‘Dai doore daue gewis nischt mër waite.’ — Eclesiastes 9:5

Wat passijrt wen air doodbliwt?

• Salmo 146:3, 4; Eclesiastes 9:6, 10

  Wee doodbliwt kan ni kijke, ni hööre un däit nischt mër waite.

• João 11:11-14

  Jësus hät der dood t’hoopmaint mit slåpen.

‘Åwer, dai boom fom kenen fon dat wat gaut un slecht is, dau dårfon ni eete, weegen, der dag wen’s duu dårfon eete däist, gewis däist duu doodblijwe.’ — Gênesis 2:17

Woweegen blijwe wij dood?

• Gênesis 3:1-6

  Satan, dai Düüwel, hät loigen fortelt tau Eva oiwer wat mit eer passijre däir wen sai God ni horge däir. As Adam un Eva Jehovaa ni horgt häwe, häwe sai süün måkt un soo, sin sai doodbleewe.

• Gênesis 3:19

  Adam is werer stow woore as hai doodbleewe is. Hai wäir ni mër.

• Romanos 5:12

  Dai süün is soo as ain krankhët wat air kind fon sijn papa erbt. Dat hät mit Adam anfunge. Wij ale ware mit süün geboore un dårweegen, blijwe wij dood.

• 1 Coríntios 15:26

  Dai Bijbel sägt dat dai dood air faind is.

‘Wen air mësch doodbliwt, kan dai werer leewe? Ik dau luure bet mij fraimåken kümt.’ — Jó 14:14

Wosoo mökt oos frai fon dem falsch inlëren dai wårhët waite oiwer der dood?

• 1 João 4:8

  Wek säge dat God dai lüür ine höl brene låte däit. Dës groot loigen oiwer Jehovaa däit em sër argre. Hai däir nij ais aine soo trasijre.

• Apocalipse 4:11

  Wek säge wij muite angst häwe fon dai doore urer tau eer beere taum eer hülp foordre. Åwer wij muite bloos Jehovaa anbeere un sijn hülp foordre. Hai is dai Schafer un dai ainsig wår God.