Wen’s duu an aim denke däist wat unruig is a, kan sin denkst duu an aim wat går nischt måkt krijgt weegen dai angst, an aim wat bloos slåpe wil urer wat bloos fortele wil oiwer dai daile wat dem kopbreeken giwt.

 Dat kan wirklig passijre mit wek wat unruig sin. Wek uutgelërte häwe ruuterfuune dat aners wat passijre kan mit lüür wat unruig sin, uphaupt mit dai kërls. Andrer uutgelërte häwe sägt dat “mëstümer dai kërls daue taufeel drinke, melicin inneeme urer drogas benutse taum ruig ware. Den, kan sin daue sai taufeel drinke bloos dat sai sër unruig sin un dårweegen häwe sai kain geduld mër un ware wüütend”.

 Dat passijrt ni mit al dai kërls. Åwer gans sicher jërer dag ümer nog mër lüür ware unruig weegen dës “swår tijd taum uuthulen”. (2 Timóteo 3:1) Büst duu unruig? Kan dai Bijbel dij mithelpe?

 Ine Bijbel fijne wij formånen wat oos wirklig mithelpe koine wen wij unruig sin. Sai 3 fon dai.

1.  1. “Wart nij ais unruig weegen dai anerd dag, weegen dai anerd dag hät sijn aigen unruigkët. Is al naug jërer dag sijn aigen slimhët.” (Mateus 6:34)

    Wat lërt oos dat in? Is gaud oos ni taudul kopbreeken måke mit daile wat passijre koine urer ni. Kan sin dat air dail wat oos ängste däit ni ais passijre däit un andrer daile koine sogår mit ais beeter ware.

    Forsuik soo måke: Denk an swåre daile wat’s duu dij sicher wäirst wat passijre däire, åwer nij ais passijrt sin. Den, denk an dai daile wat dij kopbreeken geewe un of dës daile wirklig swår problems ware koine urer ni.

2.  2. “Soo’s dat ijser anerd ijser scharpt, soo scharpt uk air mësch dem ande sij gesicht.” (Provérbios 27:17)

    Wat lërt oos dat in? Wen’s duu unruig büst, andrer koine dij mithelpe - wen’s duu dat låte däist. Weegen dai daile wat sai al beleewt häwe, koine sai dij gaure formånen geewe urer dij helpe dai daile up anerd årt saie.

    Forsuik soo måke: Denk an aine mësche wat dij gaure formånen geewe kan. Kan sin air woo’s duu dij anhule däist wat al beleewt hät wat’s duu nuu doirsete däist. Fråg em wat em mithulpe hät dat oiwerståe.

3.  3. ‘Smijt oiwer em al juuch kopbreeken, weegen hai passt juuch up.’ (1 Pedro 5:7)

    Wat lërt oos dat in? God bekümert sich oiwer dai wat nood doirsete. Hai wil dat’s duu tau em beere däist oiwer ales wat dij kopbreeken giwt.

    Forsuik soo måke: Srijw up dai daile wat dij kopbreeken geewe. Den, dau tau God beere, dau genau uutdüüre jërer dail wat dij kopbreeken giwt un forlang dat hai dij mithelpe däit.

 Dai Bijbel giwt oos formånen wat oos helpe dai unruigkët oiwerståe un sägt dat in dai tijd foiruut går nischt däit oos kopbreeken geewe. Wosoo däit dat passijre?

 God sij Regirung däit almåke ales wat oos unruig löt. (Apocalipse 21:4) Wen God sij Regirung up dai ganse Ër regijre däit, daue wij sogår dai daile forgeete wat oos hüüt unruig låte un kopbreeken geewe. (Isaías 65:17)

 “Dai God wat freere giwt” wil dat’s duu soo leewe däist. (Romanos 16:20) Hai sägt: “Ik wait sër gaud wat ik ine gedanke tau juuch häw, . . . Ik wil dat jij freere häwe, ni unglük. Ik wil tau juuch geewe ain gaur tijd wat nog kümt un ain hofnung.” (Jeremias 29:11)