Mubvunjo jo Bhaibheri Jakapinguhwa
Tingaziva cokwadi ngo pamusoro pa Mwari here?
Ngenyi Mwari anoda kuti tizive cokwadi? Verenganyi Johani 17:3
Mwari wakambobhuya no vandhu. Iyena wakashandisa mujimu mucena kana kuti simba rinoshanda, kuti adire murangariro jake mu musoro mo vatari vo Bhaibheri. (2 Pedru 1:20, 21) Tingaguma pa kuziva cokwadi ngo pamusoro pa Mwari ngo kuverenga Bhaibheri.—Verenganyi Johani 17:17; 2 Timoti 3:16.
Mu Bhaibheri, Mwari wakasanangura zvizinji ngo pamusoro pake. Iyena wakazivisa kuti ngenyi wakasika vandhu, acazoitenyi kovari, zve anoda kuti tiraramise kudini. (Maitiro o Vapostori 17:24-27) Jehovha Mwari anoda kuti tizive cokwadi ngo pamusoro pake.—Verenganyi 1 Timoti 2:3, 4.
Ngenyi Mwari anoashira ushoni vaya vanoda cokwadi?
Jehovha ndi Mwari wo cokwadi, zve iyena wakatuma Mwana wake, Jesu, kuti aviye kojijisa cokwadi. Ngo kudaro, vaya vano rudo no cokwadi vanokwevejehwa kuna Jesu. (Johani 18:37) Mwari anoda kuti vandhu vondhovo vave vanamati vake.—Verenganyi Johani 4:23, 24.
Sathana Dhiabho wakapausa vandhu vazinji kubva kuna Mwari ngo kutokotesa jijiso jo kunyepa ngo pamusoro pa Mwari. (2 VaKorinto 4:3, 4, Baiberi Mazwi Akacena aMwari) Vandhu vacikadi zvakanaka vanokwevejehwa ngo jijiso ijowaro jo kunyepa. Asi zviuru zvo vandhu vakanaka mwoyo vari kuziva cokwadi ngo pamusoro pa Mwari ngo kujija Bhaibheri.—Verenganyi Maitiro o Vapostori 17:11.
Zvimweni Zvamungadakarira nga Izvi:
NGO PAMUSORO PEDU
Ngenyi Kujija Bhaibheri
Bhaibheri rinopa mupinguro jo muvhunjo jinonesa maningi mu upenyu kuna zviuru no zviuru zvo vandhu kutenderera nyika yese. Maidakarira kuva umwe wavo?
