Wen dai kërl un fruug sich t’hoop wërd geewe, sai behandle sich mit beschöönen, lijkerst wen sai ni oiwerain denke. Air bauk a wat fortelt oiwer air beetet forfrigt leewend häwe sägt oiwer dai forfrigte kërls un fruuges wat sich t’hoop wërd geewe: “Dës forfrigte lüür daue ni bloos fortele oiwer dat wat air wil un uutsuike däit. Åwer, sai daue fortele oiwer dat wat jërer ainsig maine däit un daue air der ande mit respekt hööre. Den, kåme sai oiwerain wat gaud is tau eer bëd.”

WAT SÄGT DAI BIJBEL? “Dat lijb . . . söcht ni bloos sijne aigen wile.” (1 Coríntios 13:4 un 5)

“Mijn fruug wërd geewe, bedüürt waite de wërd wat sai hät, un nischt måke wat eer wat schåre däit urer oosem forfrigte leewend.” - Micah.

Wen dai kërl un fruug sich ni t’hoop wërd geewe, den daue sai ni onglig t’hoopfortele, åwer mit spoterig un forachten. Wek uutstudijrte säge dat weegen dës daile dai lüür koine sich uutananersrijwe låte.

“Slechte wöör säge urer spoterig oiwer dijn fruug måke, mökt dat dai sich forneeme däit åne wërd, dat löt eer traurig un däit dij forfrigt leewend foråse.” - Brian.

DAU AIS DENKE

Doir ain week lang, dau uppasse wat’s duu sägst un wat’s duu mökst. Nådem, dau antwoore:

• Wofeel mål häw ik slecht oiwer mijne kërl urer mijn fruug reert? Wofeel mål häw ik em urer eer låwt?

• Wosoo häw ik weese dat hai urer sai wërd tau mij hät?

DAUT BËD T’HOOPFORTELE

• Wat kast duu måke un säge dat dai anerd sich forneeme däit dat dai wërd hät?

• Wat kast duu måke un säge dat dai anerd sich forneeme däit dat dai kaine wërd hät?

DIT KAN DIJ HELPE

• Dau 3 daile srijwe wat dij kërl urer dijn fruug måke kan, taum wijsen dat’s duu wërd häst. Jërer ainsig mut sijn aigen list måke un dem ande afgeewe. Nådem, daut juuch anstrenge taum dat måken wat dai anerd forlangt hät.

• Måk ain list mit daile wat dij gefale daue fon dijn kërl urer dijne fruug. Nådem, sägt air tau dem ande woo dul as dij dës gaure moors gefale.

“Mijn kërl wërd geewe bedüürt wijse doir dat wat ik måke dau dat ik em ëre dau un wil dat hai schal fröölig sin. Man bruukt ni groote daile måke. Mëstümer, klaine daile dag fon dag koine wijse dat wij wirklig aine wërd geewe.” - Megan.

Wat wirklig wërd hät, is ni dat’s duu maine däist duu häst gaure wöör sägt, åwer dat dai anerd mësch forneeme däit dat dai wërd hät.

WAT SÄGT DAI BIJBEL? “Daut juuch oiwertreke mit lijb beduurnis, gaurigkët, gewöönligkët, fråmhët un geduld.” (Colossenses 3:12)