KAPITEL 07
Dau Jehovaa beeter kene
Wosoo denkst duu is Jehovaa beschafe? Denkst duu Jehovaa hät feele kraft, åwer is sër wijdaf for oos, soo as dai stërne am himel? Urer denkst duu Jehovaa is kair mësch, åwer air kraft soo’s wen dunre däit? Wee is wirklig Jehovaa? Dai Bijbel däit oos wijse wek gaure moors wat God hät, un däit uk wijse dat hai sich bekümre däit oiwer oos.
1. Woweegen koine wij God ni saie?
Dai Bijbel sägt in João 4:24: “God is gaist”. Jehovaa hät kair körper mit flaisch un knåke. Hai is air gaist un däit im himel wåne, ain stel woo wij ni saie koine.
2. Wat fon gaure moors hät Jehovaa?
Jå, wij koine God ni saie, åwer ji mër as wij lëre oiwer em, düler daue wij saie dat hai wirklig air mësch is wat feel gaure moors hät. Dai Bijbel sägt “Jehovaa lijbt dai gerechtigkët un däit dai ni forlåte wat tau em reäl sin.” (Salmo 37:28) Sägt uk dat ‘Jehovaa barmhärtsig is un däit dai lüür beduure’. Dat wijst oos dat Jehovaa sich wirklig beduure däit oiwer dai lüür, uphaupt dai wat slime daile doirsete. (Tiago 5:11) ‘Jehovaa is bij dai wat sër traurig sin un däit dai rere wat åne lust sin.’ (Salmo 34:18, nåt) Wätst duu dat wat’s duu måke däist, kan Jehovaa traurig urer fröölig låte? Wen air mësch uutsöcht måke wat forkërd is, dat löt Jehovaa traurig. (Salmo 78:40, 41) Åwer Jehovaa blijwt sër fröölig wen air mësch uutsöcht måke wat richtig is. (Lees Provérbios 27:11)
3. Woo wijst Jehovaa dat hai oos lijbe däit?
Dai Bijbel sägt “God is lijb”, dat is em sijn haupt gaur moor. (1 João 4:8) Wij koine God sijn lijb saie wen wij dai Bijbel leese daue, åwer wij koine Jehovaa sijn lijb uk saie in ales wat hai måkt hät. (Lees Atos 14:17) Denk dij wosoo as Jehovaa oos måkt hät, wij koine dai faine farwe saie, koine faine musiks hööre, wij koine uk faine eeten eete wat sër gaud smäkt. Hai wil dat wij schåle sër fröölig sin.
DAU MËR LËRE
Dau lëre wat Jehovaa benutse däit taum bewunrig daile måke. Dau uk lëre wosoo as Jehovaa sijn gaure moors wijse däit.
4. Dai hailig gaist is God sijn kraft
Wij daue oos hand benutse taum ain arbëd måke. Un Jehovaa? Wat däit hai benutse? Em sijn hailig gaist. Wek lüür maine dat dai hailig gaist is air mësch, åwer dai Bijbel sägt dai hailig gaist is dai kraft wat Jehovaa benutse däit taum ales måke wat hai wil. Lees Lucas 11:13 un Atos 2:17 un nåheer fortel oiwer dai frågen hijr uuner:
-
Wij häwe saie dat Jehovaa ‘schürt’ dai hailig gaist oiwer dai wat em dat forlange. Den, wat denkst duu wat dai hailig gaist is? Air mësch urer God sijn kraft? Woweegen denkst duu soo?
Jehovaa däit sijn hailig gaist benutse taum bewunrig daile måke. Lees Salmo 33:6 un 2 Pedro 1:20, 21 un nåheer fortel oiwer dai fråg hijr uuner:
-
Wotau hät Jehovaa sijn hailig gaist benutst?
5. Jehovaa hät gaure moors
Moisés däir God dijne un wäir reäl, lijkerst soo hai wul mër waite oiwer dai wat ales måkt hät. Dårweegen hät hai tau Jehovaa sägt: “Wijs mij dijn weegs, dat ik dij kene dau”. (Êxodo 33:13) Dun, hät Jehovaa tau Moisés sägt em sijn gaure moors. Lees Êxodo 34:4 bet 6 un nåheer fortel oiwer dai frågen hijr uuner:
-
Wat fon gaure moors hät Moisés lërt oiwer Jehovaa?
-
Wat fon gaure moors fon God daue dij dülst gefale?
6. Däit God sich mit dai lüür bekümre?
Ine früüsche tijd, God sij folk wäire dai hebreus un sai sin eskravos in Egito woore. Wosoo däir Jehovaa sich forneeme as hai saie däir dat sij folk nood un eelend doirsete däir? Dau Êxodo 3:1 bet 10 hööre un dau t’hoopleese urer dau dai bloos leese. Nåheer fortel oiwer dai frågen hijr uuner:
-
Wosoo däit Jehovaa sich forneeme wen hai saie däit dat dai lüür nood un eelend doirsete? (Kijk dai sprüüch 7 un 8.)
-
Denkst duu dat Jehovaa dai lüür mithelpe wil? Denkst duu dat hai dai kraft hät taum dat måke? Woweegen denkst duu soo?
7. Wij koine God sijn gaure moors saie in ales wat hai måkt hät
Wen wij ales bekijke wat Jehovaa måkt hät, koine wij oiwer sijn gaure moors lëre. Kijk dai VIDEO, nåheer lees Romanos 1:20 un fortel oiwer dai fråg hijr uuner:
-
Wat fon gaure moors fon God däist duu saie in dai daile wat hai måkt hät?
WEK DAUE SOO SÄGE: “God is kair mësch! Hai is ain kraft wat up jërer stel is.”
-
Däist duu uk soo denke?
-
Woweegen denkst duu soo?
WAT HÄWE WIJ HIJR LËRT?
Wij koine God ni saie weegen hai is gaist. Hai hät feel gaure moors, dat haupt is dat lijb.
Denk dij ais nå
-
Woweegen koine wij Jehovaa ni saie?
-
Wat is dai hailig gaist?
-
Wat fon sin wek gaure moors fon Jehovaa?
TAUM MËR WAITE
Dau beeter forståe dai haupt fair gaure moors fon Jehovaa.
Kijk daile wat oos wijse daue dat Jehovaa ni up jërer stel is.
“Is God up ale stele in dai neemlig tijd?” (Stäit in jw.org taum leesen)
Sai woweegen dai Bijbel sägt dai hailig gaist is soo as God sijn hand.
Air kërl wat ni saie kan, hät anfånge glööwe dat God an em sich bekümre däit. Woweegen däit hai nuu soo denke?
“Ik dau nuu forneeme dat ik dai andrer helpe kan” (Wat Bekandmökt, 1 oktober 2015)
Kan sin dat dit dij uk gefale däit
MËSTE FRÅGEN
Wosoo kan man dai Bijbel lëre mit Jehovaas Tüügen?
Duu kast dijn aigen Bijbel benutse taum dai Bijbel lëre mit Jehovaas Tüügen. Duu kast dijn gans familg urer dijn fründe nööge taum dai Bijbel lëre t’hoop mit dij.
