Wat’s duu büst hät mër besägen as dijne nåme un soo as dij dat löt. Bedüürt uk dijn moors un woo’s duu anglööwe däist. Wat’s duu büst hät besägen mit dat wat’s duu inwarts büst, soo as duu denkst, wat’s duu fornimst un soo as duu beschafe büst. Dat is wat’s duu büst: soo as dij dat löt un wat’s duu mökst.

Wen’s duu wätst wee duu wirklig büst, den, däist duu ni besijdlåte woo’s duu anglööwe däist un däist ni erlaube dat andrer dij andrijwe wat’s duu måke schast.

“Feel lüür sin soo as dai pupe im glas wat ine wend sin. Sai daue erlaube dat andrer uutsuike dat tüüg wat sai antreke.” - Adrian.

“Ik häw lërt bijståe dat wat richtig is nog wen dat ni licht is. Ik wait mit wem as ik wirklig gaure ümgang häw doir dat wat sai måke un doir dat wat ik måk wen ik mit eer t’hoop bün.” - Courtney.

WAT SÄGT DAI BIJBEL? “Hult an denke soo as dës wild, åwer wart aners doir juuch gedanke aners måke.” (Romanos 12:2)

Gaud kene soo’s duu wirklig büst: dijn gaure moors, dijn slechte moors un woo’s duu anglööwe däist, däit dij helpe waite wat’s duu nuu büst un in dai tijd foiruut. Antwoore dai frågen wat uuner ståe däit dij helpe dit ruuterfijne.

Mijn gaure moors un wat ik måken forståe: Wat fon gaure daile dau ik måke? Wat forståe ik gaud måken? Taum waiten wat fon gaure moors häst duu, duu kast dij fråge: ‘Krijg ik mij selwst hule? Bün ik air gaur arbëdsmësch? Dau ik mijn daile gërn indaile mit dai andrer? Wen ik wat anmarkt häw mit aim, dau ik ine richtige stuun kåme?’

DIT KAN DIJ HELPE: Is ni licht tau dij wääst waite won gaure moors as duu häst un wat’s duu måken forstäist? Den, dau tau dijn papa un mama urer tau aim woo’s duu dij upforlåte kast forlange dat dai dij säge wat gaures as duu häst un woweegen.

WAT SÄGT DAI BIJBEL? “Dat jërer ainsig uunersöcht wat dai mökt, un den hät dai recht taum sich frööge mit sich selwst, un sich ni t’hoopmaine mit anerd mësch.” (Gálatas 6:4)

Wat ik beeter måke mut: Woo in mut ik nog beeter ware in mijne moors? Wonair kan gefärlig tau mij sin wat måke wat forkërd is? Woo in mut ik mij nog beeter hule?

WAT SÄGT DAI BIJBEL? “Wen wij säge: ‘Wij häwe kain süün’, wij daue oos selwst bedraige un dai wårhët is ni in oos.” (1 João 1:8)

Woan dau ik glööwe? Tau mij wat is richtig un forkërd? Woweegen dau ik soo denke? Dau ik glööwe an God? Wat giwt mij sicherhët dat wirklig aine God geewe däit? Wat is ungerechtigkët tau mij un woweegen? Wat main ik wat passijrt in dai tijd wat nog kümt?

WAT SÄGT DAI BIJBEL? “Onglig denke däit dij uppasse un dai gaur forstand daue dij behüüte.” (Provérbios 2:11)