As Jehovaa dai familg måkt hät, hai hät der papa un mama dat oiwergeewt dai kiner uptreke. (Colossenses 3:20) Soo as papa un mama, jij häwe dat oiwer juuch dai kiner inlëre Jehovaa lijbe un fornünftig groot lüür ware. (2 Timóteo 1:5 un 3:15) Jij muite uk waite wat dai kiner ine härts häwe. Un is wår, dat jij soo as air spëgel tau juuch kiner sin wat sai nåmåke daue. Den, airst mut God sij Woord in juuch härts sin taum nåheere dat inlëre tau juuch kiner. (Salmo 40:8)

WAT DAI BIJBEL SÄGT: “Ale muite trecht sin taum höören, åwer muite langsåm sin im fortelen.” (Tiago 1:19) Gans sicher, jij wile dat juuch kiner gërn mit juuch fortele. Den, sai muite waite dat jij eer hööre wen sai wat taum fortelen häwe. Wen jij fründlig sin, juuch kiner daue sich gaud befijne taum mit juuch fortele. (Tiago 3:18) Åwer, wen sai denke jij sin tau streng mit eer urer daue eer uutschimpe, kan sin dat sai ni mër mit juuch fortele wile. Wäst geduldig mit juuch kiner un låt ümer klår dat jij eer sër lijbe daue. (Mateus 3:17 un 1 Coríntios 8:1)

DUU KAST SOO MÅKE:

• Dau gaud nå uppasse wen dijn kiner wat taum sägen häwe.

• Fortel ümer mit dijne kiner, ni bloos wen wat slechtes passijrt.

WAT DAI BIJBEL SÄGT: “Wee forståen wijst im wat, kümt gaud dårmit ruuter.” (Provérbios 16:20) Wekmåls dai papa un mama muite dai kiner forståe, ni bloos dat wat sai säge, åwer uk wat sai forneeme. Mëst ümer dai juugende maine dai daile gröter as dai wirklig sin urer säge daile wat sai ni säge wule. “Aine antwoore airer as ales höört hät, is dumhët tau dem.” (Provérbios 18:13) Soo, dau ni glijk mit eer wüütend ware. (Provérbios 19:11)

DUU KAST SOO MÅKE:

• Hät nischt sägen wat dijn kiner säge, dau eer ni forstööre un war ni wüütend mit eer.

• Dau forsuike andenke wosoo as duu dij forneeme däirst as duu jong wäirst as dijn kiner.

WAT DAI BIJBEL SÄGT: “Horg, mij kind, dat formånen fon dijn papa un forlåt ni dijne mama sij inlëren.” (Provérbios 1:8) Jehovaa hät der papa un mama recht geewt taum dai kiner formåne. Dårweegen, muite jij juuch kiner inlëre dat sai juuch ëre un horge. (Efésios 6:1 bet 3) Dai kiner koine dat saie wen dai papa un mama ni oiwerain denke. (1 Corintíos 1:10) Wen jij ni oiwerain denke oiwer air dail, daut dat ni säge dat dai kiner dat hööre, weegen dat kan måke dat sai juuch, mite tijd, ni mër ëre un horge.

DUU KAST SOO MÅKE:

• Daut t’hoop fortele taum oiwerain kåme wosoo dai kiner formåne.

• Dau forsuike dai daile saie soo as dij kërl urer dijn fruug saie däit wen jij ni oiwerain denke oiwer dai kiner inlëre.

WAT DAI BIJBEL SÄGT: “Dau dat kind belëre upm weeg woo dat gåe mut.” (Provérbios 22:6) Dijn kiner inlëre dört ni besijdlåte ware. Wen dat bruukt, duu must uutdenke wat’s duu måke kast taum eer formåne. (Salmo 127:4 un Provérbios 29:17) Formåne is ni bloos ordnungs geewe un stråwe, åwer is uk dijn kiner forståe helpe woweegen as sai formånt ware. (Provérbios 28:7) Un nog, dau dijn kiner inlëre Jehovaa sij Woord lijbe un dai wårhëte fone Bijbel forståe. (Salmo 1:2) Dat däit eer helpe aine forstand häwe wat gaud uiwt is. (Hebreus 5:14)

DUU KAST SOO MÅKE:

• Dau dijn kiner forståe helpe dat wirklig aine God geewe däit woo sai sich up forlåte koine.

• Dau eer forståe helpe dai daile kene un besijrt låte wat ni rëgen sin un wat gefärlig sin, soo as dai wat wij fijne ine internet. Dau eer inlëre dat sai sich ni inreere låte mit dai lüür wat dai kiner angåe wile taum slechtigkët bedrijwe.