Feel daue denke dat dai lüür daue dai Ër uutrote un ales wat leewig is. Dit däit eer kopbreeken geewe. Wek wat dai plante un dai tijre studijre häwe sägt dat soo’s nij ais airste dat wat dai lüür måke däit al sort leewend upe Ër wat schåre. Dårweegen feel sort tijre un plante koine bald ni mër geewe.

 Daue dai lüür wirklig dai Ër uutrote? Daue dai lüür aine dag leewe ån wat schåre dat wat God hijr upe Ër måkt hät, soo as dai plante un dai tijre?

 Feel uutgelërte lüür daue glööwe dat dai lüür koine dai Ër behüüte un ainig sin mit dai plante, tijre un ales wat God måkt hät. Andrer uutgelërte säge dat taum dit passijre is nöörg feel ümstelen måke up dai neemlig tijd. Wat fone ümstelen? Sai wek fon dës:

•   Beeter måke wosoo as dat land, dai wald, dai sump un dai meer benutst ware.

•   Up anerd årt plante un licht häwe.

•   Ümstele wosoo as dat eeten måkt un uutdailt wart taum wënig eeten foråse. Dai lüür taureere taum wënige flaisch un fisch eete, åwer mër gruinweesend eete.

•   Waite dat air gaur leewend häwe kümt ni up an taum ümer mër daile häwe.

 Wat mainst duu? Koine wij anglööwe dat dai regirungs, dai wat hanle daue un andrer lüür koine sich t’hoopstele taum dit måke? Urer däist duu denke dat dai lüür koine dit ni måke weegen sai sin afgünig, häwe groot oogen un denke ni an dat wat passijre kan in dai tijd wat nog kümt? (2 Timóteo 3:1 bet 5)

 Ine Bijbel stäit dat wij bruuke kain angst häwe dat dai Ër uutrot wart. Dai Bijbel sägt woweegen dai lüür krijge ni alaine dai Ër rert un wijst wat mut aners ware. Dai Bijbel däit uk uutdüüre wosoo as dit aners wart.

 Dat wat dai lüür måke is ni naug. Jehovaa a God hät dai Ër måkt un hät dai lüür dat oiwergeewt taum dai uppasse. (Gênesis 1:28 un 2:15) Dat sai dit måkt krëge müste sai Jehovaa sijn belërungs suike un em horge. (Provérbios 20:24) Aners as dit, sai häwe Jehovaa forstöt un wule apart leewe fon God. (Eclesiastes 7:29) Dai lüür krijge ni dai Ër uppasst åne God sijn hülp. Lijkerst dat sai sich anstrenge daue, dår kåme ni feel gaure daile fon ruuter. (Provérbios 21:30 un Jeremias 10:23)

 Dat wat ümstelt ware mut. God däit ni låte dat dai lüür dai Ër uutrote. (Apocalipse 11:18) Dårtau däit hai dai regirungs un dai lüür wat dai Ër foråse ümtuusche. (Apocalipse 21:1) Dårweegen, hai sägt ine Bijbel: “Sai! Ik måk al dai daile nijg.” (Apocalipse 21:5)

 Wosoo wart dit passijre? Jehovaa däit ümtuusche dai regirungs fone lüür up air regirung im himel, God sij Regirung. Jësus is dai Köönig fon dës Regirung. Dës Regirung däit dai gans Ër regijre. (Daniel 2:44 un Mateus 6:10)

 God sij Regirung däit dai lüür helpe leewe nå dat wat God inlërt, wat ümer gerecht is. Wen dai lüür anneeme dat God eer måkt hät un sijn belërungs horge, sai daue den ainig sin mit dat wat God måkt hät. (Isaías 11:9) Dai Bijbel däit wijse wat God sij Regirung måke däit dat dai lüür air gaur leewend häwe koine, ån dai Ër wat schåre. Kijk wat dës Regirung måke däit:

•   Dai däit eeten geewe tau ale. (Salmo 72:16)

•   Dai däit in’t raich bringe dai daile wat dai lüür foråst häwe, soo as der wald, dat wåter un soo wijrer. (Isaías 35:1, 2, 6 un 7)

•   Dai däit måke dat dai lüür gaud dai tijre uppasse un dat dai tijre der lüür nischt schåre. (Isaías 11:6 bet 8 un Oseias 2:18)

•   Dai däit måke dat kair unweerer passijrt. (Marcos 4:37 bet 41)

 Däit ni lang duure dat God sij Regirung dës daile måke däit. Taum waiten woo’s duu dij sicher dåroiwer kast sin, lees der artikel “Quando o Reino de Deus vai governar a Terra?”.