 12)
11, 12. (a) Mungaitenyi kuti munasirire kuitira kubhuya no vamweni ngo pamusoro pa Jehovha? (b) Imwe hama iri mujaha yakashandisa kudini mukana wayo kuti ibhuye ngo pamusoro pa Jehovha ku cikora?
11 Tanganyi ngo kunasirira mupinguro jo mubvunjo jimweni jingabvunjiswa ngo vandhu vamunojija navo, inga muezaniso, “Ngenyi munotenda kuti Mwari ariyo?” Kuno musoro muzinji jinowanika mu site yedu jw.org jingamubesera kupingura mubvunjo wondhowo. Mukasota pasi po musoro unoti ZVINODZIDZISWA NEBHAIBHERI > VARI KUYARUKA, munozowana maphepha ezvandakaronga kuita no musoro unoti “Sei Ndichiti Mwari Ariko?” Tevereranyi mazano o pa maphepha awo kuti munasirire mupinguro jenyu. Munozowana mavhesi matatu o Bhaibheri omungashandisa: Vaheberi 3:4, VaRoma 1:20 na Nduyo 139:14. Arimozve maphepha amweni amungashandisa kuti munasirire mupinguro jo mubvunjo jakawanda.—Verenganyi 1 Pedru 3:15.
12 Bvunjanyi vadoni venyu vo kucikora kuti vabhashari vega zviro mu site yedu jw.org. Izvi ndizvona zvaakaita Luka. Mu sara mwake maibhuiwa ngo pamusoro po zviara zvakasiana-siana. Luka wakavona kuti zviro zvaibhuiwa ngo pamusoro po Zvapupu zva Jehovha azvicaengepi izvona. Pikija Luka waineseka, iyena wakakumbira pirisori wake kuti amupe mukana wo kuvonesa kuno vajiji doni vake kuti zvavainangaya ngo pamusoro po Zvapupu zvainga zviciripi izvona. Pirisori wakamutendera kuti asanangure zvitendhwa zvake zve wakakwanisa kutatija saiti yedu kuno vajiji doni vake vese. Perepo, pirisori wakabvunja vese kuti vaende koovona vhidhio inoti: Zvaungaita Kuti Vamwe Vasakudherera Asi Usingavarovi, inga basa ro ku muzi. Mungarangarira mudakaro wakava na Luka ngo kubhuya ngo pamusoro pa Jehovha ku cikora here?
13. Ngenyi atidikani kuremba patinosongana no zvineso?
13 Pamunosongana no zvineso, mucadoremba asi endereranyi mberi mecidadamira zvido zvenyu. (2 Timoti 4:2) Izvi ndizvona zvakaita Katharina. Iyena wainga no 17 o makore paakagaja cido co kucumaera vadoni vake vo kubasa. Umwe wavo waimutuka mukuvo wese. Asi Katharina, aazivi kukanganwa cido cake. Mufambiro wake waushoni, wakakahamaja umwe wo vaishanda naye, waidanwa Hans. Iyena wakatanga kuverenga mabhuku edu, wojija Bhaibheri zve wobhabhatijwa. Katharina aazivi kuzviziva zvondhozvo ngo kuti wakazothutha. Asi wakashamaisika nopapera makore anokwana kuita 13, paakaenda kumusongano no mbhuri yake, muiti wo hurukuro ya vese wainga Hans! Katharina wakadakara maningi ngo kuti aazivi kuremba pa kucumaera vadoni vake vo kubasa.
MUCAKANGANWA ZVIDO ZVOMAGAJA
14, 15. (a) Zvicinyi zvamunodikana kurangarijisisa vamweni pavanomuvangirija kuti muite zvavarikuita? (b) Zvicinyi zvamungaita kuti murambe makavanga pamunovangirijwa kuita zvakashata?
14 Kubvira pakutanga, musoro uu uri kumuvangisa kuti muite cisungo co kusotesesa upenyu hwenyu pa kukuja Jehovha zve no kugaja zvido zvo kumujimu. Asi vocidoko vazinji vo mupira jenyu vanoda kubungaija basi. Vangamukoka kwenda kooita zvavanoita. Wari kana pa kufamba ko nguva, munozodikana kusia kuti vamweni vavone kuti zvinosisira maningi komuri kukwanirisa zvido zvenyu. Mucadosia kuti vandhu vamweni vamuite kuti mukanganwe zvido zvenyu. Kudari muri pa parajhi panangwaya pakutanga ko musoro uno, kureva kuti maizopakira mashibhomba uri wese hao, basi ngo kuti uno vandhu vari kudakara here? Haiwa amucaizozviita!
15 Zvicinyi zvamungaita kuti murambe makavanga apo vamweni pavanomuvangirija kuti muite zvavarikuita? Tizanyi mugariro jingamuita kuti mutame kucungirira pamunovangirijwa. (Mazwi Akangwara 22:3) Rangariranyi ngo muviyo jinohwaja jingavepo ngo kuita zviro zvakashata. (VaGalàsia 6:7) Mundhu anojidodokesa anotendera mbhangiro yakanaka. Purutananyi zvinonanga vabari venyu pamwepo no hama no hambzaji jino muezaniso wakanaka mu ungano.—Verenganyi 1 Pedru 5:5, 6.
16. Zvakaitika na Christoph zvinotitatijisa kudini kuti kujidodokesa kunobesera maningi?
16 Kuzvidodokesa kwakabesera Christoph kuti adavire mbhangiro yaushoni. Pakupera kubhabhatijwa, wakatanga kwenda kotrenari mukuvo wese. Kondhoyo, majaha amweni akamukoka kuti anghwine pacikwata cavo co zvo kutrenari. Iyena wakabvunja mukuru umweni ngo pamusoro pazvo zve mukuru wiya wakamubvunja kuti arangarijisise ngo ndava yo ngozi jimweni jaizoviiswa ndizvona, jakadari inga yokuzoguma pa kuda maningi kuphikizana. Christoph wakatema civaringo co kuramba ecindoenda basi ku cikwata ciya. Asi pa kufamba ko nguva, wakatanga kuvona kuti mutambo waivonesa zvouphanga zve waitonga ngozi. Wakaendazve kobhuya no vakuru, zve ivona vakamupekeja mbhangiro inobva mu Bhaibheri. Christoph wakati: “Jehovha wakanditumira vapangiri vaushoni zve ndakamuzwira, pikija zvakatora cimukuvo.” Kujijidokesa kwenyu kunomuita kuti mutendere mbhangiro here?
17, 18. (a) Zvicinyi zvinoda Jehovha ku majaha no vasikane nyamasi uno? (b) Mungaitenyi kuti mukakurepo mutame kuzozvivaza ngo zvo makagaja pamainga muri mujaha kana musikane? Ipanyi muezaniso.
17 Bhaibheri rinoti: “Dakarai, jaha, ngo Mucumaeri 11:9) Jehovha anoda kuti mudakare pa ujaha wenyu. Pa musoro uno, imwimwi majija kuti njira imwe yo kuva makadakara ngo yo kuramba muno zvido zvo kumujimu no kuteverera ndhungamiriro ja Jehovha pa mazano ese amunoita. Mucadononoka kuita izvi mu upenyu hwenyu, ngo kudaro munozokasika kuvona matungamirire, mangwaririre no makomborere anozomuita Jehovha. Rangariranyi mbhangiro yese yaanomupa Jehovha kubvira mu Soko rake, zve shandisanyi mbhangiro yo kuti: “Cerecejai Marure wako mu mazuva o ujaha hwako.”—Mucumaeri 12:1.
ujaha hwako, tambai mu njiku jo urumbhwane hwako.” (18 Majaha no vasikane vanokura ngo kasika zve vova vakuruwane. Zvinosuruvarisa kuziva kuti uzinji hwavo pa kufamba ko nguva vanozozvivaza ngo kuti vakagaja zvido zvakashata kana kuti avazivi kuva no cido ciri cese co kumujimu pavainga vari majaha kana vasikane. Asi, kudari imwimwi mukadadamira zvido zvenyu zvo kumujimu, munozodakara mukakurepo. Aya ndiwona akava mazwiro a Mirjana. Paainga cimusikane, iyena waibudirira ushoni pa mutambo jo muphikizano. Iyena wakatokokwa kuti aite divi pa muphikizano mukuru waizwi Jogos Olímpicos de Inverno. Pa ndau yo kwenda ku mutambo uwu, iyena wakakheta kushandira Jehovha mu nguva yakazara. Papera 30 o makore, iyena aciri kushanda mu nguva yazara no mwamuna wake. Iyena wakananga kuti vayana vanoda kuwana nduma, rukujo, simba no kukhupuka, narini avazowani mudakaro wokadi-kadi. Wakanangazve kuti cido cakanaka ngo co kushandira Mwari no kubesera vandhu kuti vamuzive.
19. Ngenyi zvinosisira maningi kubatikana ngo zvido zvo kumujimu pamunonga muciri majaha kana vasikane?
19 Imwimwi majaha no vasikane, munofanera kusimbhwa kamare ngo kuti pikija no zvineso zvamunosotana nazvo, muri kuramba makabatikana pa kushandira Jehovha pa upenyu wenyu. Makagaja zvido zvo kumujimu, zve munovona basa ro kucumaera inga ciro cinosisira maningi mu upenyu hwenyu. Cimwenizve, amuzivi kutendera kuti nyika imuite kuti mukanganwe zvido zvenyu. Ivanyi no gwinyiso ro kuti kushanda kwenyu ngo simba asipi kwa biresi. Imwimwi muno hama no hambzaji jinomuda no kumubesera. Ngo kudaro, ‘diranyi mu nyara ja Tenji Mwari mabasa enyu ese: bzomunorangarira bzinozobuda uxoni.’