•  Wat daue wij hüüt lëre? 2

•  Daile mit groote wërd wat ine Bijbel ståe 3 bet 5

  •  Bijblischpreeg 3

  •  Daile mit groote wërd wat’s duu ine Bijbel lërt häst 4

  •  Dat leesen 5

•  Dau beeter preege un inlëre 6 bet 14

  •  Taum dai lüür anreere 7

  •  Taum werer mit dai lüür fortele 8

  •  Lër dai lüür in Jësus någåe 9

  •  Düür dijne gloobe uut 10

  •  Bijblischpreeg 11

  •  Wosoo dat måke 12

  •  Up wat fon årt dat måkt wart 13

  •  Buiker un videos benutse 14

•  Dau soo leewe as Jësus 15 un 16

  •  Bijbelstuun ine gemaind 16

•  Wat wij hüüt lërt häwe un wat wij anerd week lëre daue 17

•  Wosoo der mësch formåne un låwe 18

•  Dai tijd 19

•  Wen dai ülst wat dai gemainde besöcht kümt 20

•  Week mit aine urer drai dåg kongress 21

•  Week woo dat Åwendmål måkt wart 22

•  Braurer wat dai forsamlung “Dau leewe un inlëre soo as Jësus” oiwersich hät 23

•  Braurer wat dai forsamlung “Dau leewe un inlëre soo as Jësus” lenkt 24

•  Ülst wat formåne däit 25

•  Wen anerd stel nöörg is 26

•  Videos 27

1. Dai belërungs wat hijr in ståe, daue ale helpe wat foirstelen måke up dai forsamlung “Dau Leewe un Inlëre soo as Jësus”. Jërer ainsig mut dëse belërungs nåsaie un uk dat wat stäit in dai “Bläärer taum dij Lëre Helpe” airer as sijn foirstelen måke. Ale wat upm preegarbëd gåe muite nöögt ware taum leesen, taum foirstelen måke un uk taum bijblischpreege måke. Andrer lüür wat ümer upe forsamlung sin koine dat uk måke, wen sai gloobe häwe an dat wat dai Bijbel inlërt un dårnå leewe. Wen air wat nog ni upm preegarbëd gäit wil uk up dai forsamlung mitmåke, dai braurer wat dai forsamlung “Dau leewe un inlëre soo as Jësus” oiwersich hät, mut wek frågen måke taum saien of dai mësch mökt wat nöörg is taum mitmåken, un dit wart måkt t’hoop mit dem mësch wat dai bijbelstuun hule däit (urer mit dai papa urer mama wat kristen sin). Dai daile wat nöörg sin, sin dai neemlige wat nöörg sin dat air mësch anfänge däit t’hoop mit dai gemaind preege. (Organizados kap 8 par 8)

2. 1 minuut. Jërer week, nå dai airst lijd un gebeed, dai braurer wat dai forsamlung lenkt mut dai lüür nijglig låte oiwer dat wat ine forsamlung fortelt wart. Hai mut uk oiwer dai daile fortele wat gaud sin tau dai gemaind.

 3. Bijblischpreeg: 10 minuute. In dai “Bläärer taum dij Lëre Helpe” stäit dai tem un uk 2 urer 3 oiwerste daile oiwer dës bijblischpreeg. Air ülst urer air hülpsdijner wat dit gaud måken forstäit mut dës bijblischpreeg måke. Wen wij anfänge daue ain nijg bauk fone Bijbel leese, wart uk ain video weese oiwer dit bauk. Dai braurer kan wat uutdüüre oiwer der video, åwer hai mut uk fortele oiwer dat wat in dai “Bläärer taum dij Lëre Helpe” in stäit. Dår sin uk wek bijler wat oos helpe koine dat beeter forståe. Wen hai tijd dårtau hät, mut hai dës bijler benutse. Taum dat beeter uutdüüre, kan hai uk andrer daile upsuike.

 4. Daile mit groote wërd wat’s duu ine Bijbel lërt häst: 10 minuute. Dit stük is bloos mit frågen un antwooren. Dai braurer dört nischt airer un nåheer uutdüüre oiwer dat wat lërt wart. Air ülst urer air hülpsdijner wat dit gaud måken forstäit mut dit stük fone forsamlung måke. Dai braurer mut dai twai frågen måke. Hai kan uutsuike of dai sprüüch leest ware urer ni. Wen dai bruirers un swesters sich mile daue, dat dört ni mër as ain halw minuut duure.

 5. Dat leesen: 4 minuute. Air mësch mut uutsöcht ware taum dës stük fone forsamlung måke. Hai mut bloos leese wat em oiwergeewt woore is, dört nischt airer un nåheer uutdüüre oiwer dat leesen. Dai braurer wat dai forsamlung lenkt mut dai wat leese helpe richtig un genau leese up ain moor woo dai andrer forståe koine. Wek wöör muite t’hoopleest ware un ni jërer woord apart. Öftens mut dat luur urer lijs leest ware, öftens mut dai språk ümstelt ware taum soo låte as dai fröölig, traurig, mit angst urer soo wat is. Öftens mut dat rascher urer langsåmer leest ware. Hai mut uppasse nå dai vírgulas, pünke taum anhulen un pünke wat ain fråg bedüüre un leese soo as hai ümer fortele däit. Wekmåls is mër taum leese un wekmåls wënig, dårweegen dai wat dai forsamlung Dau Leewe un Inlëre soo as Jësus oiwersich hät mut dat nåkijke taum saie of dat swår urer licht is taum leesen un taum saie of dai mësch dat måkt krijgt urer ni.

6. 15 minuute. In dit stük ware dai bruirers un swesters belërt beeter mit dai lüür fortele un beeter preege un inlëre. Wen dat nöörg is, kan dat uk oiwergeewt ware tau air ülst. Jërer ainsig mut studijre un soo måke as dai kapitel fon “Beeter Leese” urer “Lijb dai lüür” wat in dai “Bläärer taum dij Lëre Helpe” stäit. Hen un wen, wart air stük måkt woo dår stäit “Bijblischpreeg woo wek sich mile koine”. Wen dat soo is, air ülst urer hülpsdijner wat dat gaud måke forstäit mut dat måke. (Kijk dai  paragraaf 15, oiwer wosoo dai stüke måke wen dår stäit “Bijblischpreeg woo wek sich mile koine”.)

 7. Taum dai lüür anreere: Bruirers un swesters un dai wat nog ni tauwt woore sin koine dit måke. Wen air kërl dit måke däit, dai wat em helpe däit mut air anerd kërl sin urer ain fruug fon sijn familg, un wen ain fruug dit måke däit, dai wat eer helpe däit mut ain fruug sin urer air kërl fon sijn familg. Sai koine ståen blijwe urer sich hensete. (Taum mër waite wosoo dat måke un up wat fon årt dat måkt ware mut, kijk dai  paragraafs 12 un  13.)

 8. Taum werer mit dai lüür fortele: Bruirers un swesters un dai wat nog ni tauwt woore sin koine dit måke. Wen air kërl dit måke däit, dai wat em helpe däit mut air anerd kërl sin, un wen ain fruug dit måke däit, dai wat eer helpe däit mut ain fruug sin. (Ministério do Reino 05/97 sijr 2) Sai koine ståen blijwe urer sich hensete. Dai mësch mut wijse wat man säge schal wen wij werer mit aim fortele wat mër waite wul oiwer dat wat wij fortelt häwe in dat airst mål. (Taum mër waite wosoo dat måke un up wat fon årt dat måkt ware mut, kijk dai  paragraafs 12 un  13.)

 9. Lër dai lüür in Jësus någåe: Bruirers un swesters un dai wat nog ni tauwt woore sin koine dit måke. Wen air kërl dit måke däit, dai wat em helpe däit mut air anerd kërl sin, un wen ain fruug dit måke däit, dai wat eer helpe däit mut ain fruug sin. (Ministério do Reino 05/97 sijr 2) Sai koine ståen blijwe urer sich hensete. Dit stük mut ain kurs fone Bijbel wijse wat al anfånge is. Mut ni weese ware wosoo dai kurs anfänge un wosoo dai anhule, dat mut bloos måkt ware wen dai mësch genau dit lëre däit. Sai koine luur leese, åwer dat is ni nöörg.

 10. Düür dijne gloobe uut: Wen dit stük ain bijblisch preeg is, wee dat måke mut is air braurer, åwer dai bruukt ni tauwt sin. Un wen air foirstelen is un air kërl dit måke däit, dai wat em helpe däit mut air anerd kërl sin urer ain fruug fon sijn familg, un wen ain fruug dit måke däit, dai wat eer helpe däit mut ain fruug sin urer air kërl fon sijn familg. Dai mësch mut klår un mit schik dai fråg antwoore wat in dai tem stäit. Un dai mut uk benutse dat wat dår stäit taum upsuiken. Dai mësch kan uutsuike of hai säge wil fon woo as dat ruuterhålt woore is.

 11. Bijblischpreeg: Air braurer mut dit stük måke soo as ain preeg tau dai gemaind. Wen hai måke mut soo as stäit in dat “Stük A” fon “Lijb dai lüür”, hai mut wijse wosoo dai spruch urer sprüüch wat dår ståe benutst ware koine upm preegarbëd. Hai kan uutdüüre wonair air spruch benutst ware kan, wat air spruch upsich hät un wosoo air mësch helpe dai spruch forståe. Wen dai preeg måkt ware mut soo’s stäit in ain kapitel fon “Lijb dai lüür”, hai mut wijse wosoo dat upm preegarbëd måke. Hai kan fortele oiwer dat wat stäit in dai numer 1 fon dai kapitel urer wen dat mithelpe däit, hai kan irgends air spruch benutse wat in dai kapitel stäit.

   12. Wosoo dat måke: Dat wat hijr in dës paragraaf stäit un in dai anerd, passe sich t’hoop mit dai stüke “Taum dai lüür anreere” un “Taum werer mit dai lüür fortele”. Wen dår kain anerd uutdüüren stäit, dai mësch mut oiwer air dail fone Bijbel fortele wat ainfach is un wat dai mësch waite wil un den wat säge taum anerd mål wijrer fortele. Dai mësch mut oiwer air dail fortele wat dai mëste lüür in dai gëgend oiwer fortele daue un wat dai lüür gefale däit. Hai kan uutsuike of hai wat anbaire däit urer ain video wijst fon oos “Hülps taum inlëren”. Dai mësch mut lëre gaud mit dai andrer fortele. Dai mut oiwer daile fortele wat dai anerd mësch laiwer fortele wil un up ain årt fortele woo dai anerd sich gaud befijnt un ni uutm kop lëre wat hai fortele mut.

   13. Up wat fon årt dat måkt wart: Dai mësch mut måke soo’s oiwergeewt woore is un up ain årt wat t’hooppasse däit mit dai gëgend. Soo as:

1.  (1) Huus bij huus - Dit hät besägen mit: huus bij huus preege, doir telefon urer doir braifs. Hät uk besägen mit werer mit dai lüür fortele wen man preegt up dës drai moors.

2.  (2) Wen’s duu ni upm preegarbëd büst - Wen dat soo is, dai mësch mut wijse wosoo as wij preege koine solang as wij mit dai lüür oiwer andrer daile fortele daue. Dat kan soo måkt ware soo as wen wij dai daile dag fon dag måke, ine arbëd, ine schaul, woo wij wåne, wen wij rëse daue urer in anerd stel.

3.  (3) Bij dai buikerkar un soo wat - Wen dat soo is, dai mësch kan soo måke as wen mit dai buikerkar preegt, ine ruu, stele woo dai lüür spatsijre daue un up irgends ain anerd stel woo dai lüür sin.

 14. Buiker un videos benutse: Kümt up an wosoo as dai daile sin, air mësch kan uutsuike aine video urer air bauk benutse. Wen dår woo stäit wat dai mësch oiwergeewt woore is sägt taum aine video benutse urer wen dai mësch wil aine video benutse, hai kan fortele åwer der video, åwer dört dai video ni wijse.

15. Nå dai lijd singe, in dai airste 15 minuute ware ain urer twai stük måkt taum dai lüür helpe nå dat leewe wat dai Bijbel sägt. Wen kair belërung dåroiwer kümt, dai ülster un dai hülpsdijners daue dit lenke. Bloos dat stük “Wat bruukt dai gemaind?” mut ümer air ülst måke. In dai bijblischpreege woo wek sich mile koine, dai braurer wat dat oiwersich hät kan nog andrer frågen måke as dai wat dår al ståe. Taum anfänge, hai mut bloos air bits dåroiwer fortele dat hai naug tijd hät taum oiwer dai hauptsach daile fortele un dat dai lüür uk mitmåke koine. Wen dat sin kan, is beeter nå foir hengåe as siten blijwe wen dai mësch nöögt wart taum uutfrågen antwoore.

  16. Bijbelstuun ine gemaind: 30 minuute. Air ülst wat dit gaud måkt krijgt mut dit lenke. (In gemainde woo wënige ülster sin, hülpsdijners wat dit gaud måkt krijge koine dit lenke.) Dai ülster daue uutsuike wee kan dai bijbelstuun ine gemaind lenke. Dai wat uutsöcht ware, muite anhule airer as dai tijd al wart, dai oiwerste sprüüch uutdüüre un ale helpe saie wosoo dat gaud tau eer is. Sai koine gaure formånen fijne in dat wat al uutdüürt woore is oiwer wosoo dai lenke mit frågen un antwooren. (Wat Bekandmökt 04/23 tåfel up dai sijr 24) Wen al lërt woore is dat wat oiwergeewt is, dai braurer bruukt nischt mër tausete taum in 30 minuute måke. Wen dat hengiwt, jërer week mut air anerd braurer sin wat lenkt un leest. Wen dai wat dai forsamlung lenkt sägt dat dai bijbelstuun mut in wëniger tijd måkt ware, dai wat dai bijbelstuun ine gemaind lenkt, mut uutsuike wosoo dit måke. Kan sin däit hai uutsuike wek paragraafs ni leese.

17. 3 minuute. Dai braurer wat dai forsamlung lenkt däit wek daile nåsäge wat upe forsamlung lërt woore sin. Hai mut uk dai lüür nijglig låte taum dai daile wat in dai anerd week lërt ware. Wen hai tijd dårtau hät, kan hai dai nåme säge fon dai wat foirstelen un bijblischpreege måke daue un fon dai wat leest in dai anerd week. Wen kair anerd belërung dåroiwer kümt, dai braurer mut in dit stük wat bekandmåke urer air braif leesen. In dit stük wart nischt sägt oiwer dai gemaind, soo as: wonair wart dai preegarbëd måkt un wee oos stel taum forsamlung rëgen måke däit. Dës daile muite in dai tåfel sin mit daile wat bekandmåkt ware. Wen 3 minuute ni naug sin taum der braif leese un daile bekand måke, dai braurer wat dai forsamlung lenkt däit forlange tau dai wat preege daue in dat stük “Dau soo Leewe as Jësus” dat sai in wëniger tijd måke daue. (Kijk dai  paragraafs 16 un  19) Dai forsamlung wart al mit ain lijd un gebeed.

18. Nå dat jërer braurer urer swester måke däit wat der oiwergeewt woore is, dai braurer wat dai forsamlung lenkt hät 1 minuut taum der låwe un formåne nå dat wat dai mësch lëre müst. Dai braurer dört ni airer säge wat dai mësch lëre däit. Nådem dat måkt woore is dai braurer kan dai mësch låwe. Den, wen hai wil, kan hai säge woo oiwer dai mësch lëre däir un woweegen dai dat gaud måkt kreege hät. Wen dat nöörg is, mit schik kan dai braurer uutdüüre woweegen wöör gaud dat werer lëre un wosoo dat måke. Dai wat dai forsamlung lenkt kan oiwer andrer daile fortele wen hai maine däit dat dat gaud kan sin tau dai mësch un tau dai wat ine forsamlung sin. Wen hai wil, kan hai der mësch oiwer andrer daile formåne nå dai forsamlung urer in anerd stuun. Hai kan “Lijb dai lüür”, “Beeter Leese” urer dat bauk “Beneficie-se” benutse taum der mësch formåne oiwer dat wat tau dai mësch oiwergeewt woore is urer oiwer anerd dail. (Taum mër waite oiwer wat dai braurer wat dës forsamlung lenkt måke mut, un oiwer wat dai ülst wat oiwer sich hät dai andrer ülster urer hülpsdijners formåne måke mut, dau dai  paragraafs 19,  24 un  25 saie.)

19. Jërer stük fon dai forsamlung mut måkt ware in dai tijd wat dårtau uutsöcht woore is. Sogår dai wat dai forsamlung lenkt mut dat soo måke. Nog wen in dai “Bläärer taum dij lëre helpe” stäit in wofeel tijd dat stük måkt ware mut, wen ales al gaud uutdüürt woore is, is ni nöörg nog andrer daile säge bloos taum dai gans tijd forbruuke. Wen air mër tijd forbruuke däit, dai ülst wat dai forsamlung “Dau leewe un inlëre soo as Jësus” oiwersich hät urer dai ülst wat formåne däit mut em hijr oiwer formåne, åwer ni foir dai andrer. (Kijk dai  paragraafs 24 un  25) Dai gans forsamlung, sogår dai lijrer un gebeeds, mut 1 stuun un 45 minuute duure.

20. Wen dës ülst dai gemaind besöcht, dai forsamlung mut måkt ware soo as stäit in dai “Bläärer taum dij Lëre Helpe”. Åwer wek daile ware bits aners måkt. Dai bijbelstuun ine gemaind wart ni måkt, un dai ülst wat dai gemainde besöcht däit ain bijblischpreeg mit 30 minuute måke. Airer as dës bijblischpreeg, dai braurer wat dai forsamlung lenkt däit wek daile säge oiwer dat wat lërt woore is, däit dai lüür nijglig låte taum dai anerd week, däit dai beschaids säge un dai braife leese. Denåste däit hai der ülst raupe taum dai bijblischpreeg måke. Nå em sijn preeg, däit dai ülst wat dai gemaind besöcht ain lijd uutsuike taum dai forsamlung almåke. Hai kan air anerd braurer nööge taum ain gebeed måke. Wen dai ülst wat dai gemainde besöcht kümt, dört kair stük måkt ware in dai gemaind sijn språk, in anerd stuuw. Grups wat up anerd språk sin, koine een forsamlunge häwe lijkerst wen dai ülst dai gemaind besöcht. Åwer sai muite t’hoop mit dai gemaind dai bijblischpreeg hööre wat dai ülst ine week oiwer mökt.

21. In dai week woo ain urer drai dåg kongressen sin, wart kain forsamlung måkt. Mut tau ale ine gemaind sägt ware dat jërer mësch mut alaine urer t’hoop mit dai familg dai daile lëre wat wij in dai forsamlung in der week lëre däire.

22. Wen dat Åwendmål ine week oiwer måkt wart, dai forsamlung “Dau Leewe un Inlëre soo as Jësus” wart ni måkt.

23. Dai ülster muite air ülst uutsuike taum dai forsamlung ine week oiwersich häwe. Hai mut uppasse dat dai forsamlung gaud måkt wart un dat dai belërungs nåmåkt ware. Dës braurer mut ümer t’hoop fortele mit dai ülst wat oiwer sich hät dai andrer ülster urer hülpsdijners formåne. Glijk wen dai “Bläärer taum dij lëre helpe” trecht ware daue, dai braurer wat dai forsamlung “Dau Beeter Preege un Inlëre” oiwersich hät, mut bruirers un swesters uutsuike taum oiwergeewe dai foirstelen un dai bijblischpreege fon dai forsamlunge ine week, taum twai månate foirwärts. Hai hät uk oiwersich uutsuike dai wat dai forsamlung lenkt (fon dai wat dai ülster uutsöcht häwe), un dai wat mitmåke daue in dai stüke “Daile mit groote wërd wat ine Bijbel ståe”, “Dau Beeter Preege un Inlëre” un “Dau soo leewe as Jësus”. (Dau dai  paragraafs 3 bet 16 un  24 kijke) Wen hai air mësch oiwergeewe däit dai stüke “Dat leesen” un “Dau Beeter preege un Inlëre”, hai mut andenke of dai mësch uld naug is, wen dai dat gaud måke forstäit un leewt nå dai daile wat hai oiwer fortelt. Hai mut uk dåran andenke airer as air braurer oiwergeewe dai andrer stüke fon dai forsamlung. Dai bruirers un swesters muite waite wat fon stük sai måke schåle wënsig drai weeke airer. Doir dat blad “Designação para a Reunião Nossa Vida e Ministério Cristão” (S-89), mut dai mësch waiten krijge wat em urer eer oiwergeewt woore is. Dai ülst wat oiwersich hät dai forsamlung “Dau Leewe un Inlëre soo as Jësus” mut ümer nåsaie of dai list mit ale dai wat mitmåke daue ine forsamlung an dai tåfel mit bekandmåken is. Dai ülster koine air ülst urer hülpsdijner uutsuike taum em helpe. Air hülpsdijner kan uutsuike wee “Dat leesen” mökt un wee oiwergeewt wart in dat stük “Dau beeter preege un inlëre” åwer ni dai bijblischpreege woo wek sich mile koine. Bloos air ülst kan dës un andrer stüke oiwergeewe.

24. Jërer week mut air ülst dai forsamlung “Dau Leewe un Inlëre soo as Jësus” lenke. (Wen nöörg is, in gemainde woo wëniger ülster sin, air hülpsdijner wat dit gaud måke forstäit, kan dai forsamlung lenke.) Dës braurer mut trecht måke wat hai säge däit taum dai forsamlung anfänge un almåke. Hai mut dai bruirers un swesters raupe taum jërer stük fon dai forsamlung måke. Wen ni sofeel ülster sin, hai kan andrer stüke fon dai forsamlung måke. Hai bruukt ni feel säge airer as dai andrer raupe. Dai ülster daue uutsuike wat fon ülster koine dës forsamlung lenke. Jërer week, air fon dës lenkt dai forsamlung. Kümt up an woo dai daile ine gemaind sin, dai braurer wat dai forsamlung “Dau Leewe un Inlëre soo as Jësus” oiwersich hät, däit dai forsamlung mër måls lenke as dai andrer ülster. Kan sin dat dai wat dai bijbelstuun ine gemainde hule koine, koine uk dai forsamlung lenke. Åwer daut andenke dat dai braurer wat dai forsamlung lenke däit mut låwe un, wen dat nöörg is, dai mit lijb formåne wat “dat Leesen” mökt un dai wat mitmåke daue in dat stük “Dau Beeter Preege un Inlëre”. Hai mut uk uppasse dat dai forsamlung ine richtig stuun uutgäit. (Dau dai  paragraafs 17 un  19 kijke) Wen dai braurer wil un dai stel groot naug is, kan hai anerd mikrofon benutse taum dai andrer raupe solang as sai sich trechtmåke taum anfänge. Dai wat dai forsamlung lenkt kan dår båwen siten blijwe solang as “Dat leesen” måkt wart un dai foirstelen un dai bijblischpreeg in “Dau Beeter Preege un Inlëre” måkt ware. Soo däit dat rascher gåe.

25. Ümer wen hengiwt, dai braurer wat uutsöcht wart taum dit måke mut air ülst sin wat gaud preege forstäit. Wen dat nöörg is, dës ülst mut formånen geewe, tau dai ülster un dai hülpsdijners oiwer irgends air dail wat eer oiwergeewt is, åwer ni foir dai andrer. Dit hät besägen oiwer dai stüke fon dai forsamlung “Dau Leewe un Inlëre soo as Jësus”, bijblischpreege ine uutgangsweek, dai stuun fon dai “Wat Bekandmökt” un dai “Bijbelstuun ine gemaind”, tau dai wat lenke un tau dai wat leese. (Dau dai  paragraaf 19 kijke) Wen feel ülster ine gemaind sin wat gaud preege un inlëre forståe, den jërer jår kan air for eer dës amt oiwersich häwe. Is ni nöörg air braurer formåne ümer wen hai preege däit.

26. Kümt up an wofeel lüür “Dat leesen” måke un wofeel mitmåke daue in dat stük “Dau beeter preege un inlëre”, dai gemaind kan anerd stel uk benutse dårtau. In jërer stel mut air forständig braurer sin taum dat lenke, un is gaud wen hai air ülst is. Woo dat nöörg is, air forständig hülpsdijner kan dës amt oiwersich häwe. Dai grup ülster fone gemaind daue uutsuike un oiwergeewe dai wat dës amt krijge däit un of dai selwig braurer ümer dat måke däit urer of jërer week air anerd braurer dat måke däit. Dai braurer däit dai belërung fon dai  paragraaf 18 någåe. Dai wat mitmåke daue, ware nöögt taum in anerd stel hengåe nå dai stük “Daile mit groote wërd wat’s duu ine Bijbel lërt häst” fon “Daile mit groote wërd wat ine Bijbel ståe”. Nå “Dau Beeter Preege un Inlëre” ale muite tröögkåme taum sich hensete urer nå “Dat leesen”, wen bloos bijblischpreeg sin woo wek sich mile koine in “Dau Beeter Preege un Inlëre”.

27. Wek videos ware in dës forsamlung benutst. Dës videos ware in JW Library® sin un wij koine dai saie in celular, tablet un andrer.

© 2024 Watch Tower Bible and Tract Society of Pennsylvania

S-38-PMR 01/24