1. Woweegen muite wij trecht sin taum slecht behanelt ware?

 WAT hät Jësus sägt ine nacht airer as hai doodmåkt woore is? Hai hät sägt dai lüür däire hasse dai wat em någåe wule. (João 17:14) Is dat passijrt? Gewiss doch. Genau soo as Jësus sägt hät, dai wat em någåe wile sin slecht behanelt for dai lüür. (2 Tim 3:12) Un dat wij ine lätste dåg sin, wat daue dai måke wat oos hasse? Sai daue oos nog düler slecht behandle. Dårweegen muite wij trecht sin dårtau. (Mat 24:9)

2-3. (a) Woo muite wij andenke oiwer angst forneeme? (b) Wat daue wij hüüt lëre?

² Wat kan oos helpe stramblijwe wen wij groot pruiwen doirsete urer wen wij slecht behanelt ware? Wij döre ais nij oos tijd benutse taum denken an ales wat passijre kan mit oos. Weegen dit måke kan oos angst geewe. Un dai angst nimt oos kraft un oos lust weg. Un wij koine sogår dai wårhët besijd låte ån wat slechtes doirsete. (Prov 12:25 un 17:22) Den, woo muite wij andenke oiwer angst forneeme? Dat däit oos faind, Satan, sër gefale. Weegen hai kan dai angst benutse gëgen oos taum oos wat schåre. (1 Ped 5:8 un 9) Den, wat koine wij nuu måke taum trecht sin taum slecht behanelt ware?

³ Hüüt wij daue 3 daile lëre. Airst: Wosoo koine wij oose ümgang mit Jehovaa stärke un woweegen muite wij dat nuu måke? Twait: Wat muite wij måke taum mër koråsch häwe? Un drür: Dat dai andrer oos hasse daue, wat muite wij måke?

4. (a) Soo as Hebreus 13:5 un 6 wijst, wat fon sicherhët muite wij häwe? (b) Wosoo helpt oos dat?

⁴ Duu must dij sicher sin dat Jehovaa dij lijbe däit un dat hai däit dij nij ais besijd låte. (Lees Hebreus 13:5 un 6) Stäit soo in Wat Bekandmökt: “God gaud kene helpt oos nog düler up em forlåte wen wij pruiwen doirsete.” Den, oos sicher sin dat God lijbt oos un dat hai oos gaud uppasse däit, helpt oos irgends air swår dail oiwerståe. (Mat 22:36 bet 38 un Tia 5:11)

5. Wat kast duu måke taum saien dat Jehovaa dij lijbe däit?

⁵ Dau dai Bijbel jërer dag leese taum dijne ümgang mit Jehovaa stärke. (Tia 4:8) Wosoo kast duu dat måkt krijge? Wen’s duu dai Bijbel leese däist, forsuik saie Jehovaa sijn gaure moors. Dau dij uk anstrenge taum forståen dat groot lijb wat Jehovaa oiwer dij hät un dat ales wat hai mökt is weegen dës lijb. (Êxo 34:6) Åwer tau wek kan ni licht sin glööwe dat Jehovaa eer lijbe däit, weegen sai häwe nij ais fornåme dat air eer lijbe däir. Wen’s duu dij soo befijnst, duu kast jërer dag srijwe dat wat Jehovaa al måkt hät for dij. (Sal 78:38 un 39 un Rom 8:32) Dau tijd ruuterneeme taum angrüüwle an dat wat’s duu ine Bijbel leese däist un uk an dai seegens wat Jehovaa dij geewe däit. Dankbår sin helpt oos oose ümgang mit Jehovaa stärke. (Sal 116:1 un 2)

6. Soo as Salmo 94:17 bet 19 wijst, wat passijrt wen’s duu mitm ganse härts tau Jehovaa beere däist?

⁶ Dau ümer beere. Wat kan passijre wen’s duu jërer dag mitm ganse härts tau Jehovaa beere däist? Dau an aine klaine jong andenke. Em sij papa däit sijne jonge sër lijbe un däit em ümfåter. Gans sicher dai klain jong däit sich sër gaud befijne. Hai wät hai kan ales fortele tau sij papa. Dai papa däit em mit lijb hööre. Is dat neemlig mit dij un mit Jehovaa. (Lees Salmo 94:17 bet 19) Dårweegen wen’s duu beere däist, duu kast tau Jehovaa säge ales wat’s duu fornimst, dai gaure un dai slechte daile. Gans sicher hai däit dij hööre. (Lam 2:19) Wat giwt dat ruuter? Soo as Filipenses 4:6 un 7 wijst duu kast forneeme “dai freere fon God, wat oiwer al forståen is”. Wen’s duu mitm ganse härts tau Jehovaa beere däist, duu warst forneeme dat’s duu aine starke ümgang mit em häst. (Rom 8:38 un 39)

7. Woweegen muite wij oos sicher sin dat dai seegens fon God sij Regirung wirklig kåme daue?

⁷ Wäs dij sicher dat dai seegens fon God sij Regirung wirklig kåme daue. (Núm 23:19) Wen’s duu ni gans un går anglööwe däist an dat wat God forspråke hät, den, Satan un dai wat t’hoop mit em sin, koine dij ängste. (Prov 24:10 un Heb 2:15) Saie’s wat passijrt is mit braurer Stanley Jones.Weegen sijne gloobe hai is 7 jåre inspuunt bleewe, åwer hai is reäl wääst. b Woweegen hät hai dit doirset kreege? Hai hät soo sägt: “Sai häwe forsöcht måke dat ik Jehovaa besijd låte däir. Åwer dat wat ik wüst oiwer God sij Regirung un mijne gloobe, dat hät mij kraft geewt taum foirwärtsgåe.” Wen’s duu aine starke gloobe häst up dat wat God forspråke hät, dat stärkt dijne ümgang mit em. Soo, duu däist dij ni ängste mit dat wat Satan mökt. Åwer wosoo kast duu dijne gloobe up God sij Regirung stärke? Dau lëre oiwer dat wat God sij Regirung måke wil un oiwer woweegen koine wij oos sicher sin dat dat passijre däit. Soo wart oos gloobe stärker up dat wat God forspråke hät. (Prov 3:25 un 26)

8. Wen wij dai forsamlunge wërd geewe, wat däit dat wijse?

⁸ Gåe up al dai forsamlunge hen. Woweegen is dat gaud tau oos? Weegen up al dai forsamlunge sin, helpt oos oose ümgang mit Jehovaa stärke. Wen wij hüütsendåg oos forsamlunge wërd geewe, dit wijst of wij daue dat måke urer ni in dai tijd wat nog kümt. (Heb 10:24 un 25) Dau an air braurer denke wat låte däit dat irgends air dail em forstööre däit nåm forsamlunge gåe. Wat däit hai måke in dai tijd foiruut wen gefärlige wart nam forsamlunge gåe? Kan sin däit hai trööglåte up dai forsamlunge sin. Åwer denk an air anerd braurer wat hüütsendåg al lijbe däit nåm forsamlunge gåe. Lijkerst wen dai regirung forbaire däit nam forsamlunge gåe, hai däit ni anhule. Hai däit bijblijwe God horge un däit sich anstrenge up al dai forsamlunge sin. Wat lëre wij? Wij muite nuu oos lijb up dai forsamlunge stärke. Wen wij dit måke daue, nischt un går nischt, sogår ain lei fone regirung, däit måke dat wij anhule up dai forsamlunge sin. (Atos 5:29)

9. Wosoo feel sprüüch ine gedanke häwe helpt oos groot pruiwen doirsete?

⁹ Häw ine gedanke dai sprüüch wat dij mëst gefale. (Mat 13:52) Kan ni licht sin tau dij feel sprüüch ine gedanke behule. Åwer Jehovaa doir sijn kraft kan måke dat’d duu an dai andenke däist. (João 14:26) Air braurer wat alaine inspuunt wäir in Orient Düütschland hät sägt: “Woo gaud is dat wääst dat ik feel sprüüch ine gedanke har. Ik däir mijn tijd benutse taum angrüüwle an feel daile fone Bijbel.” Dai sprüüch wat dës braurer ine gedanke har, häwe em sër hulpe aine starke ümgang mit Jehovaa häwe un bijblijwe reäl sin.

10. Woweegen is gaud ine gedanke häwe lijre un musiks taum Jehovaa låwe?

¹⁰ Häw ine gedanke lijre un musiks taum Jehovaa låwe. Däit dij dat lust geewe singe oos lijre urer dai musiks fon dai TV JW? Dai lijre häwe ümer koråsch geewt tau God sij folk. Denk an Paulo un Silas. As sai inspuunt wäire in Filipos, sai häwe lijre tau God sunge wat sai ine gedanke hare. (Atos 16:25) Oos bruirers un swesters fon União Soviética häwe uk dat måkt. As sai inspuunt wäire in Sibéria, Mariya Fedun hät sägt: “Wij däire al dai lijre singe wat wij ine gedanke hare.” Sai hät uk sägt dat dës lijre häwe eer ale hulpe koråsch krijge un aine starke ümgang mit Jehovaa häwe. Soo, dat wij oos anstrenge taum lijre ine gedanke häwe taum Jehovaa låwe. - Lees dai tåfel “ Jeová, me dá coragem”.

11-12. (a) Woweegen is Davi sër koråschlig wääst? (1 Samuel 17:37 un 45 bet 47) (b) Wosoo koine wij uk koråschlig sin?

¹¹ In dai tijd wat nog kümt wij ware slecht behanelt. Dårweegen, muite wij koråschlig sin. Åwer kan sin däist duu denke: ‘Ik häw kain koråsch’, urer: ‘Mijn koråsch is soo swak’. Wen dat soo is, wat must duu måke? Dau andenke dat koråsch hät nischt besägen mit sër hoog sin, sër stark urer feel daile gaud måken forståe. Dat wat Davi beleewt hät, däit oos genau dat wijse. Golias wäir sër hoog un wäir air stark soldåt. Åwer Davi wäir bloos air swak jong un wäir kair soldåt. Hai wüst ni wosoo dai espada benutse. Åwer Davi har air dail mit groote wërd: koråsch. Hai har kain angst fon der groote un starke soldåt Golias.

¹² Davi is sër koråschlig wääst. Woweegen? Weegen hai har sicherhët dat Jehovaa wäir bij em un däir em mithelpe. (Lees 1 Samuel 17:37 un 45 bet 47) Wat hät Davi hulpe koråschlig sin? Hai hät ni dacht: ‘Ach God, Golias is hööger as ik. Un nuu, wat schal ik måke?.’ Åwer hai hät dacht: ‘Jehovaa is stärker as Golias. Gans sicher hai däit mij helpe.’ Wat lëre wij hijr fon? Wij koine koråschlig sin soo as Davi wääst is. Dårtau muite wij oos gans un går forlåte dat Jehovaa bij oos is un dat hai feel stärker is as irgends air wat gëgen oos is. (2 Crô 20:15 un Sal 16:8) Åwer wat muite wij nuu måke taum groot koråsch häwe, airer as dat groot pruiwen passijrt?

13. Wat kan oos helpe mër koråsch häwe? Dau uutdüüre.

¹³ Wat kan oos helpe mër koråsch häwe? Dai gaure nijges preege. Woweegen? Preege helpt oos nog düler up Jehovaa forlåte un ni angst häwe fon dat wat dai lüür måke un säge koine. (Prov 29:25) Wen wij feel gåe un oos körper beweege wij ware stärker, is ni wår? Neemlig soo, wen wij preege huus bij huus, ine ruu urer in andrer stele, dat giwt oos mër koråsch. Un wen wij hüüt koråsch häwe taum preegen, wat däit passijre in dai tijd wat nog kümt? Lijkerst wen dai regirung oos forbaire däit preege, wij daue dat ni horge. Wij daue bijblijwe preege. (1 Tes 2:1 un 2)

14-15. Woweegen häwe swesters Nancy un Valentina groot koråsch weese?

¹⁴ Twai swesters häwe groot koråsch weese. Wij daue airst fortele oiwer swester Nancy Yuen. Sai wäir ni sër hoog åwer wäir koråschlig. c Dai regirung wul mit gewald måke dat swester Nancy anhule däir an preegen. Sai hät dat ni annåme un is bijbleewe preege. Dårweegen sai is mër as 20 jåre inspuunt bleewe in China. Dai wat eer uutfrågt häwe, häwe sägt kair anerd mësch in China wäir soo as sai. Weegen swester Nancy wüst genau wat sai måke wul.

¹⁵ Wij daue uk air bits fortele oiwer swester Valentina Garnovskaya. Sai is inspuunt bleewe mër as 21 jår in União Soviética. d Woweegen is sai inspuunt woore? Sai wul nij ais anhule ane preegen. Dårweegen dai soldåte häwe sägt “sai is ain gefärlig fruug”. Woweegen häwe dës twai swesters groot koråsch weese? Sai wäire sich sicher dat Jehovaa bij eer wäir.

16. Wosoo koine wij wirklig koråschlig sin?

¹⁶ Wij häwe lërt dat dai koråsch kümt ni fon oos aigen kraft un fon dai daile wat wij gaud måken forståe. Åwer dai koråsch kümt fon sicherhët häwe dat Jehovaa bij oos is un dat hai oos helpe däit. (Deut 1:29 un 30 un Zac 4:6) Wen wij oos sicher sin dåroiwer, den krijge wij groot koråsch.

17-18. Wat hät Jësus tau oos sägt in João 15:18 bet 21? Dau uutdüüre.

¹⁷ Gefült oos sër wen andrer oos ëre daue. Åwer wen dat ni passijre däit dat wijst ni dat wij kaine wërd häwe. Jësus Kristus hät sägt in Lucas 6:22 dat “dai wat slecht behanelt wööre weegen dat Kind fom Kërl, wööre sër fröölig”. Åwer wat däit dat bedüüre?

¹⁸ Dat bedüürt ni dat der kristen dat gefale däit wen sai slecht behanelt ware. Åwer woweegen däire andrer oos hasse un oos slecht behandle? Weegen wij daue ni tauhööre tau dai wild. Un weegen wij preege der neemlige beschaid wat Jësus preegt hät. (Lees João 15:18 bet 21) Åwer dat haupt tau oos is Jehovaa dijne. Wij daue ni oos slecht forneeme dat dai lüür oos hasse daue weegen Jehovaa.

19. Wosoo koine wij soo as dai apostels koråsch wijse?

¹⁹ Wij döre oos ais nij schääme dat wij Jehovaas Tüügen sin, lijkerst wen air wat mökt urer slecht reert oiwer oos. (Miq 4:5) Wen’s duu angst fornimst, kan dij sër mithelpe andenke an dat wat passijrt is mit dai apostels nå Jësus sijne dood. Sai wüste dat dai religions schefs däire eer sër hasse. (Atos 5:17 un 18 un 27 un 28) Åwer häwe sai nålåte Jësus någåe? Në. Sai sin bijbleewe jërer dag nåm Godeshuus gåe un däire tau ale wijse dat sai Jësus någåe däire. (Atos 5:42) Sai häwe ni anhule preege weegen dai angst, åwer sai sin sër koråschlig wääst. Wosoo kast duu dat uk soo måke? Säg tau ale upm arbëd, ine schaul urer woo’s duu wånst, dat’s duu Jehovaas Tüügen büst. (Atos 4:29 un Rom 1:16)

20. Dai lüür däire dai apostels hasse, åwer lijkers soo sai fornaime sich sër fröölig. Woweegen?

²⁰ Dai apostels fornaime sich sër fröölig lijkerst dat sai slecht behanelt wööre. Woweegen? Tau dai apostels irgends air dail doirsete weegen Jehovaa, wäir sër gaud. (Luc 6:23 un Atos 5:41) Apostel Paulo hät dåroiwer sägt. Hai hät soo sreewe: “Lijkerst dat jij slechte daile doirsete daue weegen dai gerechtigkët, jij ware fröölig sin.” (1 Ped 2:19 bet 21 un 3:14) Wen wij waite daue dat dai lüür oos hasse weegen wij daue Jehovaa gefale, den, dai angst wart ni oos forbaire dai daile måke.

21-22. (a) Wat kast duu måke taum dij trechtmåke tau dai tijd wat nog kümt? (b) Wat daue wij anerd week lëre?

²¹ Dai lüür daue oos hasse un daue oos slecht behandle. Sogår dai regirung kan oos forbaire preege. Åwer wij waite ni wonair wart dat passijre. Den, wat koine wij nuu måke? Oos trechtmåke. Wosoo? Wij muite oose ümgang mit Jehovaa stärke, mër koråsch häwe un forståe wat muite wij måke wen andrer oos hasse daue. Wen wij oos anstrenge dës daile nuu måke, dat wart oos helpe stramblijwe in dai tijd wat nog kümt.

²² Un wen dai preegarbëd forbåre wart? In dai anerd week wij daue oiwer wek sprüüch lëre wat oos helpe koine bijblijwe Jehovaa dijne wen dat passijre däit.