TAU DAI KINER
10: Air sin woo sich andrer upforlåte
WAT BEDÜÜRT DAT?
Lüür woo man sich upforlåte kan sin dai wat dai ordnungs horge, måke wat sai säge un daue ümer dai wårhët fortele. Is dårweegen dat eer papa un mama, eer schefs un andrer lüür sich up eer forlåte daue.
WOWEEGEN HÄT DAT FEELE WËRD?
Mëstümer ji düler as duu dij anstrenge däist taum wijsen dat andrer sich up dij forlåte koine, ji mër fraihët däist duu krijge.
“Is feel lichter dat dijn papa un mama an dij glööwe wen’s duu wijse däist dat andrer sich up dij forlåte koine, lijkerst wen sai ni bij dij sin.” - Sarahi.
WAT SÄGT DAI BIJBEL? “Dat ale klår saie dijn foirwärtsgåen.” (1 Timóteo 4:15)
WAT KAST DUU MÅKE?
Wen’s duu wilst dat dai lüür sich düler up dij forlåte urer daue werer an dij glööwe, dat wat hijr uuner stäit kan dij helpe.
Wäs fornünftig. Nischt däit soo rasch dat upforlåten almåke as dai loigen. Åwer wen’s duu fornünftig büst un sägst dai wårhët, uphaupt wen’s duu wat forkërd måkt häst, dai lüür daue sich up dij forlåte.
“Is licht fornünftig sin wen ales gaud is. Åwer duu kast wijse wosoo as duu büst, wen’s duu fornünftig bijblijwst lijkerst wen’s duu wat forkëdes mökst. Dat helpt dai andrer mit sich up dij forlåte.” - Caiman.
WAT SÄGT DAI BIJBEL? “Wij wile reäl sin in al dai daile.” (Hebreus 13:18)
Wijs dat andrer sich up dij forlåte koine. In Estados Unidos is air upsuiken måkt woore mit dai lüür wat arbëdslüür raupe taum arbëre. Fon dai wat uutfrågt woore sin, 78% häwe sägt dat air fon dai gaure moors wat mëre wërd hät, is air mësch sin woo andrer sich upforlåte koine. Wen’s duu groot warst, duu däist saie woo gaud as wääst is dat’s duu fon jung an lërt häst dat andrer sich up dij forlåte koine.
“Mij papa un mama daue dat glijk saie wen ik de arbëd måk wat mij t’huus oiwergeewt woore is taum måken, ån dat sai dat ümer werer säge muite. Ji mër as ik mij anstrenge dau taum fornünftig sin, ji mër daue sai sich up mij forlåte.” - Sarah.
WAT SÄGT DAI BIJBEL? “Ik dau mij up dij forlåte dat’s duu mökst wat ik forlang, . . . ik wait duu däist nog mër daile måke as ik säg.” (Filêmon 21)
Häw geduld. Ale daue dat glijk saie wen air jung mësch groot woore is. Åwer is ni licht glijk saie of dai fornünftig is taum sich upforlåten.
“Dijn papa un mama un andrer daue sich ni up dij forlåte bloos dat’s duu airst fornünftig wääst büst. Åwer wen’s duu ümer fornünftig büst, mite tijd sai daue sich up dij forlåte.” - Brandon.
WAT SÄGT DAI BIJBEL? “Daut juuch oiwertreke mit . . . geduld.” (Colossenses 3:12)
