TAUM DAI LÜÜR ANREERE
KAPITEL 4
Wäs gewöönlig
Ine Bijbel stäit: “Mit gewöönligkët, denkt ümer dat dai andrer beeter sin as jij selwst.” (Fil 2:3)
Wat hät Paulo måkt?
1. Kijk der VIDEO, urer lees Atos 26:2 un 3. Nåheer, dau dai frågen hijr uuner antwoore:
-
Wosoo hät Paulo gewöönligkët weese as hai mit dem köönig Agripa fortelt hät?
-
Wosoo hät Paulo weese dat dat wat hai fortele däir kaim fon Jehovaa un fon dai Hailig Sriwt un ni fon em selwst? (Lees Atos 26:22)
Wat lëre wij fon Paulo?
2. Dai lüür wile oos laiwer hööre wen wij mit gewöönligkët un respekt fortele.
Måk Paulo nå
3. Wäs ni groosartig. Dau ni soo as wen’s duu ales wätst un dai anerd mësch däit nischt waite. Fortel mit schik.
4. Wijs klår dat dat wat’s duu inlëre däist fone Bijbel kümt. God sij Woord kan dai lüür helpe aners denke un sich aners forneeme. Wen wij dai Bijbel benutse, wij daue dai lüür helpe anglööwe an dat wat dårin stäit un ni an dat wat wij säge.
5. Blijw ruig. Forsuik ni mit gewald wijse wile dat’s duu richtig büst. Wij wile ni oos mit dem mësche fortööne. Wäs gewöönlig, blijw ruig un wen dat nöörg is gå weg. (Pro 17:14 un Tito 3:2) Wen’s duu mit schik fortelst, kan sin anerd mål wil dai mësch mit oos fortele.
