8. Wat Bedüürt God sij Regirung?
1 GOD SIJ REGIRUNG IS AIR WÅR REGIRUNG
‘Dij Regirung schal kåme. Dij wile schal måkt ware soo as im himel, uk upe ër.’ — Mateus 6:9-13
Wat bedüürt God sij Regirung?
-
God sij Regirung is air regirung im himel wat oiwer dai Ër regijre wart.
-
Jësus is dai Köönig fon God sij Regirung.
-
God hät 144 duusend lüür uutsöcht taum mit Jësus t’hoop regijre.
-
Jësus un dai 144 duusend forståe wat dai lüür doirsete un wosoo sai sich forneeme.
2 JËSUS IS DAI WAT BEST REGIJRE KAN
Jësus ‘däit dai gewöönlige [urer arme] mit gerechtigkët gerichte.’ — Isaías 11:4
Woweegen giwt dat kaine beeter Köönig as Jësus?
-
Al dai lüür wat regijre, daue aine dag doodblijwe. Åwer Jësus bliwt nij ais dood. Al dai gaure daile wat Jësus den måke däit tau dai lüür daue up ümer blijwe.
-
Jësus kan feel mër måke as irgends air anert mësch wat regijre däit. Hai is feel stärker as al dai andrer wat regijre daue. Jësus is gerecht un wil dai lüür helpe.
3 GOD SIJ WILE WART MÅKT WEN GOD SIJ REGIRUNG REGIJRT
‘God fom himel däit aine regirung insete wat nij ais uutrot wart.’ — Daniel 2:44
Wat hät dës Regirung bet nuu hen al måkt? Un wat mökt dai nog?
-
Jësus is Köönig woore in 1914. Hai hät Satan uutm himel ruutersmeete upt Ër. Nådem, dat eelent un nood upe Ër is gröter woore.
Eclesiastes 8:9; Apocalipse 16:16
Dai lüür wat regijre sin ni reäl un daue sich ni bekümre oiwer dai lüür. In Armagedom, God sij Regirung däit dës regirunge uutrote.
-
Dai slechte lüür wat sich ni bekëre ware uutrot.
-
Kair wart mër krank un doodblijwe wen God sij Regirung oiwer dai Ër regijre däit. Al dai lüür daue dem God ëre un bijståe.