TAU DAI FORFRIGTE
2: Air dem ande bijståe
WAT BEDÜÜRT DAT?
Wen kërl un fruug sich t’hoopståe, dai sin soo as air wat luftschif fuit un dai wat em mithelpt. Sai muite up dai neemlig stel flaige. Wen sai swårhëte doirsete, sai daue ni bloos an sich selwst denke, åwer air an der ande.
WAT SÄGT DAI BIJBEL? “Soo sin sai ni mër twai, åwer bloos soo as air.” (Mateus 19:6)
“Dat forfrigt leewend is ni soo as air arbëd wat wij alaine måke. Kërl un fruug muite t’hooparbëre taum air fröölig forfrigt leewend häwe.” - Christopher.
WOWEEGEN HÄT DAT FEELE WËRD?
Wen sai ni oiwerain kåme, dai kërl un fruug wat ni air dem ande bijståe daue, daue sich bloos uphule air oiw’ der ande, airer as dat eelend in’t raich bringe. Soo, klain daile koine groot ware.
“Air der ande bijståe hät groote wërd in dem forfrigte leewend. Wen ik un mij kërl oos ni t’hoopståe daue, wij sin bloos soo as lüür wat t’hoopwåne, ni air kërl un fruug wat forfrigt sin. Den sin wij bloos 2 lüür wat t’hoopleewe, åwer daue ni oiwerain kåme taum wat uutsuike.” - Alexandra.
WAT KAST DUU MÅKE?
DAU AIS DENKE
-
Dau ik maine dat dat gild wat ik fordaine dau, is “bloos mijn”?
-
Bün ik bloos ruig wen ik wijdaf bün fon mijn kërl urer fruug?
-
Nog dat ik waite dau dat mij kërl urer mijn fruug, sër feel hült fon sijn fründe, ik dau mij trööghule fon dai?
DAUT BËD T’HOOPFORTELE
-
In wat daue wij oos gaud t’hoopståe in oosem forfrigte leewend?
-
In wat muite wij nog beeter ware?
-
Wat muite wij måke taum beeter ware?
DIT KAN DIJ HELPE
-
Denk ais dat dij forfrigt leewend soo is as kårte speele. Daut forsuike forståe wat jij måke muite taum air der ande mithelpe. Duu un dij kërl muite t’hoopspeele taum gewinen.
-
Airer as denke: ‘Wosoo kan ik gewine?’, dau denke: ‘Wosoo koine wij bëd gewine?’
“Dau ni forsuike wijse wee richtig urer forkërd is. Wat der mëste wërd hät im forfrigte leewend, is de freere un ainigkët hule.” - Ethan.
WAT SÄGT DAI BIJBEL? ‘Suik ni bloos wat’s duu wilst, åwer uk wat dai andrer wile.’ (Filipenses 2:3 un 4)
