Hina, Mwari anobesa vandhu vanokumbira zvinozvirana no zvaanoda. Kudari mucito mamboita mukumbiro, kangaije mungava no cido co kuzviita, pa munoverenga Bhaibheri munowana muezananiso jo vandhu vaiita mukumbiro veciti: “Mwari ndiponesenyi,” vecikumbira besero ra Mwari. Inga muezaniso:

•   “Ndibesenyi, Tenji Mwari wangu, ndiponesenyi, ngokuteveja rudo hwenyu!”—Nduyo 109:26.

•   “Asi inini ndiri murombo no mutami, Mwari, kasikanyi kuvia.”—Nduyo 70:5, Douay Version.

 Apana kukanakana kuti vakatara magama aya vainga no rutendo na Mwari. Asi Mwari anozwa mukumbiro jese jinoizwa nga vaya vanozvidodokesa, inga vano “Mwoyo yakakhuvazwa” kana kuti “anoponesa vese vakapera simba.”—Nduyo 34:19.

 Amudikani kuthya mecirangarira kuti Mwari ari ndhambo kuti ataje matambujiko enyu. Bhaibheri rinoti: “Tenji Mwari mukuru-kuru yena anovona mundhu wakapfava anoziva ngo ndhambo vanotheka.” (Nduyo 138:6) Imwe njiku Jesu wakati kuno vajiji vake: ‘Kwamuri, vhuji rese ro musoro menyu rakaverengwa.’ (Mateu 10:30) Mwari anoziva zvizinji ngo pamusoro penyu zvo kuti imwimwi mwega amuzvizivi. Kudari eciziva zvese izvi, kureva kuti waizosiya kuzwa mukumbiro jenyu kuti muhwisane no kuthimwa-thimwa here?—1 Pedhru 5:7.